*سلام يحلوين. يلا. تعالو. احجيلكم ع العركه* 😹😹😹
*تكمله*......
بابا :: هاا 😐😐 شكو صاير شي
طه :: هيج اجوي يشوفوك
بابا :: يلا. حضرو جاي خل اكوم البس دشداشتي
اني ضليت افتر بالمطبخ احضر الجاي والستكاين ولازمه كلبي بايدي وادعي ربي تمر هاذي الليله على خير اووف. صبيت الجاي ورحت يم الباب. صحت. طه
زهراء :: طه تعال اخذ الجاي
طه :: عاشت ايدج حضري مي
زهراء :: ولك. شصار. بشر
طه :: اسكتي ابوج. عيونه بكصته صارت مداسمعين صياحه مدا ينطي مجال واحد يفهمه بس صياح
زهراء :: عزاا هسه شلون واذا رفض 😞
طه :: هوه شنو بكيفه. لو اعرف يطردني من البيت ولا تصيرين الغير حيدر انتي مخبله داكولج حيدر مسويها. خبصه هناك يمهم وحلف كال اذا مصارت زهراء اليه انتحر
زهراء :: عززا عزاا. شدتحجي شنو ينتحر 💔 ياربي شلوون
طه :: انتي بس خليج على قرارج من يحجي وياج ابويه ولاتخافين كولنه وياج لان القرار الج يضل
زهراء :: انشالله
طلع طه واني رحت للغرفه. اباع عليهم من ورا البرده ماسمع شي بس عياط وبابا عصبي وياشر بايده
واني بداخلي. تولد الخووف كوله لاح اخليكم ويه طه يسولفلكم شنو حجو بالحديقه
لاح اخليكم ويه طه يسولفلكم شصار
______________
سلام يالربع. اجاكم طه الحلو 🌝🌝
اكمل ....
دخلت للبيت. كلت الابوي يابه. راح يجون. خطار ياسين وحسين يشوفوك
كام. ابوي حضر روحه ولبس دشداشته وكال امشو نكعد بره طلعت اني وابوي واحمد بره. طبعن. ابوي عصبي كلش المهم.
اجوي الخطار. كعدنه بالحديقه. حول المائده. طبعن اباع عله ياسين او حسين متوترين. شلون يحجون ويه ابوي.
بابا :: الله بالخير
ياسين :: الله بالخير. ابو احمد. شلونك شخبارك
حسين :: الله بالخير ابو حمودي
بابا :: والله على الله تمام. والله جنتو ع بالي. قبل شوي كلت لازم اروحلهم صالي هواي مرايح
ياسين :: والله احنه هم كلت اروح اشوف ابو احمد وطمن علي وهم افتح ويا موضوع
بابا :: خير ياسين. شكو شنو صاير
ياسين :: مصاير. شي بس ابو احمد انريد تسمعنه للاخير
بابا :: اي احجو شكو
أنت تقرأ
معشوقي خمس سنين
Romanceانسانه عاشت اصعب ايامها معى كميه هائله من التعب والادمان على حبوب المهدء انسانه واجهتها الحياة وضعتها تحت. اختبارات صعبه هل تتخطاها ام لا ابقو معي في قصه مليئه #بالتشويق #بالحب #الرومنسية #العاطفية
