جاء الليل سريعا واستاذن اياد ومازن
ذهبت السيده مها وعهد الي النوم في غرفهم
اعد جاسر لينام في ارضيه الغرفه
لورين :انت بتعمل ايه
جاسر:هنام عايزاه حاجه اعملهالك
لورين:اكيد مش هتنام علي الارض وكمان الجو برد ازاي تنام علي الارض.
انت نام علي سريرك وانا هنام علي الارض
جاسر بغضب:حد قلك انك مجوزه سوسن
جاءت لورين لترفض ولكن منعها جاسر نامي ومش تكلمي في الموضوع ده تاني احسن
قبلت لورين بالامر الواقع
ونامت استيقظت لورين قبل الفجر بساعتين وجدت جاسر يرتعش من البرد وهو نائم
لورين:جاسر انت كويس
جاسر:لا رد
ساندته لورين الي السرير وجلست تراجع القضيه الي ان اذن الفجر قامت لتوضي وتصلي وقرات وردها وجلست تتصفح القضيه مره أخرى
استيقظ جاسر الساعه السابعه
جاسر: بدهشه انا ايه الي جبني هنا
لورين :لقيتك تعبان سندك لسرير
ذهب جاسر وجلس بجانب لورين
جاسر باسف:لورين انا اسف علي الي حصلك امبارح انا غبي علشان سبتك لوحدك معاها
لورين :مفيش حاجه يا جاسر انا الي اعصابي كانت تعبانه شويه وبعتذر علي ضربي ليها بس انا سيطره علي اعصابي لاني كان ممكن اقتلها
جاسر:هي قالت ايه خلتك عصبيه كده
لورين وتحولت عينها الي اللون الاسود من الغضب: شتمت بابي واتهمتني في شرفي انا وانت
جاسر بغضب:انا هوريها
لورين:خلاص يا جاسر انا رديت عليها
ظل جاسر ينظر الي اعين لورين بشرود
وقطع شروده طرق عهد علي باب الغرفه
قام جاسر للرد عليها
عهد:صباح الفل يا ابيه
جاسر:صباح النور يا اوزعه
عهد :صباح العثل علي احلي عروسه عامله ايه دلوقتي
لورين: الحمدلله يا قمر
عهد :اباه انا هروح الجامعه
جاسر:خدي بالك من نفسك ومتتاخريش
عهد:حاضر يا اباه
عاد جاسر للتحدث مع لورين
ظل جاسر ينظر الي لورين بدهشه
لورين:بتبصلي كده ليه
جاسر:كل شويه عينيك تتغير للون دي عدسات
لورين بضحك:لا دي عيني مش عدسات انا لو اتعصبت عيني بتسود لما اضحك عيني تبقي زرقه بلون السماء واللون العادي لعيني فيروزي
جاسر لنفسه:سبحان الله خلق فابدع
لورين:انا هحضر الفطار وهصحي طنط
ذهبت لورين لاعداد الفطور
استيقظت مها وجدت لورين اعدت الفطور
لورين:صباح الخير ياطنط
مها:صباح النور يا بنتي
جلس الجميع وجلست لورين بجانب جاسر وتناولوا الفطار ماعدا لورين فهي لا تحب ان تفطر
لورين بهمس:انا هجهز وانت افطر واجهز علشان مش نتاخر
جاسر :اوك
ارتدت لورين ملابسها وذهب جاسر لارتداء ملابسه
وذهبوا الي مبني المخابرات دلفت لورين الي مكتب اللواء زكريا
لورين:صباح الخير يا فندم
اللواء زكريا :صباح النور يا فهد
لورين:ايه اخبار المكان الي هنبدا في التدريب
مازن :هيشرحلك كل حاجه هو منتظرك في المكتب
لورين :اوك هروح اشوف ونبدا نجهز المكان
دلفت لورين الي مكتبها هي ومازن
لورين بجديه: كل حاجه عن المكان تكون قدامي حالا
مازن:مفيش حتى صباح الخير
لورين:مازن
مازن:ثانيه والورق يبقي علي مكتبك
لورين:تشرب ايه يا جاسر
جاسر :قهوه
ضربت لورين الجرس
العسكري مؤديا التحيه العسكريه: تحت امرك يا افندم
لورين:هات2قهوه
خرج العسكري لطلب القهوه
وجاء مازن واحضر الاوراق التي طلبتها لورين
وبعد ما يقارب 4ساعات انتهت لورين من دراسه المكان
لورين:تمام يا مازن ابدا في ترتيب المكان
وانا هروح اخد ورق من الڤيلا
جاسر ولورين في السياره
لورين باسف:جاسرتعبتك معايه
جاسر:علي ايه
لورين:لاني لخبطلك حياتك ودخلتك في العمليه وانت ملكش ذنب
جاسر:بالعكس انا حابب اساعدك
لورين:قدامك الفرصه لو عايز تنسحب
جاسر:معاكي للاخر
ابتسمت له لورين دون كلام
وصلت لورين وجاسر الي القصر
وجدت لورين شخص لم تتوقعه
لورين بانفعال: انتي ايه الي جابك هنا
ساره(هي تكون والدة لورين سيده مجتمع من اشهر مصممي الازياء تضيع اموالها في لعب القمار و كل فتره تتزوج من شاب يصغرها فياخذ اموالها ويتركها)
كانت ترتدي ملابس تكشف اكثر مما تخفي
ساره بحزن مصطنع :بدل متقولي لمامي حمدلله علي السلامه
لورين بغضب "جيتي ليه
ساره :عايزه فلوس علشان فلوسي خلصت وعليا شيكات
لورين بهمس:من لعب القمار طبعا
لورين:نسيت اعرفك جاسر جوزي وبعتله كل حاجه حتي رصيدي الي في البنك حولته لحسابه يعني اتصرفي مع الديانه انا معيش فلوس حتي القصر باسمه
ساره بصدمه :يعني ايه
لورين باشمئزاز:تقعدي يومان هنا في القصر من غير الكائن الي جيباه معاكي لحد مترجعي تاني
تركتها ساره واخذت زوجها وغادرت القصر
غضبت لورين كثيرا وابدات تتمايل ولم فجاه اظلمت الدنيا حولها
امسكها جاسر قبل ان ترتطم راسها بالارض
جاسر بقلق:لورين
