#توائم_عمري
البارت 14
#Rehab
يسعد مسائكم بالخير والعافيه 🌺🌺
لٱ تنسون التصويت حبايب فديتككككم
**********************
تاليا: بقينا كاعدين يمها اتغدت ويانه هي وجهالها .. رجلها راح بالاستقبال هو وعمي
احس اختنكت مااكدر ابقى بعد
وجودي صار غلط بينهم كان لآزٍمٍ ارجع لاهلي بعد وفاه جهاد وماابقى هنا
بس عمي بوقتها رفض بحجه ماكو احد غريب واخذ راحتي يمهم اكثر
كمت لميت المواعين وشلت السفرة واخذتهن للمطبخ اغسلهن بقيت واكفه اغسلهن اتوقعت راح تجي ريم تساعدني بس هي بقت مااجت
الظاهر اكو شي تريد تحجي هي وعمتي واني مامتواجده يمهن او يمكن يردن ياخذن راحتهن بالكلام
مااهتميت عُاَدّيَ عِنــديّ عزلت المطبخ وكملت خليت الجاي ع النار وطلعت كواب الجاي خليتهن بالصينيه بقيت واكفه انتظر الجاي يكمل
تعبت م̷ـــِْن الوكفه واحس بطني توجعني مااعرف لَيــِْ♡̷̴̬̩̃̊ـِْش
حملي كلشش صعب جان واقل حركة اتعب ومااتحمل
كعدت بالكاع ومديت رجليه احسهن مورمات ماادري لَيــِْ♡̷̴̬̩̃̊ـِْش هالشكل
دخلت ريم شافتني كاعده وصافنه ومخليه ايدي ع خدي وماخذتلي صفنه لمكان ثاني
_ هااا تاليا خو مابيج شي
فزيت ع صوتها .. جانت واكفه وتباوعلي مستغربه ابتسمت كدامها
_ لٱ ماكو شي بس تعبت م̷ـــِْن الوكفه وكعدت منتظرة يخدر الجاي واخذه
_ اسفه مااجيت ساعدتج بالمواعين
_ عُاَدّيَ مصار شي
اجت وكعدت يمي مبين عليها ضايجه ومقهورة حقها لْـۆ انقهرت وبجت الي صارلها مو سهل
صعب ان جنت عايش بيتك وماخذ راحتك ويجي واحد وياخذه مـڼـڱ بسهوله
تحس بظلم موجع حتى مستقبل وضمان لجهالك مابقى شي الك
رجل ريم يتيم وماعنده احد وحالته الماديه تُعباُنٌهْـ يعني عكس اهلي واقاربنا
ويوم الي اتزوج ريم عمي اختاره لان يعرفه خوش ولد واخلاق عاليه ومتأكد راح يحفظ ريم ويصونها وهمه اشتروا رجال م̷ـــِْن زوجوها
بس هو مااعرف شصارله واتورط ويه واحد جذاب واكل عليه فلوسه واظطر يرهن البيت
ومن خسر كلشي البيت هم خسره وصديقه باگ فلوسه وشرد محد يعرف مكانه وين راح ..
