ضحيه ؟أم غلطه فتاه

البارت الثاني من قصه
ضحيه ام غلطه فتاه
اجتي البنيه يمي كالت هذا الولد الجان وياي كتلها أي إني منتبه عليه خلاج اطبين وهو راح استلم الجنه ومشه كالت عفيه من يا طريق كتلها هذا الشارع  فراحت بسرعه وره وره ربع ساعه رجعت ومباشره عليه كلتلي
ما لحكت عليه بلكت أستعمل موبايلك أخباره
واني انطيك افلوس الكارت إني طمعت اخذت منها افلوس الكارت بعد ما فتحت جنطتها وبيها اهواي افلوس بس سالتها كتلها هذا منو كالت زوجي خابرت ومحد رد عليها وجانت تلح بالمخابره وجانت الساعه حوالي 11الصبح الكارت صار موبايلي بعد جان بي قليل رصيد فحسيت إني تورطت كلتلها
ترى اني ع باب الله ما أخلص اليوم مخابرتج هي كالت أنته شكد تحصل كتلها رزق الله
كالت يعني شكد تريد وتبطل اليوم شغل وتبقى وياي
ع محاولاتي كتلها 20الف فتحت الجنطه وانطتني لمحت عدها تليفون بالجنطه كتلها مو هذا جهاز شمعنه تردين تخابرين وبجهازي
كالت لا والله ما بي سيم كارت هو طلعه بالطريق وكسره
المهم إني خليت الفلوس بجيبي
وضميت غرضي وخليتها تخابر كلت اليوم هم افلوس وهم وحده حلوة يمي ومشيت إني وياها من مكان البيع مالتي
وهي كامت تخابر وره ساعه من المخابره وأخيرا رد عليها
كال الو هي كالت ها سيف ليش تركتني بعد كل الي سويته علمودك
أسمع صوته يفشر عليها
كلتله أرجع اخذني إني نفس المكان
بعده يفشر
كامت تبجي وانسد التليفون كتلها ها شبيج راح يجي كالت لا يكول اني سافرت غير محافظه