رجل شرقي (سلسلة عادات وتقاليد )

الفصل الثالث

#عادات_وتقاليد
#رجل_شرقي_رفيف_كرم
#الجزء_التاسع_العاشر_الحادي_عشر_12_13
//////////////////////

شوصرلك ياابو سمرا ليش واقف هيك شوقالت بسمة قبل ماتروح. ..
مافي رد. ....

(ابو سمرا شو صرلك شو قالتلك البنت..)

(ودعتني وقالت مع سلامة وسامحوني..)

(كيف ليش لتقلك هيك. .)

(ها بنتك يا جمانة اللي راحت ..)

(شو لا هاي بسمة بنتي جوا ناطرة انها تهرب..)

( لا ياام سمرا هاي بنتك راحت وتركتنا قررت حياتها..)

فاتت ام سمرا لجوا وهي عم تبكي فتحت باب الغرفة. صارت تتلفت بعيونها لشافت حدا على التخت نايم قربت منو اول ما شافت شخص حطيت ايدها ع تمها وصارت تبكي

(ليش هيك عملتي ليش )

قرب ابو سمرا ليفيق بسمة بس ماردت عليه انتبه ع مراية في علبة غريبة قرب منها وقراها وعرف انها مخدر ..
غمضت عيونوا وهو عم ينفخ ويفرك شعروا..

(ليش ياسمرا ليش الله يكون معك..)
......................
(سمرا )
جو السيارة كان هادي كتير ماشفت العريس ولا حتى اثار فضولي لاعرفوا مع انو قاعد جنبي ..
اخو يمكن اللي عم يسوق سيارة
كان همي ابي وامي.. امي بس تعرف اكيد رح تتعب نفسيتها
غمضت عيوني ومسحت دمعة بسرعة من عيني حسيت عليه التفت اول ماحركت ايدي ..
وقفنا فتحت باب ونزلت اول رفعت راسي فتحت تمي من جمال بيتهم كان جبلي قديم تراثي
كانوا ناحتين الجبل وعاملينوا بيت كان قطعة وحدة طلعت من شرودي ع كلمة (الحقيني) مشيت ورا الرجال اللي صار جوزي لفتنا ع غرفة كبيرة عرفت انها غرفة الضيوف كان الام والاب قاعدين بالصدر الغرفة
باس ايديهم وبعدها اطلع في عرفت انو كمان لازم بوس ايدهم
ببت عمي ماكنت بعرف عن هل عيلة اي شي غير التارات بين العيلتين وبس
(أهلا وسهلا فيكي بينا يابنتي )

(رحب بكنتك ياام غيث وقومي بالواجب..)

طلع الاب من الغرفة وضليت مع حماتي اللي واضح من ملمحها انها رزيلة وبتخوف  كان في نقش ع دقنها غريب كانوا تاتو قربت لعندي بصوت  قاسي ..
(لكا إنتي البنت اللي قدموها دية بدل ابني خلينا نشوفك..)

رفعت طرحة من وجهي وبلشت تعايني كاني شي بضاعة او سلعة بعد ماخلصت رمت طرحة ع وجهي مرة تاني..

(مابها شي بس سمرا طلع اسم ع مسمى بس بتعرف انو مرتك الاولى احلا..)

رفعت راسي اول ماسمعت الكلام حسيت حدا ضربني كف الاولى يعني انا نازلة ع ضرا..

(شو ياعروس انصدمت ظاهر ماخبروكي انك رح تنزلي ع ضر ...)

انعقد لساني ماقدرت احكي اي شي
(خود مرتك ع غرفتها بلا ماضل متل الصنم واقفي..)