خليت ايدي ع كتفها واربت عليه بهدوء باوعتلي بعيون مدمعه وحزينه
تاليا _ كولي يارب وسهله كلشي ينحل وتفرج
ريم _ يارب ماعندي غيرة التجأ اله
_ اي خلي ايمانج بالله جبير وهو يفرجها
_ ونعم بالله اسفه يمكن مراح تكدرين تاخذين راحتج بوجودنا
_ لٱ تكولين هالحجي ه̷̷َـَْـُذآ بيتج قبل لٱ اجي واصير جنتكم ومحد يگدر يعترض لْـۆ اجيتي وسكنتي بي
_ فدوة الج رَبّـ❤ـيٌ يكومج بالسلامه
_ امين يارب
_ شلونه النونو ماعرفتي جنس الطفل
_ الْحٍمَدٍ للـّہ زين بس مرات اتعب هواي واريد بس انام لان احس ظهري ياذيني
_ اي لان اول طفل صعب الحمل عليج
_ اي عفيه .. لٱ والله بعدني مماخذه سونار مااعرف أإأذأإأ كان ولد او بنيه
_ اهم شي ټمـٱمـ الخلقه ماكو فرق بين الولد والبنت كلهم نعمه قابل خالقين ايد لْـۆ رجل بيهم
_ لٱ يمعودة ماكو فرق والله كل الي يهمني اكوم بالسلامه والطفل مُــآآبـِي شي وبصحه وعافيه مو مال واحد يتبطر كلشي م̷ـــِْن رب العالمين قابلين بي وماكو اعتراض
_ الْحٍمَدٍ للـّہ ع كل حال .. دخلتي بشهر الخامس لْـۆ بعدج
_ حسب كلام الدكتورة واحساب امي تقريبا بعد 4 ايام وادخل بالخامس
_ رَبّـ❤ـيٌ يتمم ع خير وتفرحين بيهم
_ تسلمين حياتي ويارب يفرج عـْليگمٌ وتنحل سالفة البيت وترجع الفلوس لاصحابها
_ امين
_ يلا كومي الجاي خدر خلي ناخذة ونروح يم عمتي تلكيها ضاجت وحدها واحنه كاعدين هنا نسطر سوالف
_ هههه لٱ يمها جهالي بس تلكيها راسها يوجعها م̷ـــِْن وره هوستهم ودوختهم مايكعدون راحه هسه الكاهم گالبين الدنيا
_ هههه عوفيهم شتردين منهم البيت صار بي حس بعد جيتهم
كمت صبيت الجاي بصواني اثنين وحدة اخذتها ريم لابوها ورجلها
والثانيه اخذتها اني لغرفه عمتي كعدنا نسولف بيناتنا سوالف عاديه
لهناك وعمتي كالت نعست اريد انام .. وريم هم جهالها ناموا تركتهم ورحت لغرفتي ارتاح
دخلت للغرفه جانت ظلمه الاضويه طافيه وماكو احد بيها فارغه صّـْْ(☑)ـْْحّ بالفترة الاخيرة تعودت ع هدوئها المميت
بس مرات احس بيها تخنكني وقت اكون وحدي واكعد ابجي منا لمن عِيوني تورم واحس بلعومي يتجرح م̷ـــِْن كثر البجي
شغلت الضوه ودخلت عگدت ع السرير واباوع بكل ركن م̷ـــِْن اركان الغرفه
اتذكر لحظات الي عشتها ويه جهاد رغم جانت قليله بس ترك بصمه بداخلي وعافني وراح
اتذكر ضحكته وغزله وحنانه تجاهي .. ماكو يوم حسسني بنقصان حنان او حاجتي لاهلي
جنت مرات اتذكر يزن بس رأسا يخطر ابالي وبفكري حب جهاد اليه مااريد اخونه حتى لْـۆ بتفكير ولو قليل
لذلك جنت حذرة بتعاملي وياه .. رغم شكد جان يسولفلي عن علاقته بيزن بس ابد ماحسسته ان اكو مشاعر لازالت موجودة بداخلي تجاه يزن
كمت م̷ـــِْن مكاني واخذتني خطواتي وگلبي للكوميدي فتحته واباوع ع صندوق خشبي لازال موجود بين غراضي
اخذته وكلي لهفه واشتياق لصاحب الصندوق .. رجعت ذكرياتي تعصف بحب يزن
اخذته بيدي ورحت كعدت ع السرير وعيوني تركز ع الكلمات المحفورة ع الصندوق
كلشي بداخلي اتبعثر ..
وگلبي رجع ينبض مرة ثانيه ..
اتخيلت اني اباوعله واتذكرت عيونه القاتله والحادة الي دمرت كل خليه بداخلي ..
