ضحيه ؟أم غلطه فتاه

تكمله

البارت الرابع والاخير من قصه ضحيه؟أم غلطه فتاه !
بعد أن خطبني سيف ورد اخويه انهو إني مريضه دز سيف ع شيوخ ووجهاء المنطقة وكالهم روحوا اخطبولي وإني مستعد اخذها ع مرضها وتكفل بكافه مصاريف علاجها اجو أهل المنطقة مره آخره لخطبتي وهل مره راضين بكل شي أخوي كالهم كتلكم مريضه كالوا ميخالف حجه وياهم كالوله أنته جنك متقدر ومادريت تنطيها زعلوا وطلعوا وخوي صعدت براسه وكام وكتلني بالصونده وكال اني اعلمك سيف ونفس اليوم كام يخابر وجوي البيتنا اشكول اشكول وإني أريد أسمع صاحت عليه مرت اخويه وحبستني بغرفتي بس إني العرفته همه يتدبرون شي لسيف ثاني يوم عادي فتحولي الباب وسوتلهم ريوك وجان يوم جمعه واخوي كاعد من الشغل تريكت بالمطبخ لأن همه ما يخلوني اتريك ولا اتغده ولا تعشه يمهم بس اخوي صاحني وكلي تعاي اجيت كلي بعد حبيب العمر ما يجي يخطبج وكام يضحك اني كتله ليش سوتله كال روحي للسوك والاخبار تجيج قبل لا أروح اندك الباب فتح اخوي الباب طلعوا عمام سيف كالوا إلي صار السيف مو بعيد عليك وكال هو صار السيف كالوله لتغشم نفسك هو حلف ميت يمين ما يعرف بس اني كمت اصيح ىاصار اصار كولولي عمي البارحة ضربوا سيف سجاجين بكل جسمه إني كمت اعيط اخوي كال يمكن ابنكم عنده مشاكل جفونه شركم كالوا بسيطه اخوي كالهم شنو تهددوني روحوا جيبوا دليل يله تتهموني إني البارحة ما طالع من البيت راحوا واني ركضت للسوك وركضت لمحل صاحبه كال هو بالمستشفى وطني ورحتله وشفت وضعه خطير رجعت اسوكت ورجعت للبيت كلت لخويه هاي الشكولات الجبتها هي اسويت بي هيج المهم أخوي بسطني وكالي اي احجايه يصير بيج لصار بي الصراحة إني خفت وأريد أشوفه كمت يوميه من أروح للسوك أروح أشوفه والحمد لله كام يتعافه بس كالي باعي شوهوني وضاربي بكل مكان المهم بعد اسابيع تعافى شويه وكام يحجي وياي غير شكل كام يكلي لازم نشرد وروح المنطقه نزوج بيها كتله لا لا كالي شبيج ذوله ما يزوجوج لازم نشرد علمود حبنا وازوجج كتله لا شلون حجالي جيبي هدومج ونشرد واني رافضه الفكره ويوميه قسوه اخويه ومرته أزيد وهو يلح خطبتج ما ينطوج احبج احبج أموت عليج فد يوم انطاني موبايل بي سيم كارت وكام يخابرني من اطب الغرفتي طبعا إني اخابره او ارمشله قبل لا يخابر حتى يعرف محد يمي لحد ما قناعني انهزم واخذت ملابسي وبكت افلوس أخوي وشردت قبل جم يوم أخذني باطراف هاي المحافظه وطب أبيت كال هذا بيت أخوي وجاب شيخ عقدلنا بالبيت وصار 3أيام ينام وياي زوج وزوجه لحد ما كال اليوم انزور وندور بيت اناجر وحدنا وصار الي شفته
طبعا هذا الحجي كاله الهناء بالمنطقة الدينيه
اني أبو الكارتات
كتلها هذا بعد ما يجي ضلت تخابره وهو يغلط
