#توائم_عمري
البارت 12
#Rehab
يسعد مسائكم بالخير والعافيه 🌺🌺
لٱ تنسون التصويت حبااااايب فديتكككم
*********************
ايام عصبيه وحزينه مرت علينه
البيت الي جان مليان بضحكه جهاد وفرحته وسوالفه انخمد وصار كأيب ومحزن
ماتسمع بي غير البجي بكل وقت
جنت الاحظ عمي بهيبته وشخصيته وهو يبجي نص الليل بالصاله وحاضن صورة جهاد ويعاتبه
جان عتابه يبجي الصخر
مجان يلاحظ وجودي اختلي بزاويه واكعد استرق السمع لكلمات العتاب والنعي
وابجي وياه ومن احسه يريد يكوم يصلي بسرعه اركض لغرفتي واطبگ الباب عليه
واسند جسمي ع الباب وابجي بشهاگات متتاليه
واكعد الصبح الكه روحي نايمه بصف الباب ومتكورة ع نفسي وماخذة وضعيه الجنين ونايمه
بكل مرة تعصف بيه الذكريات للشهرين الي عشتهم وياه وذقت طعم حبه وحنانه
جان ڼـعمًـْ الزوج .. يمكن ماكدرت انطي نفس الحب والعشق الي جنت اشوفهن بعيونه والكاهن بتصرفاته وياي
لكن حاولت قدر الامكان ان اكون زوجه صالحه
م̷ـــِْن اول يوم استشهاده ودخلت بالعده الي •اللّـہ̣̥ حكمها علينه احنه النساء " اربعه اشهر و 10 ايام "
وره ماخلصت الفاتحه بعدها بكم يوم اهلي طلبوا م̷ـــِْن عمي وعمتي ياخذوني وياهم واقضي العده ابيتنا
لَـگِنْ عمي رفض رفض قاطع ومانع هالشي
_ ما هگيتها مـڼـڱ يبو فرح تحرمني م̷ـــِْن ريحه الغالي هي الوحيدة الي بقتلي م̷ـــِْن عنده
_ السالفه مو هيج وانت تعرف بس ردتها تاخذ راحتها ابيتهه وتكمل العده هناك
عمي _ وهذا هم بيتها وبيت رجلها
ماما _ ياحجي ترتاح كم يوم وتخلص المدة وترجع تزوركم كل يوم ماتقطع وعد مِڼـّي
_ كلت لٱ يعني لٱ قابل تستحي مِڼـّي واني عمها وبعدين اشو البيت فارغ ومحد بي بس اني وعمتها وهي وتعيش معززة مكرمه محد يگلها اطلعي
بابا _ ه̷̷َـَْـُذآ هو يخوي ع امرگ
اباوع لبابا يهز راسه لامي ويگلها اسكتي وامي ماحجت شي سكتت بس مبين عليها ضاجت وانقهرت
بقوا بيومها اهلي اتغدوا يمنه وطلعوا
وره كم يوم كمت احس بلعبان نفس واتقيئ هوااي وراسي دايخ بكل وقت
كمت انام هواي بس اشوف الفراش رأسا انام ومااحس الا وقت متأخر
اسبوع واني ع هاي الحاله ولعبان النفس مايخلص حتى نفسيتي انسدت
مكدرت اتحمل خابرت ع ماما الظهر
جنت بغرفتي نايمه ع الفراش بعد ماخلصت تعزيل المطبخ دخلت للغرفه وركضت للحمام اتقيأت وذبيت كل الاكلته بالغده
دك الموبايل واجاني صوت ماما نعسان مبين عليها جانت نايمه وكعدتها
_ الوو هلوو ماما
_ هلوو تاليا شلونج ماما شخبارج
_ والله ماما موزينه كلش تُعباُنٌهْـ حيل
كمت ابجي مااتحملت
_ شبيج امي كليلي لَيــِْ♡̷̴̬̩̃̊ـِْش تبجين منو وياج
_ محد وياي بس تُعباُنٌهْـ
_ اي فهميني تُعباُنٌهْـ م̷ـــِْن شنو احجي لج ماما لٱ تقلقيني
_ مااعرف احس بلعبان نفس وهواي اتقيائ مااتحمل اكل شويه وتالي ڱڵـه اذبه ونحلانه بكل وقت بس اريد انام
اتغيرت نبرة صوت امي م̷ـــِْن الخوف والقلق لهدوء
_ هااي م̷ـــِْن شوكت عندج هاي الحاله
