#من_اجل_امراءه
#الحلقه_السابعه_والاخيره
#بقلم_الكاتبه_جيمن
#الناشربارق_العراقي
بعدها بيومين بدت أحداث الطلاق القانوني بالمحكمة ٢٠١٨/٨/١٨
بيوم طلاق المحكمه امها ما اجا وياها لأن جان عندها سفر لخارج العراق،ف اجتي هيه واخوها صغير مواليد٢٠٠٠وياهم ابن خالتها هم زغير،ف هيه اخذت راحتها ويايه بالحجي ،،ف التقينا وأني شفتها هما واحنا راحتنا بالحجي لأن بطلاق الشرعي امها وياها يعمي تحسبلها حساب ومتكدر تباوعلي ولاتحجي
حجيت ويايه
براء:محمد صدك راح تطلكني
محمد:هه هو اني طلكتج وخلاص
براء:هم يجي يوم وترجعني؟اني مدااصك هالموقف
محمد:لا،لاصدكي،خلاص تطلكنا بس نطلع منا بعد انتي بمكان وأني بمكان.
جان لزمت ايدي وداست على رجلي وصلت تكرص بيه وتبجي،والله اني احبك ومتندمه وسمعت كلام امي
محمد:خلاص صار من الماضي ،
من جنا جاعدين على الاستراحة عما يصبحون إسمائنا
فاتت مره عجوز كالتلنا:ها ان شاءالله ملجه(يعني عروس)
ف جاوبتها براء ب ابتسامه:ان شاءالله
ومن طلعنا من المحكمه ام التفيش سائلتها وبراء كالتلها راح اتكلم
ف ام التفتيش كالت:والله ما عنده نظر كل هذا الجمال ويطلكج،
هيه أجت كالتلي جاوبتها:مكتيلها ان جوه هذا الجمال افعى
بعدها وصلتهم وانت وياك الواجب حتى حساب التكسي دفعته وطلعت من حياتي
بالمحكه حاولت كل المحاولات عواطفه مشاعر واحاسيس في سبيل نرجع بس اني كلبي مات اتجاهه بسبب تصرفاتها
المهم بعد ما رجع كلمن بطريقه رجعت للبيت وراسلتني جانت امها مسافره
براء:محمد اني مخنوكه وحيل تعبانه
محمد:اها اطلعي غيري جو وزوري،الله يساعدج
براء:انت ممتندم؟مناوي ترجعني
محمد:على شنواتندم،،هو تزوج ٢و٣ويمكن انتي الرابعه ،بس شنو ببرود احجي وياها
_________
طبعا بعدالطلاق المراسلات استمرت لمده شهرين
هم راسلتني
براء:انت هم اتزوجت؟
محمد:لا اني جربت مره واتعذبت على شنو بعد اربط نفسي
وانتي ماتزوجتي،ماحبيتيلج واحد كذا
براء:لاا محمد اني اشلون اتزوج واثارك كلها بعدها بيه اني مستحيل اتزوج
محمد:وأني مستحيل ارجعج عيوني انتي
وانتهى الأمر بيناتنا اسمعت طلعت للخارج ويه اهلها
إلى هنا تنتهي القصه
كلمه محمد الكم متابعينا الأعزاء
طبعا مثل نصيحه او موعضه للأخرين للطرفين الرجال والنساء يعتبر امتحان صعب بلحياة..تحياتي الج ست جيمن
________________
وكلمتي :
طبعا انتهت القصه كلش مؤلمه
الرجل مو اساس المشاكل أحيانا المراء ه هيه من تجني على نفسها بسبب يله وياها وتسمع هواي حجي او مثل يكولون عربانه الهوه يوديها ويجيبها هيه الخسرت حياتها
وخسرت شخص حاول يحافظ عليها بكل الطرق
تفكيرها دمرها مشت ورده حجي امها زياده عن الزوم او هيه الي رادت تتركه لمحمد وتحججت بكل الطرق ومن شافت نفسها صحت من الجهل الي بي فات الأوان مسحت على نفسها والله عجيبه يعني مجتمعنا شرقي ويرفض المراءه المطلقه على العموم اتمنى ان البنات مايغلطون غلطه براء
تحياتي لشخصك الكريم سيد محمد اتمنى ان تكون اكثر قوه
واتمنى ان نالت إعجابكم
أنطوني رايكم بالقصه
تحيات #الكاتبه #جيمن_JAYMIN
أنت تقرأ
من اجل امراة بقلم جيمن الناشربارق
Художественная прозаهي ومااداراك ماهي امراءه داهيه ناكره للجميل في بحر الأقوال ساهيه،كان لها قصرا من ياسمين ولكنها حطمته حين انسطت لتلك الاقوال،أردت الحفاظ عليها بكل الطرق وجدتها قطعت لي اوتار قلبي.
