#عشقتها_حدالجنون
بارت ٣
بقلمي #ايات_مظفر
كولولها بحالي تلبس الفستان وتجيني عيونه تلالي 😌خلصت اشروكيتي لان تتبغدد كبالي
🤛🏻بست ايده وخجلت وصارت حمره
☺️وخدوده الحمرات ذبن حمره
👀ومن باوعتلي الدنيه صارت حمره
✨وحته الظهر نجماته كامت تشهد
😁وظحكت وشفت اسنانه شكد بيظه
😘صغيرونه كلش طلعه من البيضه....
دك التليفون امي رفعت الخط هلا يمة شلونج الحجي شلونة
الحجية / الحمد الله يعيون امك اسئل عليك اليوم
ماخابرت وظل بالي أكلت يعيوني
جعفر / فدوة الكلبج ياامي اي أكلت والله اجيت
تعبان ونمت نسيت اتصل لا يظل بالج
الحجية / سلامتك من التعب يعيوني روح كمل نومتك
موتكطع بية وتنسى مثل اليوم
جعفر / ماعاش ولا صار الي ينساج يالعمر انتي مودعة
باالله وسلميلي على الكل سديت الخط باوعت
الشباب نص نايم ونص يسوون عشة فتحت فيس
اصفح اني وكاعد اصفح طلع اسمهة كبالي بااقتراح
الاصدقاء ترددت دخلت للبروفايل صفحت
ماناشرة هواي سويت اضافة بلكت تقبل
كعد علي هااا ابو الشباب كوم غسل يلا ذبيت الجهاز
على الشحن وكمت نحظر العشة ويا الشباب سوينة
مخلمة وكلينة بتيتة وجاي حظرنة السفرة تعشينة
عزلنة المكان
علي / صار وقت الدومنة
احمد / اي والله جبتهة ابو حسين
علي / اوكفو خل اطلعهة من غراضي كمت طلعتهة
يلا شباب الفريق الي يخسر باجر يعزمنة
الشباب / اوك يلا
علي / جعفر اني وياك نفس الفريق
جعفر / ماشي يلا فروهة اخذت بدينة اللعب
علي / خليت جعفر وياية لان ادري بيه ذكي 😉😊
جعفر/ بدينة نلعب والشباب يصيحون هذا يغش
وهذا يكول ماغشيت اضحك عليهم اني ابد مااغش
العب بعقلي وابد مااصيح مااحب اعيط وهمة هرجو
القاعة علينة ولكم خزيتونة صوتكم
اووووو فزنة والعزيمة عليكم ههههها😂😂
الشباب / اي تدللون باجر احنة نعزمكم
جعفر / سولفنة شوية كمت تمددت بالفراش جريت