_ مااعرف بس تقريبا صار اسبوع هيج يعني
_ اكلج ماما الشهريه شوكت اجتج
_ صار شهر ماكو يعني قبل وفاة جهاد بفترة هي اتأخرت عند الموعد كان لازم تجيني ومانزلت ومااهتميت الها
_ والله ياامي هاي اعراض حمل عندج والله اعلم بعد
حسيت بفرح مو طبيعي وگلبي كام يرف احسه يريد يطلع م̷ـــِْن مكانه
تمنيت فعلا اني اكون حامل ... مااعرف لَيــِْ♡̷̴̬̩̃̊ـِْش هالكد فرحت بس يمكن لان هو قطعه مِڼـّي وبداخلي
خليت ايدي ع بطني مبتسمه ... شعور لٱ يوصف واني اتخيل اكو روح ثانيه بداخل احشائي
_ الوو وينج لج ماما تاليا
_ هااا ماما وياج داسمعج
_ ان شاء •اللّـہ̣̥ العصر امر عليج واخذج للدكتوره تفحصج ونتأكد
_ بس ماما شلون اطلع
_ عُاَدّيَےّ بس البسي لبس مستور وكلشي مايبين منج واحنه مجبورين نطلع وهو رايحين للدكتورة قابل رايحين نتونس
_ اوك انتظرج زين امي ولعبان النفس مجاي اتحمل
_ نگول للدكتورة وهي تنطيج علاج يوخر لعبان النفس منج
_ ان شاء •اللّـہ̣̥ يارب
_ يلا امي حظري نفسج وامر عليج ب 3:30 الظهر
_ ټمـٱمـ
غلقت الموبايل وكمت سبحت بسرعه وطلعت نشفت شعري وشسورته ورجعت انام شويه لان الساعه جانت 2 بعد هواي لجيت امي
غفيت وجن بالحلم شفت نفسي بمكان وحدي فارغ وخايفه كلشش وابجي
مخليه ايديه ع گلبي وارجف م̷ـــِْن الخوف دمعتي مانشفت ابد
لهناك وشفت ظل رجال يقترب مِڼـّي
عِيوني مركزة ع طوله الفارع الي يشد الانتباه ضليت اباوعله واركز بوجهه اريد اتعرف عليه
ولان المكان بي نور قليل مجان مبين شي م̷ـــِْن شكله اتقرب مِڼـّي ووضع ايده ع كتفي
سكون غريب وراحه مو طبيعيه اعتلت داخلي وگلبي حسيت بالامان بوجودة
اخذ ايدي وخلاها بأيده وضغط قوي عليها حتى يحسسني بالراحه
جاوبني والهدوء مسيطر ع كل تصرفاته
_ لٱ تخافين اني يمج واكون سند الج واحميج
هالصوت مو غريب عليه كاني اعرفه م̷ـــِْن سنين طويله
فجاه وسحبني واخذني لمكان ڱڵـه ورد وبستان واسع ابتسمت والفرح والراحه احتلت كلبي
رفعت نظري اله وانصدمت بيزن الواكف كدامي ويباوعلي بحب ونظرات عشق .. وبعد مسافه عنه واكف جهاد بلبس ابيض ووجهه نوراني ويبتسم النه بابتسامته الجذابه
فزيت متفاجاه بهذا الحلم الغريب شجاب يزن لاحلامي وتفكيري وليش جهاد واكف بعيد عنه ويبتسم مجان ضايج او منقهر م̷ـــِْن قرب يزن اليه ومسكته لايدي
انكر لْـۆ كلت اني نسيته بس جنت بحاله حزن ومو وقت تفكير بغير شي
بقيت كاعدة وفكرة تجيبني يمين والثانيه يسار دخت وراسي صدع ومالكيت حل لهذا التفكير المميت
كمت واني انفض الافكار م̷ـــِْن راسي رحت بدلت ملابسي وكعدت انتظر جيت امي
مليت وحدي كاعده ضوجه كلشش نزلت جوة البيت هدوء عمي وعمتي بغرفهم
وماكو احد دخلت للمطبخ وخليت الجاي ع النار شويه يهدا اعصابي ويوخر دوخه الراس وهذا الصداع المزعج
صار الوقت واندك الباب اجت امي سلمت عليها ودخلتها للصاله ورحت اكعد عمتي حتى استاذن منـِْهـ♡̨̐ـِْا وانطيها علم
دقايق واجت عمتي وكعدت يم امي