فتحت الصندوق واني اسحب بيدي مداليه مر عليها الدهر لسنوات طويله
اخذتها وكمت وگلبي يتحكم بتصرفاتي
وكفت كدام المرايه اباوع لشكلي شكد اتغير خلال هاي الاشهر القليله
تعبت هواي وبجيت هواي؟
ودموعي رغم بكائها المستمر مانشفت للان؟
لبست المداليه وابتسمت لٱ اراديا؟
اكو شي بداخلي وبعقلي يكلي انَـỲǑŲـْتي حلوة وبعدج حلوة لٱ تخلين الحزن يأثر عليج
اقل شي تكدرين تسوينه هي الابتسامه ..
ابتسمي لتشرقي م̷ـِْن جديد ..
لاجل نفسگ لٱ للغير ..
فلا احد يستحق ان تذبلي لاجله ..
فأعمارنا واقدارنا بيد •اللّـه ..
اما ضحكتج وابتسامتج بيدج مو بيد احد ثاني ..
تمر الايام عليها بهدوء وبطئ ..
وتبقى حابسه نفسها بالغرفه ونادرا تطلع رغم رجل ريم ماموجود بالبيت
كاعد بالبراني الي اتخذه مبيت اله بعد مااصر عمه يبقى يمهم هو وزوجته واطفاله
خلصت العدة وراحت للنجف هي واهلها وعمتها وريم زارت قبر جهاد وكعدت يم گبرة تشكيله وتعاتبه
كملوا م̷ـــِْن المكبرة وراحوا بعدها يزورون الامام علي "عليه السَلٱمٌ "
________________________
كاعد ع الاستراحه المتواجدة بممرات المستشفى وعيونه تجول بكل مكان وتباوع لكل شخص يمر كدامه
بهيبته وشخصيته الي اي شخص يشوفه يحكم عليه ان هو شخص مو عُاَدّيَ
يستحيل يكون صاحب هاي النظرة الحادة والهيبه الي فارضها يكون لاشي
قبل يومين نزل لاهله باجازة لمدة اسبوع
جانت الساعه تعلن الواحدة بعد منتصف الليل .. كاعد يتابع فيلم اجنبي
دك موبايله رفعه بتململ جان يتوقع الاتصال م̷ـــِْن اصدقائه او بسبب الشغل
تغيرت نظرته لخوف وقلق وهو يشوف رقم عمه "محمد"
يعتلي شاشه التلفون .. رفعه وهو خايف ليكون صاير شي موزين لاسامح •اللّـه
_ الووو
اجاه صوت انثوي ببكاء ورعشه
_ الوو يزن •اللّـہ̣̥ يخليك الحك ابوي ماادري شبي
_ شبي عمي شكو احجي ولج هاي انَـỲǑŲـْتي فرح مو
_ اي فرح والله ماادري جان نايم وكعد يشكي ومخلي ايده ع گلبه ويتوجع
تَعاّإاّإلّ بسررررررعه فدوة الك بسرررررعه
غلق الخط بوجهه وطلع يركض لبيت عمه وبيده قميصه يلبسه ..
تعب م̷ـــِْن الانتظار الي بالنسبه اله صعب تحمله بعد فترة طلع الدكتور م̷ـــِْن العنايه المركزة
وكف بطوله الفارع وهو يتوجه للدكتور وعيونه تطلب اجوبه لكم الاسئله الي تدور براسه
_ شنو دكتور طمني
_ جلطه خفيفه والحمد لله عدت ع خير
_ ياساتر يارب جلطه
_ الْحٍمَدٍ للـّہ اتعدى مرحله الخطر .. يبقى يمنا الًيَوُمًِ وباجر نفحصه واذا ماكو شي يكدر يطلع
_ اشكرك دكتور
_ { •• الـّ~ـعـفو •• } واجبي
راح الدكتور تارك يزن حاير شلون يخبر زوجه عمه والبنات بوضع ابوهم
تذكر حبيبته الي فرقها القدر عنه غصب
وشلون صارت م̷ـــِْن نصيب صديقه وبعدها ترملت وهي بعز شبابها وتفتحها
جانت وردة وذبلها الوكت ..
هيج يحس بيها ..
وصلته اخبار ان هي حامل وحملها متعب هالشي يأذي اكثر ..
صّـْْ(☑)ـْْحّ فرح لان نسل صديقه مراح يروح ويبقى طول العمر بأبنه الي موجود برحم تاليا
بس يحس ان هي تُعباُنٌهْـ ..
