#عشقتها_حدالجنون
بارت ٦ والأخير
بقلمي #ايات_مظفر
اصعب شعور من يتخلى عنك اعز انسان في أقسى
ضروفك المفروض يكون سند وياك بمحنتك
وتتفاجاء انه هوة يزيد جرحك ويطعنك بخنجر مسموم
هنا تكون الكارثة لأنه اعز انسان على قلبك ويصعب
نسيانه يبقى جرحه مدى الحياة
كاعدين اني وعلي انتظر ولاء تجي شفتها جتي
من بعيد
علي / كوم نروح عود بعدين شوفهة كوم
جعفر / لا لا اوكف هاي جتي بس هذا منو الوياها
كمت تقدمت عليهم صارت قريبة شافتني
دنكت راسهة سلمت عليهم باوعت على اصبعهة
بيه حلقة
ولاء / هذا جعفر زميلي بالدوام جعفر هذا خطيبي
كرار
جعفر / ظليت مصدوم ما توقعت الصار الف مبروك
علي / يلا احنة من رخصتكم مشينة
جعفر / اخذني علي واني بعدني مامصدك علي
انت جنت تدري موو
علي / اي ادري
جعفر / غير دكلي
علي / ادري شكلك مثلا انت بيا حال
جعفر / ولك ماكاعد استوعب شنو الصار اني من رحت
منا جنت مسويلهة مفاجأة وحب وغزل علاقة صار ٧
اشهر حبيتهة حب من كل كلبي ردتهة ام بيتي
ماضحكت ولا لعبت عليهة جانت دكلي لا تلعب علية
هاي تاليهة اني ينضحك علية ولك صرت مضحكة
بالكلية كلها جنت متوقعهة توكف وياية بمحنتي
تالي تزيد علية هية اووف كلبي ولك راح انفجر
اني شتحمل شصير عفتة وطلعت رحت كعدت
بالحدايق لحكني
علي / جعفر انت قوي لا تخليها تهزك
جعفر / ولك كلبي يوجعني مااكدر اوصف إحساسي
صعب ولك احس سجينة بكلبي مغروزة بعدني
بصدمة ابوية جتني ولاء كملتهة
علي / هذا كلة امتحان من ربك لازم تكون قوي
عسى ان تكرهو شيء وهو خير لكم
جعفر / ونعم بالله كمنة رجعت للقسم ماكدر اكمل
دوام بدلت وغسلت حطيت راسي على مخدة
رجعت كل ذكرياتي وياها ليش هيج سوت ماكو مبرر
فتحت جهاز دزيتلها مسج ليش هيج سويتي
ولاء / كاعدة بالحديقة اني وسارة وجتي رسالة
من جعفر ماادري شكلة شلون افهمة احنة
منتوالم اني شي هوة شي ثاني حتى لو قبلت
اهلي مستحيل. يقبلون بيه تصرفي جان صح
دزيتلة الصار احسن الك والي انت تختلف عني
لا اهلك يقبلون ولا اهلي
جعفر / جاوبتني كتلهة انتي بس اوكفي وياية
شوفي شلون اقنع اهلج لو اعرف اخطبج ١٠٠٠ مرة
ماامل اما اهلي يقبلون معليهم
ولاء / حرت شجاوبة لا اهلي ميقبلون اعرفهم
جعفر / لا انتي ماواجهتي ولا حبيتيني صدك
كضيتي وقت لا اكثر وعلى العموم شايفة كل الخير
حضرتها
ولاء / حظرني وراح انقهرت حسيت بروحي جرحتة
بس اني غلطت من البداية مافكرت غلبتني عاطفتي
جعفر / شعور جان كلش صعب علية بس لازم
اكون قوي الخاطر امي ومااخليهة تهزني
داومت كلية وبتفوق اني وعلي اما ولاء حتى
من اشوفها ادير وجهي ومااسلم بس مااكدر انكر
حبها ماحلت بعيوني غيرها ابد بس جرحة صعب
كالو الخميس عرسها وعزمت سمعت الخبر بينت
عادي بس بداخلي نار جنت اتمنى تكون الي واني الهة
حبها بكلبي محد يحبها مثلي اووف ياربي ساعدني
تشيلها من كلبي وعقلي صار عرسها واني بنار
رحت الأهلي بيوم الأربعاء صعب ابقى بغداد
فاطمة جانت موجودة تحاول تتقرب مني بكل
الطرق بس الكلب قفلتة وشمرت المفتاح
ولاء زوجت وعاشت حياتها كملنة دراسة
وتوظفت حالتي المادية صارت زينة الحمد لله
علي ازوج ربي يسعدة اما اني ماكدرت احب
ولا تدخل وحدة حياتي امي تلح علية تريد
ازوج كتلهة انتي اختاري على ذوقج وبعد
الله كريم كلمن وحظة وقسمتة اتمنى تكونون
اتعظتو من قصتي اذا موكد الحب لا تعلقون
احد بيكم ان كنتو شاب او بنت اليحب يضحي
ويتحمل اذا موكدها ابعدو عنة لان الانسان المقابل
عندة مشاعر يجوز تكونون سبب تعاست انسان
مدى الحياة
اتمنى القصة تنال اعجابكم لا تنسو التصويت على الواتباد #ايات_مظفر تحية طيبة مني ومن صاحب القصة