كتلها اذا عندج مكان روحي اله قبل لا ياخذج الوكت طبعا صارت الساعه 2والوكت شته اضلم يعني بعد أربع ساعات اضلم كتلها انتي جوعانه اني جعت طبعا كالت شلون من الى نفس كتلها اكلي والله كريم وطبيت مطعم إني وياها وطلبت دجاجة واكلنا وشربنا جاي ودفعت الحساب وضلينا نتمشى وتخابر بدون فايده كالت هو كالي يريد ينتقم من السوة اخويه بي بحيث حتى مضروب سجينه ماخرته كال إلى اخزي خطيه البنيه كالتله اني شعليه يفشر كالها من وراج أنتي واخوج جسمي كله اشوه إني اعلمه ويزيد بالفشار
المهم نصحتها تروح لأي بيت تعرفه قبل الليل اني كالت ما أعرف أي أحد بهاي المحافظه ابات اليوم اهنا وباجر أروح العمتي بس اطلب منك طلب كتلها كولي كالت عندك غير هذا السيم كارت كتلها ااي عندي ليش كالت أريده اقنعه بي هو يحبني ولازم يرجعلي كتلها اني تاثرت بقصتج شكد تردي كالت مده 15يوم إنشاء الله اقنعه كتلها إني راح أخلي بس وراها احركه كالت ميخالف كتلها بس انطني رقمك الثاني انطتها رقمي صارت الساعه 4كتلها راح أروح يوميه أروح قبل هيج وكت بس اليوم المره رايحه ل أهلها كالت روح رحت تركس كتلها شبيج كالت ابقى شويه كتلها اخاف الشيطان يوازني عليج كالت لا أبقى نص ساعه بقيت اسولف واكلنا لفات وشربنا ببسي وسولفنا ضلمت الدنيا كتلها خل أروح ابقى اشويه اني خايفه كتلها لا تخافين باتي اليوم بالإمام وباجر روحي لعمتج كالت إني ما اندل وما زايره قبل كتلها اكو مضيف يبيتون بي الزلم وحد والنسوان وحد كالت مو تكول مرتك ماكو اخذني وياك والله عليك لسويلي شي كتلها روحي جافني شرج ماكو رجال ومره بيت واحد ما يوازي الشيطان ظلي الحد متقل الناس وراها طبي همه يبيتوج المهم رجعت وكامت اتك علي تعال وتعال كتلها طبي نامي المهم ثاني يوم خابرتني الصبح كالت ما نمت البارحة الشرطه  بيتوني بحجز النساء لأني من هاي المحافظه والوضع الأمني مو زين واليوم طلعوني كتلها هسه أنتي وين كالت رايحه العمتي وراح اكلها رجلي يدور بيت وياخذني كتلها السيم كارت بعد 15 يوم احركه
المهم بعد ما شفتها بس تخابرني وتراسلني يوميه ما أقتنع ما إجه يجاوب ويكول إني رحت بعيد أخير
يوم كالت تعال اخذني بس أجر لي عمتي راح تخابر اخويه شكت انه عايفني أضافه ابنها كام يتحارش بيه كتلها إني ما اتورط هاي الورطه اهلي وعشيرتي كامت الجيد كالت مو ذنبك وإني كتلها إني راح احرك السيم كارت كامت تتوسل أن تحاول محاولتها الأخيره
كتلها ما يفيدج وره 3 ساعات كالت أنه اخوها إجه وناوي يكتلها لأن عمتها مخابرته بعد ما معترفه بكل شي العمتها وهي الآن وبلحضه لتخابرني ساده باب الغرفه عليها وهو يتوعدها بالقتل اني بدون تفكير قطعت الاتصال خابرت ع الشركه وانطيت معلومات الخط للشركه وكتلهم وقفوا لأن ضاع جهازي وره خمس دقايق اتصلت وجان مقطوع الخط وقطعت آخر اتصال معها لا أعرف ماذا حدث لها
وهل هيه ضحيه أم غلطه عمرها المسكينه تمت ارجوا التعليق لمزيد من القصص