نور:😮😮😮.
ليلى:هاني هنا،شكرا أدكتور.
الدكتور:هذا واجب.
ليلى:حبيبة، كي بقيتي.
نور:الحمد الله شكون نتي.
ليلى:أنا أحبيبة هزيتك و جبتك لداري و داويتك،لقيتك مغيبة فالسطوب ديال الشانطي واقلة كنتي مضاربة مع شي واحد.
نور:أه،و لكمن بلاتي فين هي سكينة؟
ليلى:واش ديك البنت لي كانت معاك.
نور:آه😞.
ليلى:ما عرفتش ملي شافت البوليس طلقات منك و هربات.
نور:😕😕😕.
ليلى:حبيبة بلاما تشغلي بالك دابا غدا انشاء الله و ندويو،واخا.
نور:شكرا بزااف أختي،ماعرفش كيفاش غانرد ليك هاد الخير لي درتي معايا.
ليلى:(فخاطرها)ماتخافيش غااادي ترديه ماكايناش شي حاجة فابوور.
خرجات من عندي هاد ليلى بصراخة خاطري هرب منها،وجهها كي الكر بنت القحبة واقلة فيها الجنون سيفتها كاتبدل،غابلاتي يصبح الصباح و نمشي نقود عند ختي فرح نجلس معاها حتى نلقى شي حل اللاهوما البقرة ديال ختي و لا ديك المشوطة تاع سكينة و هاد فليفلة ديال ليلى.
🌞🌞🌞في الصباح.
ليلى:حبيبة حبيبة،نوضي.
نور:اممم فرح سيري تقودي خليني نعس.
ليلى:😠😠😠هيهي نوضي احبيبة انا ليلى.
نور:😆😆سمحيلي سحابيتك ختي(بصراحة انا درتها بلعاني جاتني على كانتي نعايرها هههه).
ليلى:ماشي مشكيييل هي ختك سميتها فرح،و نتي شنو سميتك؟
نور:بدر.
ليلى:بدر😕؟؟
نور:اه هاكا كايعيطو ليا الدراري فالدرب.
ليلى:لا احبيبة انا بغيت سميتك الحقيقية😊.
نور:(وا لصقة هاد القلوة)😆😆سميتي نور.
ليلى:اووه،نور سميتك غزالة،هانتي احبيبة نوضي دوشي و ها الحوايج لي تلبسي،و فاش تخرجي غاتلقاي الخدامة كاتسناك تجيبك باش تفطري.
نور:اهاه واخا نوض ندوش ،شوفي عفاك منلقاش عندكم مسمن مدهون بزبدة و الكوفيتير.
ليلى:نوجدوووه الالة😆.
نور:شكرا.
بلاما تصدمو من الطريقة لي كاندوي بيها مع ليلى بغيت نجربها واش هادشي لي كادير لوجه الله ولا كاينة شي حاجة خرى،و لي ستنتجت هو هاد.خيتي نيتها ماصافياش،باغاني لشي حاجة،المهم دخلت دوشت و خرجت لقيت الخدامة كاتسناني.
نور:بسم الله الرحمان الرحيم😮😮مالك اختي لابسة البيض فالكحل ياكمة عندك كنازة.
الخدامة:انسة نور،مدام ليلى كاتسناك لتحت.
نور:واخا،غانلبس و نهبط(درت كانلبس يالاه غانحيد البينوار درت لقيت الخدامة باقا واقفة) ياكما باغا تشوفي ترمتي اشمن لون راها زركة،ولا قالت ليك ليلى لبسيها الكريون حتى هوا.
الخدامة:س سمحيلي😣.
نور:يالاه خرجي.
خرجات الخدامة كملت لبيس حوايجي،حليت الباب باش نخرج،😱😱واااااو اش هادشي ياربي هادي دار و لا قصر .
الخدامة:أنسة نور مدام ليلى كاتسناك لتحت.
نور:واخا.
مشات الخدامة قدامي و انا وراها،بصراحة بحال هاد الدار عمرني شفتها هادشي واعر بزااف😍.
الخدامة:أنسة نور،وصلنا.
نور:شكرا.
ليلى:نوور،رتاحيتي شوية.
نور:اه رتاحيت(كانشوف فالراجل لي جالس فراس الطبلة تكون عندو ديك 50 عام).