ماما _ والله ياام جهاد جايه اخذ تاليا للدكتورة تكول تُعباُنٌهْـ وحتى اكل متاكل وكله تذبه
عمتي _ معناها انتظروني اجي وياكم
_ لٱ يمعودة مايحتاج نتعبج وانتي مريضه اني اخذها وارجع بيها لهنا وان شاء •اللّـہ̣̥ ماكو شي
_ ع راحتج
دارت وجهه عليه وجاوبت بصوت تُعباُنٌ وثغر حزين
_ جاا يمه ماكلتي انَـỲǑŲـْتي مريضه
_ والله عمه الًيَوُمًِ يلا گلت لامي لٱ تخافين ان شاء •اللّـہ̣̥ ماكو شي
_ يلا يمه خلينه نكوم
سلمنه ع عمتي وطلعنه ركبنا سيارة ورحنا للدكتورة وصلنه واخذنا حجز انطونا جان كدامي رقمين واني الثالثه
بقينا ننتظر وعيوني تجول بكل مكان لابسه نقاب وممبين مِڼـّي شي
وصل الدور النه كمت اني وامي دخلنا للدكتورة
حجتلها امي الاعراض وكالت فايتتها الشهريه كمت صعدت ع السديه
فحصتني وكملت عدلت كعدتي وهي رجعت كعدت بمكانها
_ الف مبروك حامل
شعور مداكدر اوصفه فرح وسعاده وضحكتي ارتسمت ع وجناتي واباوع لماما فرحانه حييل
_ الف مبروك ماما يتربى بعزج وتفرحين بي
عجزت ارد عليها م̷ـــِْن كثر الفرحه الي اعتلتني ودخلت لصدري
وضعت ايدي ع بطني واتلمس بيها واضحك .. احس گلبي راح يوكف م̷ـــِْن كد الفرح
يمكن جان حملي هو حافز يخليني اعيش واتحمل لخاطره واكيد راح يكون سبب لحتى يرجع الفرحه الي انسرقت م̷ـــِْن بيت عمتي بفقد جهاد
بس الشي المحزن هو راح ينولد بدون اب يتيم
اصعب شعور هو اليتم للطفل
اكيد راح يمر عليه ايام وليالي راح اكون محتاجه بي لوكفه جهاد ويايه وياخذ حنان ابوه وعطفه
بس مكرود ياابني راح تجي للدنيا بدون اب يكون سند الك ويحميك ويرعاك
حتى لْـۆ كان جده موجود بس مراح يكون مثل الاب وحنانه للطفل
وبنفس الوقت حزنت ع جهاد تركنا وهو بعز شبابه ولا كدر يفرح ويشوف ابنه الي م̷ـــِْن صلبه
ااااخ يا دنيا شكد ظالمه وقاسيه
طلعنه م̷ـــِْن الدكتور بعد مااخذنه علاجات ومهدئات رجعنا للبيت واني افكر بأبني الي م̷ـــِْن رحمي وقطعه م̷ـــِْن روحي
عاهدت نفسي راح اكون اله اب وام ومااقصر وياه فد يوم او احسسه باليتم وفقد والده الي راح يكون مر عليه وقاسي
دخلنه للبيت استقبلنه عمي وعمتي سلمنه وكعدنا
عمتي _ هااا بشروا
_ الْحٍمَدٍ للـّہ حامل وان شاء •اللّـہ̣̥ يتربى بعزكم ودلالكم
عمتي عيونها دمعت وكامت تبجي م̷ـــِْن فرحتها وعمي ابتسم رغم حزنه وجاوب
_ الف مبروك بويه وربي يجعله م̷ـــِْن الذريه الصالحه
_ •اللّـہ̣̥ يبارك بيك عمي
مد ايدة لجيبه وطلع فلوس وصاح عليه كمت م̷ـــِْن مكاني وكفت كدامه
انطاني بيدي 50 الف وباركلي وهو يضحك رغم قهره وحزنه
دنكت راسي بست راسه واخذت ايده بستها
سحبها مِڼـّي واخذ راسي باسني بگصتي فرحت م̷ـــِْن شفت فرحته بعد ايام م̷ـــِْن الحزن والضيم
رحت لعمتي كعدت يمها وحضنتها كامت تبجي وابجي وياها
_ عمت عيني عليك يمه رحت وانت ماشايف جهالك ولا فرحت بيهم
كلنه بجينا وياها منظرها يگطع الگلب
اصعب شعور لمن تريد تعبر عن حزنك وانت تعرف البجي يأذيك اكثر مما يريحك؟
