فصليتي كردية

البارت السادس

كعدت ثاني يوم شبعانه نوم ساعه 4 العصر
او البيت هدوء ماما او بابا مو بالبيت طالعين
للسوك او حمودي رايح يم أصدقائه او هوزان كاعده على التلفزيون
او عرفت مصطفى او سوزان جاين على بيتنا
مودعين اهلي او طالعينًعلى تركيا شهر عسل
شفت البيت معزل ماكو هوسه او ماما مسويه دولمه
اكلت او رحت على غرفتي كلت لازم أعوض هاي الايام
الي راحت فتحت الفون شفت رساله من ازاد صباح الخير حبي
ردت اخبره كلت خلي ادرس بعدين اخابره
بقيت ادرس لينا صارت ساعه 9 الليل نزلت
شفت ماما راجعين من السوق او جايبين اكل وياهم
اكلنا او عزلت الغراض ويه ماما او رحت لغرفتي
خابرت ازاد لان من الصبح مو حاجيه وَيَا جان زعلان
بس شرحتله روتيني او كلتله والله مشغوله تعرف جنت كلش
هامله دراستي او شهر علمود العرس او هسه دا أضاعف حتى
اعوض او انت تعرف حلمي اعرف مقصره وياك بس مو بيدي شي
بقيت كاعده احجي وَيَا او صارت الساعه 12
كال حبيبي روحي ادرسي كلتله ما بقى وقت اروح انام
كعدت الصبح مثل كل يوم تريكت او رحت للدوام
كومه محاضرات رايحه عليه بس وعدت نفسي
أعوض حتى لا اضعف بالمواد بعدين ما اكدر اطلع معدل
رجعت للبيت تغديت بهاي الفتره مال سادس ما جنت
اساعد ماما خطيه شغل البيت جان كلو على ماما او هوزان
رحت لغرفتي بقيت ادرس كلش تعبت نفسي بالسادس ما
جنت اعرف حضي فكر ما راح اتهنى بيها 
بابا ما جان مقر ويانا خطيه جان بالعطله الصيفيه
يطلعنا سياحه لتركيا او ايران او حتى
كنّا دائما نروح على بغداد  او جنت مقرره اني او صديقاتي
بس نخلص السادس نروح سفره سياحية على باريس
بس بنات كلت لبابا ما عترض كال روحي اذا خلصتي السادس
مر شهر نفس الروتين اروح المدرسه او أرجع علاقتي ويه ازاد بعدها نفسها
مصطفى او سوزان اجو سكنو عدنا

اليوم التعيس
يوم من الايام إجى بابا وجهو اصفر او عمامي او ولاد
عمامي وَيَا بابا خطيه مبين على باجي دخلو للستقبال
لان جان وياهم زلم هواي إجى بابا ما سألته
كالت شبيك شنو صاير بابا دار وجه او كأم يبجي
ماما كالت شبيك بداعتي عليك احجي
مصطفى  ....
شبي مصطفى ليش ما تحجي شصايرله ابني مات احجي
لا مو مات بس كاتل واحد او ميته بيده لان الولد اصلا مريض
او هسه مصطفى بالسجن
ابني راح من ايدي راح يعدمو 
او صارت الناس تروح او تجي علينا او كالو هذا الولد مو من هنا
من الجنوب او اهلو عشائر راح يجون باجر نفتهم منهم
بابا كال انشر اليوم نروح لبيت اخوي الشيخ الجبير
لان راح تصير الكعده عدهم بالبيت  اني بس ابجي لا اخوي الجبير
اخاف يروح من أيدينا او حالت ماما من شيء الى الاسوء او هوزان همين بس تبجي مرت مصطفى دزيناها على اَهلها
عرفنا السالفه من بابا هذا الولد من اول الدوام مخلي راْسه براس مصطفى
او كل مره يسوي مشكله لمصطفى او يحجي علي كدام الطلاب
او كل فتره مصطفى او هذا يتعاركون

الى هنا وانتهى البارت حبايبي
اتمنى نال إعجابكم
أستودعكم الله
بقلمي Ayat Al yousef