ليلى:ااه هادا راجلي،جون.
نور:جوون😮مزوجة كافر و نتي مسلمة.
ليلى:حبيبة جلسي تفطري.
نور:(جلسات)ياكما راجلك زيزون و لا ماكايفهمش للعربية(انا بغيت غيرنجبدو).
جون:لا مازيزونش و كانفهم للعربية.
نور:اه مزيان.
ليلى:حبيبة😆كولي هالمسمن.
نور:شكرا،مدي لراجلك حتى هو،و لا ماكاياكلوش داير ريجيم حيت غليض.
جون:😠😠ليلى.
ليلى:صافي صافي كولي غير نتي.
نور:واخا.
جلست على ديك الطبلة درت فيها غزاوة من الراس حتى للراس ليلى و جون بقاو غير كايشوفو.
نور:الحمد الله، دابا غانوض نمشي فحالي.
ليلى:(لون وجهها تخطف) هاا😲 لا لا فين غادة.
نور:غانمشي فحالي😏.
ليلى: لا لا مغاتمشيش نتي باقة مريضة ماغانخليكش تمشي.
نور:😡😡سمعييني مزيان جيني من اللخر و قولي اشنو بغيتي داك التقحبين ديالك و نتي و راجلك ماعندي ماندير بيه.
ليلى:لا راكي غالطة.
نور:شوووفي بالاما تبقاي تزوملي عليا ،جيني كود ولا خليني نقود.
جون:اووووه،بصراحة اختيار ليلى كان فمحلو،طلعتي قافزة اشمكارة.
نور:شمكارة هي موك.
ليلى:مالك كاتخرجي علينا فعينيك ديكااج براا.
نور:باني،باني على حقيقتك من صباح و نتي جالسة عليا الحبيبة القلاوي بغيت ليك حبة فالطبون.
ليلى:خرجي خرجي عليا من هنا.
جون:لا مغاتخرجش.
ليلى:😮😮😮.
جون:هاد خيتي هي لي غاتقدي ليا الشغل كامل.
نور:إنا شغل.
جون:بصراحة نتي عندك الحق،حنا ماجبناكش هنا في سبيل الله غير هكاك.
نور: و لاش باغيني.
جون:نجيك للصراحة،كيفما كاتعرفي فعالم رجال الأعمال الواحد ضروري كايكونو عندو أعداء،و انا غانصيفطك عند واحد من الاعداء ديالي و لا تقدري تقولي واحد من الخدم ديال العدو ديالي باش تقضي معاه ليلة واحدة.
نور:داوي من نيتك باغيه يكويني.
جون:لا هو ماغايختاركش،غايكونو معاك بزاف ديال البنات و مع نتي فيك المشاكل بزاف ماغايختاروكش.
نور:اوا اش غاندير.
جون:ساهلة،هاد خينا عندو واحد الملف كايخصني غادخلي للمكتب ديالو و تجيبيه.
نور: و لكن انا ماشي شفارة.
جون:اي حاجة عندها اول مرة.
نور: اهاه و شنو المقابل.
جون:50 مليون و اي حاجة بغيتيها.
نور:😨😨😨.
نور:(الصمت).
ليلى:شوفي،فكري مزيان و ردي علينا عندك النهار كامل تقدري تبقاي فالبيت لفوق.
نور:واخا،سيفطي الكارو و الحشيش حتى هو.
طلعت لبيت كنفكر بصراحة 50 مليون واخا نبقى عمري كامل و انا نخدم فيها مانجمعهاش،و لكن بلاتي هاد الناس باينة مامعاهمش الضحك و الى ماصدقاتش ليا اش غاندير،لا انور غاتصدق ليك غااتصدق ليك فكري ف50 مليون و زيديها لي بغيتي.
✊✊🚪🚪الدقان.
نور:شكون؟
الخدامة:هادي أنا أ أنسة.
نور:شنو بغيتي.
الخدامة:أنسة راه مدام ليلى سيفطات ليك هادشي.
نور:(حلات الباب)اريه،بلاتي منلقاش عندكم شي قرعة الشراب.
الخدامة:كاينة أ أنسة.
نور:ايوا سيري جيبيها ليا.
الخدامة:واخة أ أنسة.