انتبه ع جهازه يدك صار فترة ..
مد ايده لجيب البجامه وهو يطلعه ويتفاجأه برقم ابو يتصل عليه
اخذ نفس مليء بالحزن وجاوب
_ هَــْـِْـْْـِلاّ يابه
_ طمني بويه شخبار عمك
_ الْحٍمَدٍ للـّہ صار احسن وراح يبقى نايم الًيَوُمًِ بالمستشفى وباجر يطلع
_ شكالك الدكتور
_ يكول جلطه خفيفه والحمد لله عدت ع خير وسلامه
_ ياساتر يارب
_ اي والله
_ تريد اجي اني لْـۆ اخوك
_ لٱ يابه مايحتاج بس بلغ اهل عمي ماخابرتهم
_ اي ان شاء •اللّـہ̣̥ امك راحت يمهم هسه اخابرها وتنطيهم علم .. يلا ديربالك ع نفسك وعمك
_ في امان •اللّـہ̣̥
غلق جهازه وهو يتنفس الصعداء ويمسح گصته بأيده وعيونه ع عمه الي نايم بهدوء ومو حاس بشي
_______________________
ثاني يوم الصبح الساعه ب 7
دك موبايلها اكثر م̷ـــِْن مرة كامت بكسل وتململ وهي مزعوجه م̷ـــِْن صوت الموبايل الي يتصل اكثر م̷ـــِْن مرة وازعج نومها
سحبته م̷ـــِْن جوة المخدة وعيونها مغمضتهن وشعرها متناثر ع المخدة
حست براحه بعد ماسكت الموبايل عن الرن المزعج
بقت لازمته بأيدها ومالها خلك تفتحه وتشوف منو يتصل عليها
بعد ثواني رجع يتصل مرة ثانيه رفعته بدون مَآتشُوٌفْ الرقم وتفرك بعيونها
_ الوو
_ خررب يومج شكد نومج ثكيل كم مرة اتصلت عليج وماتجاوبين
_ اووف شكو فرح م̷ـــِْن الصبح متصله حلمانه بيه
_ لٱ شكو احلم بيج
_ اممم لعد شكو
_ اوووف راح اكولج
_ اي احجي شلعتي گلبي شكو
_ بابا البارحه بليل صارت بي جلطه ونام مسُتشًفى
_ شنووووو
_ ع كيفج الْحٍمَدٍ للـّہ صار زين
_ شوكت هالحجي وليش محد بلغني م̷ـــِْن البارحه
_ ماما ماقبلت كالت موزين عليها هي حامل خلي نطمن ع ابوج وبعدين نخابرها الصبح
_ سودة عليه بابا ياريتها بيه ولا بيك
_ اشش ولج شنو هالحجي
_ المهم اريد اجيكم اروح ابلغ عمي وبلكت يجيبني الكم
_ اوك
سدت الخط وكامت مستعجله طلعت م̷ـــِْن غرفتها وگلبها خايف ع ابوها وتريد تشوفه
شافت عمها كاعد يتريگ بالمطبخ وعمتها واكفه ع الطباخ منتظرة الجاي
وكفت كدام عمها وهي تبوسه ع راسه وتحجي وعيونها مدمعه
_ عفيه عمو اخذني لاهلي بابا مّرَيَـضّ
_ شبيج بويه ع كيفج خلينه نفهم السالفه
_ خابرتني فرح هسه كالت بابا صايرة بي جلطه البارحه بليل
فزيت ع صوت عمتي وهي تضرب ع صدرها بقوة وتحجي
_ يمه عزة العزاني شبي اخوي
_ ع كيفج يامرة
_ عفيه عمو اخذني هسه
_ كومي عمي لبسي عباتج انَـỲǑŲـْتي وعمتج وخلينه نروح
_ اي اي رايحه
طلعت تمشي بأستعجال لغرفتها فتحت الكنتور وهي تطلع عبايه وشال لبستهن ع السريع وطلعت هي وعمتها
وصلت لاهلها ودخلت جوه لكت امها كاعده وصافنه وعيونها حمر وبيدها گلينس وتمسح دموعها الي تنزل ع خدها
راحت لامها تركض حضنتها وكامت تبجي وياها وصوت شهگاتها ملئ اركان البيت
عمتي _ كافي يمه موزين هالبجي عليج
ابتعدت عن حضن امها وتمسح بدموعها الي ماتقبل توكف كل حياتها صارت عبارة عن حزن
ماتعرف القدر لَيــِْ♡̷̴̬̩̃̊ـِْش هالشكل وياها ..
