زوجتي الريفية

البارت الحادي عشر والثاني عشر

/////البارت الحادي عشر /////
#زوجتي_الريفية !!
#بقلم_الكاتبة_شمس ..

رسل گالت .. صباح الخير فروووحه .. اممم اشم روايح طيبه شمسويه ؟؟
فرح .. سويت كاهي وي الگيمر ع طريقتي ..
رسل .. امممم لعد يستاهل واحد يصحى عموده وحصحيلج البيت كوله ..

طلعت لگيت عمتي صاحيه .. امممم فروحه شنو هذا الابداع .. ماما مو گلنا لتعبين مو زين ع رجلج ..
فرح .. لا عمه اني اتعب من الگعده مو من الشغل ..

رسل سوت بوق بالبيت .. اگعدوا اليوم كاهي وگيمر الي ميگعد اكل حصته ..

گعد عمو اممم فروحه اليوم بفضلج البيت كوله گاعد من الصبح ههههه .
حدخل اسبح واطلع مااتأخر عليكم لان اريد اطلع للمحلات..  وگعدوا حيدر وعلي هم يروح ويانه اليوم عطله شعنده بالبيت يبقى ..

بين ماالكل يجهز .. حضرت الطاوله . بيت عيالي اهل خير تفتحين الثلاجه كولشي يعجبج تلگين مثل اهلي يعني يسوي واهس واحد يطبخ ويتفنن ..

علي نزلت بعد ماصحتني رسل اوامر الوالد .. سبحت ونزلت بالاتراگ .. شفتهه تفتر گدامي تذكرت الليل .. وشعرها بس هسا مخليه الكلاو مال الاتراك ع راسهه يعني مشفت شعرها .. وجسمها اوووف بس لابسه الروب فوگ تراك .. عندها نشاط مو طبيعي تتحرك منا ومنا ولاتگول رجلها مكسورها ومصار هواي من فتحو الجبس . حتى عيوني حولت من وراهه ..

اجه حيدر من ورايه .. طبطب ع ضهري .. ها لازم حلت بعينك
علي 😉 حكيت براسي منو ..
حيدر . هههه تغشم روحك لك شگد محضوظ .. ماردتها  والله نطاك جمال ونداره والاهم تگعد من الصبح تسوي كاهي شلون خلگ عليها ..
علي 😡 .. خلي عينك ع الي عندك لاتحط عينك ع غيرك ..
حيدر .. 😂😂😂 اشتغل الگلب بعلي ..
رحاب .. شبيكم مشايفين والله خبصتونا وانت حيدر ترى زودتها..
حيدر .. يومه خلي اطفر احسن الي 🏃🏃
علي .. ههههه
نزلت شافتني جمدت .. ماادري ليش تخاف مني . 
رحاب .. لعد وين رضاب ليش مگعدتوها ع الريوگ ..
رسل .. متقبل بعدهي نعسانه ..
رحاب .. اني حروح اصحيها ..

گعدنا كلنا ع الريوگ .. وكلها تمدح بالكاهي وترتيب السفره .. وعلي كلما اشيل عيني الگيه يتباوع ..

گعدت رضاب .. صباح الخير
الكل .. صباح النور ..
اتباوعت ع السفره .. اوووي هاي شنو كاهي وگيمر لا اني مااكل هيج اكلات مسويه دايت .
عمتي .. هذا جبن واكلي اذا تردين ..
رضاب .. هلو علاوي شلونك ..
علي .. هلو بيج ماادري بيج هنا
رضاب .. البارحه اجيت .. صدوگ سمعت رجعت للجامعه يعني راح نتشاوف هوايه ..
علي .. بلي رجعت راح تملين من شوفتي هههههه
رضاب .. هههه ليش اكو واحد يمل منك ابن العم 😉

فرح .. اني اسمع كلامهم ومتعجبه هاي شبيها تحجي هيج احنا عدنا عيب نختلط بالولد حتى لو كان ابن عمي او ابن خالي ..
رسل .. هههه انتي بس هاي السنه وتخلصين ونجي اني وفرح وراج ندوخه العلي ..
علي .. من گالت رسل هيج رفعت راسي واستغربت شنو فرح تدخل جامعه.
رضاب .. ههههه تلگيها ابتدائيه ممكمله ..