زينب:نور صافا؟
أنا:صافا و نتي صافا.
زينب:صافا صافا و بزاف هه.
انا:مالك،شوفي عينيك ولاو حمرين.
نبيل:السيدة تبوقات مزيان.
أنا:اوييلي و شكون غايديني لدارنا😦.
مروان:ههه بلاما تشوفي فيا يالاه الجلسة بدات كتحلى نوض و نخليها،نو نو نو.
أنا:حشومة عليكم😢 غتجبدو ليا صداع مع دارنا.
نبيل:صافي صافي بلاما تقلقي انا غنديك لداركم،متبقاي غا على خاطرك.
أنا:شكرا يالاه نمشيو دابا.
نبيل:واخا.
-نضنا غاديين فوق رملة ،بلاما نرد البال تعكلت كنت غانطيح و هو يشدني نبيل من خصري ،و جات عيني فعينو.
نبيل:عينيك فحال الغابة ،شوفة فيهم تسلب للواحد عقلو وروحوا و حتى قلبوا.
أنا:(وليت فحال ماطيشة)😊😊.
نبيل:ههه صافي ما قلت والو ،يالاه خلينا نمشيو راه غتعطلي على داركم.
أنا:واخا.
-وقفنا حدا الشانطي .
أنا:واقلة هنا مكيوقفوش الطاكسيات؟
نبيل:إنا طاكسيات، اجي راه عندي طوموبيل.
أنا:😮.
نبيل:وقفي هنا راه حطيتها بعيدة شوية غنمشي نجيبها ، وهانا معاك، اوكي.
أنا:اوكي.
-مشى بقيت كنتسنى واحد 5دقايق و هو يوقف عليا بواحد مولاتي الطوموبيل ،اش غا نقول ليكم واو واو فين تبان ديال مروان.
نبيل:نور طلعي مالك واقفة.
أنا:اا اه واخا.
طلعت معاه لطوموبيل وحنا ساكتين حتى قربنا لدرب .
أنا:صافي،غاهنا عافاك .
نبيل:واش كتسكني هنا.
أنا:لا ماشي هنا باقي شوية لقدام.
نبيل.آه، و علاش وقفتيني.
أنا:نخاف لا يشزفنا شي واحد من خوتي و يصدق ضاربني و لا شي حاجة.
نبيل:الى كان هاكا ماشي مشكل.
أنا: بسلامة وشكرا مرة خرى.
-يالاه غنحل الباب باش نخرج هو يشدني نبيل من ايدي.
نبيل:نور بلاتي عافاك.
أنا:ها 😮.
نبيل:ااا امم اا،بغيت نكوليك نتي زوينة بزاف و بغيت نشوفك مرة خرى.
أنا:سسمحلي خاصني نمشي.
-هبطت من لوطو ،وحاسة بقلبي غيخرج من بلاصتو،اول مرة يقولي واحد هدرة فحال هادي و مامتيقاش بلي سمعتها من عند واحد فحال نبيل ،زين و طولةو ضريف بواف تكون عندو ديك 20 عام ،اووووه اش هادشي انا فرحانة بزااف ههه، بقيت غادة فطريق حتى وصلت قدام الباي ديال الدار و شداتني الخلعة من صبعي الصغير ،ياااربي اش غنقول لماما و خفتا لا تشم فيا ريحت الكارو افففف.
أنا:سرررررررر
عصام:بلاتي بلاتي وا فرعو الباب حسن .
أنا:😣😣.
عصام:هادي نتي البرهوشة مالك على هاد السونيط راحنا غير هنا.
أنا:و صافي اعصام خليني ندخل.
دخلت لدار حتى كنسمع ماما كتغوت علي .
ماما:نور وا نور اجي لاهنا.
أنا:بببلاتي اماما ندخل لطواليط راني مزيرة .
-دخلت لطواليط غسلت فمي و حالتي و تسلت حتى طلعت لبيتي لفوق بدلت حوايجي و نزلت.
أنا:نعام اماما بغيتيني فشي حاجة.
ماما:اويلي يا بنتي تخلعت عليك كون زدتي شوية كون لبست جلابيتي و خرجتقلبت عليك.
أنا: آه،راه غير استاذة ديال سيونس زادتنا ساعتاين .
ماما: ايوا مزيان،غير هو مرة خرى علميني باش منتشوش عليك.
أنا:(قربت و بستها فحنكها) ايخليك ليا يا نور عيني.
-كان هاداك النهار بالنسبة ليا من احسن نهارات لي دوزت،ليل كولو او انا كنفكر فنبيل او تمنيت غير ايمتى يوصل الصباح باش نتلاقى بزينب و نهدر معاها على نبيل.