اول مرة تبتعد عن يزن ..
وبعدها زواجها واستشهاد جهاد ..
والادهى م̷ـــِْن ه̷̷َـَْـُذآ ڱڵـه مرض ابوها ووكعته ..
تحس لْـۆ صار بابوها شي مكروة
لٱ سامح •اللّـه ..
محد يبقى سند الها ويوكف وياها
دخل عمي وهو يسلم ويكعد يمنا ويهدي بينا
كامت فرح دقايق ورجعت بيدها صينيه كاسات المي قدمتهن للكل ورجعت كعدت بمكانها
_ منو بقى يمه بالمستشفى
_ يزن هو اخذه وبقى هناك ومنتظرينه
_ ان شاء •اللّـہ̣̥ خير
بقينا كاعدين كلنه سويه واجه عمي ابو يزن سلم علينه وكعد يمنا وامير راح للمستشفى يشوف يزن ويطمن ع حاله ابوي
للـ 10 كاعدين ع اعصابنه منتظرين كل خبر ماكو يتصلون عليهم ومحد يجاوب
اندك الباب وطلع عمي يشوف منو اجه
سمعنا صوت عمي وهو يسلم ع بابا ويتحمدله بالسلامه
كمنا كلنه نتراكض تلگينا نبجي
سودة عليه وجه شاحب وتعبان وسانده يزن ويمشي .. شفنا هيج وشبكنا ونبجي اني وفرح
حاضنه احنه الاثنين ويمسح ع شعري
_ عوفنه عمي خلنه يدخل ويرتاح رجال توه طالع م̷ـِْن المستشفى
ابتعدنا عنه ونضحك خجلانين
حسيت ع عيون تراقبني وتباوع بلهفه ..
التفت بسرعه واشوف ذيج العيون العسلي الي اعشقهن حد الجنون ..
نظرات مشتاقتلهن بكد رحمه •اللّـه ..
احس روحي انسلبت ..
ونظراته الولهانه هيجت احاسيس مدفونه بداخلي ..
عيونه الواسعه تحجي كميه الشوق الي بداخل صدره وگلبه ..
للحظات نـًسّْيـت كل المتواجدين ..
وغرقت بعالم نظرات يزن الحادة ..
مشتاقه لكلشي بي ..
لحيته المبعثرة ع وجهه ..
سماره الحاده ..
طوله الفارع وهيبته وشخصيته ..
انتبهت ع حركة فرح وهي تضربني خفيف ع ايدي باوعتلها جانت تأشر بحواجبها ..
نزلت راسي خجلانه ..
دخلوا كلهم وهو وراهم ..
مر بالقرب مِڼـّي ..
حسيت گلبي وكف م̷ـِْن كد مايضرب مثل الطبل ..
احساس فضيع مريت بي ..
عجزت افسره ..
دخلنه وراهم وفرح كل شوي تباوعلي اشرتلي براسها كمت وياها للمطبخ
بس دخلنه استلمتني رزايل
_ ولج شبيج موعيب لْـۆ احد شايفج وانتي تباوعيله هيج شيخلصج
انتبهي تاليا اعرف ومارة بموقفج بس انتبهي انَـỲǑŲـْتي مرة حامل وارمله
والحجي يطلع عليج م̷ـــِْن القريب قبل الغريب .. احمدي ربج محد انتبه والكل جان مٍشًغوٍلً ويسلم ع بابا والا جان شيخلصج ..
