#عشقتها_حدالجنون
بارت ١
بقلمي #ايات_مظفر
أحيانا نحقق احلامنا ولكن في طريق تحقيق
الاحلام سوف نخسر أشياء كثيرة منها مشاعرنا
ثقتنا في الناس او في وجود الحب والوفاء
لذلك لا تعطي قلبك إلا لمن يستحقه ويثبت لك حبه
من يتخلى عنك تخلى عنه ولو كان النبض لقلبك
فكل البديات جميلة لا تحكم على شخص أو علاقة
من بدايتها تعلم ان تحكم على الاشخاص في النهايات
وليس البدايات لان النهايات هية التي اثبت صدق
المشاعر والمحبة
جعفر ولك جعفر كوم اكعد غبي وينك
جعفر / حسيت صوت علي يكعد بية ويصبح فتحت عيوني هاا ولك شجاك انوخذنة خوما نوخذنا
علي/ هههه لا بس طلعت النتائج كوم نستلمهة
جعفر / تحجي صدك ولك
علي / قابل اجذب صار ساعة يمك أهوس وانت نايم
نومة اهل الكهف كوم
جعفر/ كمت بسرعة من الفراش غسلت لكيت الحجية
بالمطبخ صباح الخير يمة
الام/ صباح الخيرات يا عيوني اسويلك ريوك
جعفر / بس بسرعة على ماابدل دنروح نستلم النتائج
الام / الله يفتحها بوجهك وينور دربك وإنشاء الله
ناجح يانظر عيني
جعفر / تسلميلي يالجنة انتي رحت بدلت وعلي كاعد
حطت الريوك امي تريكنا ورحنا وكلبي يطكطك
عبالك رايح للاعدام اني ادري انجح بس اريد معدل
زين إنشاء الله يارب معدلي زين دخلنا طلعنا اسمائنا
واني بقلق يارب ما أفشل علي طلع اسمي واسمة
اني ٩٠ وهو ٨٩
ولك جعيفر معدلك ٩٠ يول
جعفر / عبالك مدري شجاني فرحت بودي اطير طير
رحت للبيت مااحس من الفرحة شبكت امي يمة
يمة طلع المعدل الاريدة مامصدك الف الحمد الله
الام / الف الحمد لله ومبروك ياروحي إنشاء الله
يوم الشهادة الجبيرة وعلي شطلع
علي / عمة ٨٩ فرق درجة
الام / الف مبروك يبعد عمتك إنشاء الله اشوفكم
بااعلى المراتب يارب
خل احجيلكم عن عائلتي علي ابن عمي
اني عندي إخوان ٢ واخوات ٢ مزوجات واخواني اكبر مني
علي مزوج وطالع و قاسم اصغر مني بعدة بالمتوسطة
فرحت كلش بنتيجتي حسيت ثمرة تعبي بينت
اني اريد هندسة جامعة بغداد وإنشاء الله تطلعلي
اخذنة الانسيابية وقدمة والدي والد علي سوو عزيمة
وذبحو خرفان للاقارب صارت هوسة بنات عمي وعمتي
والشباب تعبنة جامل وجيب ودي ذبيت روحي ميت
اشتغلت بمحل انترنيت صديق الي على مايبدي الدوام
مرت الايام وطلعت القبولات طلعت لي مثل مااريد
جامعة بغداد وفرحتي ماانطيهة الاحد بس هسة
المهمة الاصعب اهلي وشلون اقنعهم اروح البغداد
شجعت ورحت للبيت سبحت وتعشيت راحت الحجية
سوي جاي كاعدين اني والحجي جتي حطت الجاي
صار لازم افاتحهم بالموضوع مابقى شي للدوام
اريد احجي وياكم بموضوع واتمنى تتفهمون طلبي
الحجي / كول وليدي خير ان شاء لله
جعفر / طلعت قبولات الكلية اسبوع الجاي الدوام
الحجية / اي ربي يفتحهة بوجهك وليدي
جعفر / لله يسلمج حبيبة بس الدوام بغداد مو هنا
الحجي / بغداد شنو وهنا قابل ماكو كليات منو الك هناك
وتروح ماكو روحة البغداد
جعفر / يابة قسم داخلي واجيكم كل عطلة اني بنفسي
ادرس بغداد مااريد هنا
الحجي / كل روحة ماكو تريد هنا ماتريد مشكلتك
جعفر / واني إلة بغداد يلا هذا حلم حياتي يابة تفهمني
عفتهم وصعدت كلش انقهرت اني هذا حلمي مااكدر
مااروح لازم يفهمني ظليت ٣ ايام مااحجي وياهم
ولا اكل إلة يقبلون تالي قبلو وراح نروح اني وعلي
صار وقت السفر حظرنة نفسنة وسلمنة على الاهل وامي
تبجي مقهورة بوستهة لا تخافين يبعد عمري ارجعلج
احسن مهندس بالدنيا بوستهم وطلعت ماانكر انقهرت
فراق الاهل صعب بس هاي حياتي لازم اكملهة
مريت على علي وطلعنة اي ابو حسين وأخيرا بغداد
في الانتظار 😂
علي / هههههه اي في الانتظار
طبعا جعفر شاب طويل اسمر صاحب حواجب ثخان
شخصيتة جدا محبوبة من الاهل والاصدقاء
جعفر / وصلنة رحنة الفندق تعشينة ونمنة لان تعبانين
طريق طويل خابرنا الاهل طمناهم ثاني يوم رحنة
للكلية كملنة المعاملة وشفنة القسم الداخلي
رحنة للسوك افترينا واشترينا ملابس تعشينا ورحنا
للفندق نمنة كعدنة الصبح سبحنة وبدلنة رحنة للدوام
اول يوم عالم جديد حياة جديدة ان شاء لله تكون
زينة دخلنا للكلية .......
