من اجل امراة بقلم جيمن الناشربارق

الحلقه الاولى

هي ومااداراك ماهي امراءه داهيه ناكره للجميل في بحر

الأقوال ساهيه،كان لها قصرا من ياسمين ولكنها حطمته حين

انسطت لتلك الاقوال،أردت الحفاظ عليها بكل الطرق  وجدتها

قطعت لي اوتار قلبي.
_______________________

ابطال القصه:
محمد: مواليد 1989موظف،من سكنه بغداد  
براء:موالي1990ربه بيت من سكنه بغداد

وباقي الشخصيات تتعرفون عليهم أثناء القصه
يوم من أيام الشتاء البارد،،جانت السماء تمطر كعدت من النوم

على صوت المنبه كعدت ب6الصبح جان المفروض اكعد بكل

نشاطي بس كالعاده المزاج المتعكر لاحكني،،،طلعت كبل

بوجهي رحت غسلت ولكيت الحجيه دتصلي الصبح ،،رحت

كعدت يمها وبست ايدها ،،خلت ايدها على جتفي،،حسيت كان

الدنيا نفضتني من الهموم

الحجيه:وليدي محمد كوم صلي وبدل عما اسويلك ريوك

محمد:صار يمه

*اني محمد من بغداد موالي1989 من جان  عمري19سنه

موظف من منطقه التاجي ،،يعني من صغري اني معتمد على

نفسي اني الاصغر وعندي اخواتي أكبر مني

المهم

الصبح بدلت ملابسي بعد ما صليت وتريكت ،،سلمت على

الحجيه وطلعت للدوام ،،ساعه وساعتين وينص الدوام جنت

خال الموبايل بالدرج الميز ،مر وقت محدد وشفت اتصال

جاني من الحجيه ،،رجعت خابرت كتلها:هلايمه 

اخويه:محمد الو

محمد:هلاشبيك

اخويه:محمد الحك الحجيه مريضه واحنه مانكدر نخلي البيت لوحده اشلون

محمد:اني راح اخذ اجازه واجي

*اخذت اجازه بالكوه وطلعت وصلت للبيت فتحلي اخويه

الصغير،،كتله:ضل بالي يمه الوالده هيه وين

جاوبني:نايمه جوه

*رحت كعدت يمها وبست ايدها وراسها وكتلها شبيج يمه
 
جاوبتني:يوليدي تمرضت واكبرت

محمد:يمه صدك جذب انتي كاعده تدللين،،مابيج شي

الام:يمته افرح بيك واشوفك عريس

محمد:حجيه اني من ايدج هاي ل ايدج هاي الكيلي بنت

الحلال

الام:وأني هسه كمت احس نفسي بخير،،،

محمد:يمه هاي اهمشي انتي علم وخيمه  .

______

محمد راح واجت ايام والحجيه لكتلي عروس جنت متردد

بالبدايه لهذه الخطوه الزواج قرار صعب ابد ماكان سهل ،هذه

العروس،بيتها بمنطقه

الطوبجي رحت شفتها عجبتني وكلبي رف الها،،اقتنعت بيهأ

شكليا ومن رجعت للبيت الحجي حجتلي عنها

كالت:وليدي هاي العروس كدامك وانت رحت شفتها هيه

خوش بنيه ابوها متزوج 2وهيه الكبيره للمره الثانيه

اسمها براء مواليد1990ربه بيت،،،امها  اهلها من سكنه من

النجف

،،،خطبتها وصارت مراسيم الزفاف جان احلى يوم يوم

مميز،،انتقلت من مرحله العزوبية المرحله التحمل المسؤليه

كلشي بدايته حلو اني شخص جادود يعني مفديوم قصرت

على زوجتي وخليتها تعتاز،،الحب  هو موده ورحمه بين

الزوجين الله سبحانه وتعالى زرعه بكلبي ردت بس اراعي ربي

بيها وجنا دوم نتمنى يصير عندنا طفل يكمل سعادتنا ويزيد

فرحنا بس من صار عند براء حمل كان يسقط مره ومرتين

وازدادت هذه الحاله من وديتها فحص عند الدكتور اكتشفت

براء مريضه بااعصابها وعندها نوبات تجيها،،هالشي بذاته

سوه مشكله صراع بين قلبي ونفسي وعقلي اشلون اسمح

لنفسي ترتاح وزوجتي حبيبتي متاذايه باي تفكير هذا،،قررت

اشتغل شغله اضافيه لوضيفتي ماخليت شيء ماسويته في

سبيل اسعادها وبالتالي من سوينا فحص عند الطبيب

اكتشفت بأن علاجها موبالعراق ،،اله بخارج العراق أرسلت

الدكتور،،عن دكتور ولكينا دكتور زين شوفنا الاشعه وكال بيها

مجال تعالوا بس فلوس العمليه تكلف و_____يتبع

رايكم تحياتي الكم #الكاتبه #جيمن_JAYMIN