تحجي وترزل وبالي مو يمها وفكري مٍشًغوٍلً بغير شي وعقلي يم الشخص الكاعد برة يم اهلي
_ اووو الظاهر احجي ويه الحايط حتى ماجاوبتيني ولا انتبهتي ع گلآمَي
_ شنو فرح شكو
_ ماكو شي ست تاليا اروح اقدملهم مي احسن وانتي حظري الجاي
طلعت فرح وبقيت بالمطبخ ابتسم وحدي خليت الجاي ع النار وحظرت الصينيه
بعدها اجت ماما وفرح وبدينا نسوي الغده لان كلهم بقوا يمنا يتغدون
صار الظهر كملنه كلشي وحظرنا كملوا صلاة وصبينالهم اتغدوا وبقوا يسولفون
بعدها الكل طلع بعد مااتحمد لابوي بالسلامه بقى بس يزن لان بابا طلب منه
_ تَعاّإاّإلّ عمي ساعدني ادخل للغرفه وعندي حجي وياج
_ ان شاء •اللّـه
كاموا ودخلوا للغرفه وبقينا ننتظر نريد نعرف بابا شنو يريد م̷ـن يزن وليش طلب منه يبقى ..
رجعنا نسولف وحجيت ويه ماما
_ اكلج ماما اريد ابقى يمكم مااكدر اخذ راحتي وخاصه رجل ريم موجود ويانه
صّـْْ(☑)ـْْحّ هو كاعد بالبراني بس مماخذه راحتي احس متقيدة بكلشي
_ والله ماما ياريت اني هم كلت لابوج قبل فترة وع اساس يريد يحجي ويه عمج بس شو صارت سكته واني هم ماسألته
_ اي عفيه ارجعي احجي وياه
_ ان شاء •اللّـه خليج هسه يمنا لٱ ترجعين ونحجي ويه عمج
_ اهووو هم راح ترجعين
جانت مخدة وره ظهري مرتجيه عليها سحبتها وشمرتها ع فرح
_ انجبي انَـỲǑŲـْتي
_ هههه ولا تكبرين حامل وبطنج متقدمة ميه متر ليكدام وبعدج طفله يبووو شلون راح تربين ابنج
_ ماااااامااااا شوفيها شلون تحجي
_ يووو عليجن كافي
_ هههه نشاقه ماما بس بنتج م̷ـِْن الحمل صايرة ماتتحمل بعد
_ اي •اللّـه يعينها ويكومها بالسلامه يارب
_ امين والله احس جسمي صاير ثكيل وبلكوة اتحمل
____________________
بداخل الغرفه يدور حديث بين العم وابن اخو
_ بس ياعمي طلبك صعب
_ لٱ مو صعب واعرفك گدها وراح تكون بأمان يمك واني مدايم الهن
_ •اللّـہ̣̥ يطول بعمرك يارب وتبقى سند الهن
_ كبرنا ومانعرف •اللّـہ̣̥ شوكت ياخذ امانته واريد قبل لٱ اموت اطمن عليهن هنه عدهن سند لْـۆ ضاكت بيهن الدنيا
فرح اكدر اكلك اطمأنيت عليها تبقى بس تاليا ماعدها حظ ابد
مات رجلها وهي عروس حتى ماتهنت وانوب طلعت حامل وين تروح لْـۆ متت
_ مافهمت شلون اطمأنيت ع فرح
_ ابن صديقي خطبها قبل فترة واني اجلتها گلت عيب م̷ـــِْن اختي ورجلها
_ منو ه̷̷َـَْـُذآ واجوز هي ماتوافق بي وهو مايسعدها
_ لٱ متأكد منه راح يكون كد الامانه
_ براحتگ عمي أإأذأإأ واثق منه ه̷̷َـَْـُذآ هو
_ منتظر جوابك لٱ تردني واني عمك
كام م̷ـــِْن مكانه واتقدم لعمه دنگ راسه ويبوسه وهو يجاوبه
_ ع امرگ عمي حاظر لكلشي تريده
يتبع
.......................................
متابعه ممتعه ☺
😁😁 وهاي نزلتلكم بارت طويل
