فصليتي كردية

البارت الثالث

كعدت من الصبح مو شبعانه نوم
صباح الخير
صباح الانوار
ها ايو بنتي شو كاعده متاخره اليوم
والله البارحه تاخرت بالنومهً لان اليوم جمعه

كنت كاعده ساعه 11الصبح تريكنا او كملنا
شلت المواعين غسلتهم او عزلنا البيت اني وماما او هوزان خاتون بعدها نايمه
كملت شغلي بس اريد اصل غرفت هوزان حتى اعلمها
هاي الحقيره اكيد هي البارحه منطيه حسابي لازاد
وصلت غرفتها فتحت الباب نايمه الخاتون بسابع نومه
سحبت الغطى من فوقها او ضليت اعيط و هي متفاجئ
شبيج شبيج شصاير منو مات
نجبي موت الياخذج منو مات يعني
لعد شبيج تصيحين عبالي احد مات
اي اكلج البارحه انتي شمسويه
جذب حجيتي وَيَا اش كلج على السريع احجيلي
حقيره عرفت انتي منطيه حسابي ليش انطيتي حسابي
دعوفيني هسه كوليلي اش حجيتو اش كلج
ما اعوفج او هسه كليلي ليش انطيتي حسابي  منو كلج تنطي حسابي
عيب هسه يكول اختها كلتلها انطي حسابي والله ميصير هيج تسوين
ههههههه لا حبي يحبج ما يحجي هيج عليج
بس اهم شي كليلي اش حجيتو البارحه
ما حجينا شي بس سلم او كال نكون اصدقاء
ههههههه يعني بس هيج محجيتو غير شي منا منا
نجبي ادب سز ما حجينا اي شي يلا كومي نتغدى

مرت الايام 
اني هسه صرت صف سادس هلمي عمري 18
علاقتي اني او ازاد تطورت صرنا نحب بعض اكثر
مو بس نحب بعض جنت اعشقه او هو همين
كان بس منتظر اكمل سادس حتى نتزوج لان كان شرطي الوحيد
اكمل سادس بعدين نتزوج لان السادس موت مو مال واحد يتزوج بي
هوزان صارت صف خامس علمي مصطفى او محمد بعدهم بالجامعه
بقينا اني او ازاد نحجي سويه او كلت لماما على علاقتنا  لان جانت بير
أسراري فما جنت احب اخبي عنها شي هي من عرفت عصبت عليه
او رفضت او كالت هذا الشي غلط بس فترى او وافقت لان عرفت نحب بعض او هو حباب او أهله معروفين فما عترضت

مرت ايّام يوم مصطفى إجى على البيت او ملابسه كلها دم
ماما بس شأفته تخبلت لان ضنت مصطفى ذابح احد
هذا شمسوي مصطفى ملابسك كلها دم كاتل ابن منو
ماكو شي يمه لا تصيحين تعاركت ويه واحد بالجامعه ويايه
ضربني او ضربته وخلصت ماكو شي
اني اعلمك مصطفى ابوك ما موجود تسوي مشاكل هسه اخبر
عمك او هو ينجاز وياك عينك طالعه كلش
(بابا وقتها كان رايح طلعة شغل على تركيا )
والله العظيم ما مسوي شي هو ضربني او رجعت ضربته ما صاير شي
ما يحتاج تدخلين أعمامي
ماشي مصطفى ما راح اخبر عمك بس خلي ابوك يجي هو يتفاهم
وياك لان كم مره نبهك لا تسوي مشاكل عيب الناس تحجي علينا
بس مبين انت ميفيد وياك عيني او اغاتي
كافي فتهمت كلتلج تعدى عليه ودافعت يعني انتضرى يضربني
او اكعد خاطر الله كافي بزعت مصطفى لا تسوي مشاكل عيب
مصطفى لا تلبس فلان شي عيب كافي عاد كافي مصطفى مصطفى

معرف شصاير بي مصطفى صاير فترى كلش عصبي
ما يطيق احد يحجي وَيَا مصطفى ابدا مو هيج شخصيته
هو مرح ويحب الشقى بس دائما يحجي لبابا على نفس الشخص
الي يسويله مشاكل ويكول حاط راسو برأسي او بابا
دائما يكله عيب او ما يصير بس مبين هل مره المشكله كبير
حتى مصطفى ضاربه او صايره مشكله
اصلا هذا الولد دا ئما مصطفى يكول لبابا طائفي ويسوي مشاكل
خاصه ويه مصطفى
بعد اسبوع إجى بابا من تركيا عرف بمصطفى شمسوي

مصطفى ابني عيب هذا الي انت تسوي كل يومين متعارك ويه
نفس الشاب و الله. عيب الناس شتحجي عليه شتكول ما عرف يربي ابنه
ما تكول بالجامعه اصدقاء ابوك عمامك
بابا والله العظيم هذا صاير فترى يسويلي مشاكل او انت تعرف هذا الشي
هل مره تعدى عليه ويكول انت مو رجال او تخاف مني اني همين
كمت او شبعته بوكسيات لو مو حرام جان كتلته جوى ايدي
او هو يدور مشاكل جاي من الجنوب يدور مشاكل هنا
ابني ميخالف عوفه لا تحط عقلك بعقله خلي يضل يحجي
ما بقالك شي وتكمل الجامعه فلاتسوي مشاكل تندم عليها بعدين
ماشي بابا لا تشيل هم ما اروح يمه بس والله العظيم اذا تجاوز
الا أدوس راسوً يدور مراجل

بابا بعد ما شاف مصطفى ماكو فايده منه او عصابه صاير نار
قرر يزوجه كال بلكي يترك هذا الولد او يهتم بمرته احسله
فمصطفى من عرف كلش فرح لان راح نخطبله بنت خالتي
هي او مصطفى يحبون بعض كلش
فقررو اسبوع اليجي يروحون يخطبون لمصطفى
او وره شهر يصير الزواج بالنسبه الي جنت رافضه لا سادس او وقتي
كله جنت كاضيته دراسه فإذا تزوج مصطفى اكيد التهي ويروح الوقت من عندي بابا وافق إنّو ياجل العرس ورى الامتحانات بس مصطفى
رفض او كال اصلا هو بس شهر واحد او اني راح اتزوج مو إيات

الى هنا وخلص البارت حبايبي
اتمنى ستمتعتم بالقراء
لا تنسون الايك حتى اكمل

ثولو على السحك 😁