It's Destiny (Rajveer - Naina)

6. I Love Him

At night after dinner....

Naveen Raj k kamre me aata hai.

Raj : "Sone ka time ho raha hai aur tu yaha kya karne aaya hai."

Nav : "Mai to tuze lori sunane aaya hu.
Offcouse sone aaya hu."

Raj : "Iska matlab ye tera room hai."

Nav : "Tere bagal wala room mera hai, lekin jab se tu yaha hai mai bhi issi kamre me sota hu, tu yaha pichle 3-4 din se mare hue murde ki tarah padha tha aur mai waha couch pe."

Raj : "Hahahaha........."
" Tu itni choti jagha me, girta kitne baar hai, neend me?"

Nav : "Saale hass mat, mai to yahi so jata lekin, raat ko neend me tuze football na bana du is dar se vaha sota tha, lekin ab to tuze hosh aa gaya hai na, to tu khud ko bacha liyo neend me, ab to mai yahi tere bagal me sounga."

Raj : "Dekh Naveen mai us type ka nahi hu, bahut straight hu."

Nav : "Abe kamine tuze mai kya us type ka lagta hu? "

Raj : "Usme lagna kya hai, tere pe to galli k kutte bhi bharosa na kare."

Nav : "Kamine, esaan faramosh, mai yaha tere liye pareshan rehta hu ki kahi tuze raat ko kisi chiz ki jarurat pade to tuze taklif na ho, aur tu mere he khilaf anaap shanaap bake ja raha hai. Chal khisak sone de muze."

Raj : "Jagha kam pad jayegi."

Nav : "Ha, pata hai muze tu kitna mota hai ki tuze king size bed pe bhi jagha kam pad jaye, ab chup chap se khisak warna dhakka dunga."

Din beete gaye aur Raj ki health me sudhar hone laga, Naveen aur Reshma uska acche se khayal rakh rahe hai usse kisi chiz ki kami nahi hone dete. Raj aur Reshma bhi acche friends ban gaye hai. Dr Annie bech bech me check up k liye aati rehti hai.
Ab Raj bina kisike madad k khud chal for sakta hai lekin ab bhi usse uske cadets ki chinta sataye ja rahi hai.....

Yaha cadets Naina k ghar pe uske chere pe fir se muskurahat laane ki koshish kar rahe hai lekin Naina aksar chup rehti hai na kisise baat karti hai aur na theek se khana khati hai.

Naina k maa baba uski ye haalat dekh k samaj jate hai ki Rajveer Naina k liye sirf uska teacher uska mentor nahi tha, lekin usse kahi badh kar tha, unhe uske dil ka haal janne k liye uske shabdo ki jarurat nahi hai. Dono yehe soch rahe hai ki kyu Bhagwan hamesha uski pariksha lete hai, bachpan se Naina unse jyada uske bhai k karib rahi aur uske jaane k baad puri tarh tut gayi, kisi pe bhi vishwas nahi tha usse lekin jab vo Independence day pe Academy gaye tab itne saalo me paheli baar usse kisi pe vishwas karte dekha, jab usne kaha ki chahe jo ho jaye uske Rajveer sir uska saath hamesha denge, usse kisi ka dar nahi tha jab tak uske Rajveer sir uske saath uska koi kuch nahi bigaad sakta is baat ka yakeen tha usse. Lekin ab Rajveer k jane k baad Naina phir se tut gayi.

Lekin dusre din sabko alag Naina dikhti hai, jaise raato raat usme koi badlaav aa gaya ho aur vo US jake apna MBA karne ka faisla karti hai.

NM : "Beta ye jid chod do, hum tumhe US nahi jane denge."

Naina : "Maa mai faisla kar chuki hu, ab usse koi nahi badal sakta."

NF : "Naina humne tumhare KMA join karne ki jid to maan li thi lekin ye jid nahi maan sakte."

Naina : "Aap chahe maano ya na maano mai phir bhi jaungi, jaise vo faisla aant me maan liye vaise ye bhi maan he loge aur vaise bhi mai koi bacchi nahi hu, apne jindagi k faisle khud lena ka haq hai muze aur ab mai yaha nahi rukhna chahti."

Ali : "Naina aap ye kaisi baate kar rahi hai apne parents se."

Naina : "Tu muze mat sikha ki muze kaise baat karni chaiye apne parents se, kam se kam mai jo bhi hai vo unke saamne bolne ki himmat to rakhti hu, tere tarah apne gharwalo se sach to nahi chupaya."