حليت ديك الميكة لقيت فيها بكيات ديال الكارو و واحد نص كيلو دالحشيش باينة فزامل تاع بوها هي و راجلها بزنازة،يالاه بديت كانبرم فواحد الجوان و هي طيح ليا حليمة فبالي،كون راه الصكعة تسطات بلاااتي نقلب على شي تيليفوون هااه و اخيرا لقيتو.
دوزات نمرة دحليمة لقاتو كايصوني.
حليمة:الو.
نور:الو حليمة.
حليمة:نووووور،ااا هئ هئ فيينك ابنتي.
نور:واتي جمعي عليا خناينك هدري مقاد.
حليمة:ياااك ابنتي اهئ هئ يوماين ما عيطتي ما والو ماشي حرام عليك،نتيا عارفاني كانبغي نتسطى فاش ماكانشوفكش قدامي.
نور:(نزلو ليها دموع و لكن مابغاتش تبين لماماها) واا صاافي هاحليمة ،باراكا من البكى انا راني عايشة بيخير يالاه فقت ضربت واحد الفطور مانعاودش ليك اشمنك يا مسمن اشمنك يابغرير لكرواصة لحليب العواصر داكشي اشكال و انواع ماشي بحالك ديما قاتلاني بجوووع.
حليمة:ياك ابنتي انا كنقتلك بجووع.
نور:غاكانضحك معاك ههه.
حليمة:و هاد الفطور فين فطرتيه.
نور:فالخدمة.
حليمة:انا خدمة هادي واش مزيانة.
نور:تي راه ماشي غا مزيانة راه بزااف اساطة كايخلصو من 50 مليون للفوق.
حليمة:ياكما داكشي ديال الضعارة😱😱😱.
نور:ههخ الضعارة من نيتك راه كايقولو ليها الدعارة آلوليدة.
حليمة:شووفي ابنتي الى كنتي غاتخدمي فهاد المسخ انا ساخطة عليك.
نور:و لاا غير كنضحك معاك غايخلصوني غير ب50 الف ريال للشهر.
حليمة:فاش غاتخدمي و شكون دبر ليك على خدمة؟
نور:(واايني شحال فيك ديال الاسئلة)غانخدم عند واحد المراة عندها فيلا بغات شكون يسيق ليها و يعاونها،و لبارح ضرباتني بطوموبيل و داتني للسبيطار، فاش عرفات بلي ماعندي فين نمشي داتني معاها لدارها و عرضات عليا نخدم عندها.
حليمة:ضرباااتك بطوموبيل، بغيت ليها ضربة.
نور:واحد خوتي اش طرا ليهم مازال.
حليمة:تدخل هداك الجينيرال لي كيجي مت فوزية خوك عصام غدا غايخرج ،اما سعيد قالك باقي ليه شهر.
نور:ايوا مزيان دابا عيالات ولاد راجلك غايرتاحو اه و سلمي على راجلك و قولي ليه راه مامتش سمعتي، و قوليه يتهلى فبناتو لي هوما عيالات ولادو او ولادهم.
حليمة:لا هابنتي ماتقوليش هكاك😯.
نور:حليمة تهلاي وبغيت نكول ليك راه كنبغيك بزااف و سلمي ليا على فرح و بوسي ليا قمر.
قطعت عليها و طاح عليا الضيم ماعرفتش علاش حاسة بحالا هادي اخر مرة غاندوي معاها،دوزت النهار كامل فالبيت جالسة على قرعة الشراب و الكارو.
الدقان✊✊🚪
نور:(سكرانة)شكوون؟
ليلى:هادي انا.
نور:هادي نتي يالسلكوطة.
ليلى:واش سكرانة😩.
نور:هخهخخ🙈.
ليلى:نعسي دابا حتى للصباح و ندويو.
نور:بسلامة ههه.
____________________________________
كنتأسف على التاخر سمحو ليا راه ماكاينش لوقت و لكن غادي نكملها انشاء الله واحد لوقيتة وليت كانقول مابقيتش غانلوح حيت ماكاين لي يقرى و لكن دابا كاينين شي اشخاص خلاو ليا كومنت و زادو شجعوني شكرا ليكووم قصة عاد غاتبدا البارت الجاي غايكون اكثر تشويق و قراءة ممتعة😊