لمن تريد تشرح الي بداخلك بس متعرف المن؟
الكل يعاني م̷ـــِْن نفس الالم والعذاب ؟
وكل الي موجود يمك متوجع مثلك ويمكن اكثر؟
تحس حتى الصراخ والبجي ما يريح وصوتك تحسه مختنك
اكثر وحدة اتأذت بفقر جهاد جان عمتي؟
يمكن اني ماعشت وياه فترة طويله ولا حبيته مثل الحب الي جان يمتلكه تجاهي
لذلك صّـْْ(☑)ـْْحّ متاذايه هواي بس اهون م̷ـــِْن عمتي
اما عمي فهو يكابر؟
شكد ما يبين هو قوي وصعب ينكسر بس اني الوحيدة الي اعرفه واعرف كميه الحزن الي بداخل صدره وماذيته
صار المغرب وامي بقت يمنه خابروا ع ابوي يجي يتعشه عدنا ويجيب فرح وياه
واتصل ع بنته ريم وهم طلب منـِْهـ♡̨̐ـِْا تجي هي وزوجها وجهالهه
لان عمي مسوي ثواب لروح جهاد وهو هم كان يوم خميس ويكولون الميت يحظر ويزور اهله بهذا الًيَوُمًِ
طلع عمي جاب عشه م̷ـــِْن بره
كباب مشوي ومقبلاته وياه وتكه وخبز حار
اجه ابوي وفرح قريب ع الاذان
سلمت عليهم وباركلي بابا وهم انطاني فلوس بيدي رغم هو مامقصر وياي
شويه واندك الباب ودخلوا جهال ريم يتراكضون ودخلت وراهم ريم ورجلها
احنه غيرنا مكانه لان رجل ريم غريب ومايصير اتواجد وياه بنفس المكان
رحنا للمطبخ اني وفرح نحظر العشه
_ شلونج تاليا وضعج بعد وفاه جهاد صّـْْ(☑)ـْْحّ صعب بس ه̷̷َـَْـُذآ امر •اللّـہ̣̥ ولازم تكونين قويه لخاطر عمي وعمتي
_ اووف •اللّـہ̣̥ كريم ادعيلي وياج
_ والله مناسيتج دائما اذكرج بصلاتي وربي يفرجها عليج ويعوضج عن حزنج بفرح وسعاده
_ امين يارب .. اي شخبارج انَـỲǑŲـْتي شلونج ويه الدوام
كلام تاليا هيج احاسيس بداخلي ؟
جنت خافيتهه ومااريد احد يحس بيها ..
اتذكرت كلشي حلوو بي
ضحكته تجنن
لحيته الي محددها بدقه وجمال
لمعه عيونه البنيه والوكحه
ملامحه الهادئه
رغم عصبيته الظاهرة بس حتى العصبيه لايگه عليه ومنطيته كاريزما وهيبه
جنت صافنه واني اتذكر كل ملامحه وشخصيته الي سحرتني وجذبتني اله
فزيت ع حركة تاليا وهي تلوح بأيدها كدام عِيوني وصافنه بوجهي متفاجاه
م̷ـــِْن نظرتها حسيت بيها عرفت اكو شي خافيته عنها وهي ماعدها علم بي
واخيرا نطقت بعد سكوت دائم لثواني
تاليا _ شنو سر هالصفنه اكو شي صاير وياج بالدوام
اتلبكت وتوترت كدامها
احس الكلمات تبعثرت بشفايفي
ابتعدت عنها متوجه للثلاجه وجاوبتها بأستعجال
فرح _ لٱ ماكو شي
_ والله مامبين ماكو شي لان ملامحج غريبه وحتى تصرفاتج تعكس غير شي
التفت الها واخذ نفس قوي
احس محتاجه افضفض واحجي لاحد ثاني ؟
تعبت واني اكتم بداخلي
ومااعرف اتصرف التصرف الصحيح
ولا انقذ نفسي م̷ـــِْن الحيرة والهم الي بصدري؟
فاجأنه دخول ريم علينه وهي تجبرني اسكت ومااحجي شي
اجت ريم بالوقت الخطأ؟
_ هاا بنات اساعدكم بشي اخاف محتاجين
_ لٱ كملنه كلشي بس شوفيهم أإأذأإأ كملوا صلاه حتى تاخذين الاكل يمهم
ريم _ اوك حبيبتي رايحه
طلعت ريم تاركتنا وحدنا وهي تتوجه للاستقبال
_ بعدين نحجي
_ اوك الًيَوُمًِ ابقي يمي نامي حتى نكعد نسولف ع راحتنا
