It's Destiny (Rajveer - Naina)

8. Sapna Ya Haqeekat

Reshma shaam ko ghar pochti hai aur dekhti hai ki Raj hall me couch pe padha hai aur Naveen vaha nahi hai.

Res : "Tum akele yaha baithe ho, Naveen kaha hai?"

Raj : "so raha hai."

Res : "Is waqt?"

Raj : "Haa......"
"Koi solution dhunda?"

Res : "Vo sab mai tumhe baadme batati hu, pahele dinner ready karti hu, lunch me kya khaya tum logo ne?"

Raj : "Kuch nahi."

Res : "Kuch nahi matlab, tum dono ne lunch nahi kiya?
Lekin khana to banana aata hai na tum dono ko...
Aur agar mood nahi tha banane ka to bahar se order kar dete. "

Raj : "Bhuk nahi thi yaar."

Res : "Aur us bhukkad ko bhi nahi thi? Raj tum na...."

( ye kehte hue Reshma Raj k side me baithi hai aur uska haath Raj k haath se touch hota hai )

Res : "Raj tumhe to tez bhukhaar hai, Maine tumse kaha tha na tension mat lena lekin tum ho ki."

Nav : ( kamre se bahar aate hue) "Kyu shor macha rahi ho?"

Res : "Naveen tumne dhyaan nahi diya Raj ko tez bhukhaar hai, aur uper se tum dono ne lunch bhi nahi kiya, iska matlab Raj ne apni dawai skip ki hogi, tum jante ho Raj theek ho gaya hai lekin Annie ne dawai ka course complete karne kaha tha, tum kab se Raj ki health ko le k laparwah ho gaye."

( Lekin Reshma ko Naveen bhi thaka hua dikhta hai, aur vo usse chu k check karti hai to usse bhi tez bhukhaar hai )

Res : "Tum dono Miyaa biwi ka main kya karu samaj nahi aa raha.
Tum dono baitho mai Annie ko call karti hu."

Reshma Annie ko call karke NAVEER k check up k liye bulati hai aur unke liye dinner banane chali jati hai, Lekin dono ko warning dene k ki baad ki koi apne jagha se nahi hilega aur na he tension lega vo sab kuch sambhal legi.

Yaha MB cadets ko Detension centre k kone kone se vakif karata hai. Aur fir mess me khane k liye le jata hai lekin cadets khane ko shak ki nazar se dekhte hai, MB khud kha k unhe yakeen dilata hai ki khane me kuch milaya hua nahi hai.

Sabhi cadets khana khaya hai phir MB Unhe unke cells dikhata hai.

Pooja aur Naina ek cells hai, Huda aur Alekh and Ali aur Yudi.
Vo aapus me baat karte hai ki kya MB sudhra hai ya natak kar raha hai, Lekin jo bhi hai vo ek mutthi ki tarah saath rahenge, MB k saamne haar nahi maanenge.

Annie Naveer ka check up karti hai aur dawai deti hai, Reshma unke liye soup banake laati hai aur jaldi khatam karne bolti hai lekin unka kuch bhi khane ka mann nahi hai, Reshma kehti hai ki mera pura plan ready hai aur ussi k liye Kal pura din bahar rahungi tum dono ka dhyaan Kal Annie rakhegi.

Raj : "Iska matlab cadets ko shift kar rahe hai dusri jagha?"

Res : "Mai ye nahi kar sakti, ye kaam Academy walo ko karna hoga."

Nav : "To fir? Tu kya karegi?"

Res : "Mai cadets pe koi aanch nahi aane dungi, uhne koi physically nuksaan nahi pocha sakta. Lekin mentally unko khud ko strong hona padega."

Annie Reshma k ghar he rukti hai. Reshma usse kehti hai tu kisi bhi kamre me reh sakti hai, Annie sone jaati hai aur Reshma Naveer k kamre me baithti hai, unka dhyaan rakhti hai, raat ko baar baar unka temperature check karna, thande paani ki pattiya rakhna, subha jab unka bhukhaar utar jata hai to ready hoke unke liye breakfast banati hai aur Annie ko unka dhyaan rakhne bol k nikal jaati hai.