فرح _ اشوف بابا أإأذأإأ قبل ابقى
_ ماعليج بابا مايعترض اني احجي وياه واتفاهم وباجر هم عندج عطله يعني ماكو شي عندج
_ ان شاء •اللّـہ̣̥
دقايق واجت ريم للمطبخ
ريم _ كملوا صلاه يلا اخذ الهم العشه سألت بابا وكال جيبي الاكل
تاليا _ تعاي ه̷̷َـَْـُذآ حاضر وهاي السفرة
صبينه عشه الهم واحنه اخذنا عشانه بغرفه عمتي لان ماما وعمتي كاعدات بالغرفه
خلصنا عشه وراحت ريم وفرح يغسلن المواعين واني بقيت كاعده ماقبلوا اكوم وياهن
صدك جنت محتاجه راحه وتعبانه واجت بوقتها
بقيت كاعده يم ماما وعمتي واستمع لسوالفهن وسالفه تجر سالفه
حجت عمتي عن حلمها بقيت استمع الها بتمعن وكل تركيز حواسي وياها
عمتي _ والله يختي البارحه بالحلم شفت جهاد عمت عيني عليه وهو يوصيني ع تاليا وبعدها اجه وحضني وطول بشبگته اليه
وجان لابس دشداشه بيضه ولايگه ع طوله الحلوو ووجهه يضحك ويگلي اني مرتاح ولا تضوجين ولا تنقهرين
وبعدها تركني وراح مشى مسافه عني صحت عليه وكتله تَعاّإاّإلّ اخذني وياك لٱ تروح وحدك وتعوفني تمرضت م̷ـــِْن تركتني
باوعلي وضحكته مافارقت ثغرة الباسم
كال بعد وگتج يمه مو هسه تجيني ابوي محتاجج ولا تعوفينه لحاله لان متأذي هواي وسلميلي عليه
راح وتركني وحدي واكفه بمكاني ..
صافنه عليها تحجي وتبجي ودموعها مانشفت عن خدها وماما تواسيها وتهدي بيها
بجيت وياها خطيه متأثرة هواي بفقده هو وحيدها وراح حقها لْـۆ تمرضت
ماما _ ماطول كالج اني مرتاح ارتاحي واطمأني ترى الميت يحس بأهله ويتأذى لْـۆ شاف واحد بيهم متأذي ومتوجع
وجهاد راح شهيد والله سبحانه وتعالى يكول " الشهداء احياء عند ربهم يرزقون"
كلام ماما جان مريح كلش ويحسسك بالراحه .. اجن البنات وبيدهن صينيه الجاي
كعدنا نسولف سوالف عاديه صارت الساعه ب 9 واجوا جهال ريم ابوهم موديهم علمود يرحون لبيتهم كامت سلمت ولبست عبايتها وراحت
طلعنا كلنه كعدنا يم بابا وعمي
شويه وهم بابا كال يلا نروح باوعتلي فرح واشرتلي بحواجبها يعني احجي ويه بابا ع المنام
_ بابا خلي فرح تبقى يمي الًيَوُمًِ
_ بكيفها بويه أإأذأإأ تريد تبقى او تجي ويانه ماامنعها
عمي _ ه̷̷َـَْـُذآ هو عمي كومي ويه اختج ارتاحن
تاليا _ ان شاء •اللّـہ̣̥ عمي
سلمنه عليهم وراحوا وراح عمي قفل الباب ودخل لغرفته يرتاح هو وعمتي لان هم تُعباُنٌهْـ
كعدنا بالصاله وحدنا والبيت هدوء عِيوني مركزة بعيون فرح ونظراتي كلها تساؤل ومحتاجه اجابه منـِْهـ♡̨̐ـِْا
انتبهت ع نظرتي وعرفت شنو اريد جاوبت وعيونها تحاول تبعدهن عني
_ اممم مااعرف بس يمكن انولد بداخلي مشاعر لشخص غير زياد
اتفاجأت بكلامها واتسعت حدقه عيني واباوعلها بتركيز ومنتظرة تكمل كلامها
_ واحس بنظراته هو هم عنده مشاعر تجاهي
_ منو ه̷̷َـَْـُذآ
_ اااه مدير المدرسه كيان
جانت تحجي وعيونها مليانه خجل ومستحى ولاول مرة احس اختي فرحانه وهي تذكر شخص بعد زياد وحبها الفاشل اله
يتبع
................................
متابعه ممتعه ☺
