اسيرة القدر --لحن الحياة--

البارت الثاني ..

سلااام👋👋👋🙌🙌 (بارت قصير لان القصه قصيره واحتمال بعد بس  بارت واحد.)

اسيرة القدر 
بارت 2 بقلمي لحن الحياة.

حوراء:-مرت الايام وعلاقتنا مستمره .حجيت ويا مهند ع الفايبر ورحت للغرفه انام. لكيت ابوي وامي واخوتي الما متزوجين كلهم نايمين خليت موبايلي وضع اهتزاز لان نومي ثكيل خاف مهند.يدز رساله واني نايمه ..خليت التلفون جوه المخده ونمت .فزيت وما احس غير ايد وتضرب بيا بكل ما عدها من قوه كل ظني حلم لكن كان واقع مؤلم😞. . .جرني اخوي برا الغرفه وضرباته مثل المطر صارت عليه.بحيث مااعرف من وين راح تجي الضربه.ولا اكدر ادافع عن نفسي ..بس اريد.اعرف ليش يضرب بيا .

*.عودة للوراء.*

رياض:-فزيت ع صوت اهتزاز بالغرفه  رحت اتمشى حتى اعرف من وين جاي الصوت ..اخذني الصوت للمكان الي نايمه بي حوراء .عرفته صوت تلفون سحبت التلفون من تحت المخده شغلته وكانتتت الصدمه .لكيت رسائل من شخص غريب .فقدت وعيي و صرت اضرب بيها بلا رحمه..جريتها برا الغرف حتى ابوي ميسمع ويصير بي شي لانو مريض بالقلب ..استمريت بالضرب  وامي تحاول تفكني عنها

ام.حوراء:-ولك.يمه شجااك عوف البنيه راح تموت جوه ايدك بس فهمني شصار وليش هيج تضرب بيها  .

:-يمه عوفيني خل اموتها .هال.,,,,,,,,

:-اسم الله .شو ابتعد عنها وفهمني شكو ..حاولت اخلص حوراء من ايده لكن مكدرت .

:-اووف يمه الحكيلي يمااااااا .هو يضرب واني اصرخ.ما جنت متوقعه هالشي بسبب سالفة الموبايل ..هو راسا طلع المسدس وخلاه براسي وكلي احجي عن علاقتج بهذا الشخص وكلشي تعرفي .هنا كانت روحي عزيزة عليه وحجيت كلشي طلع يركض.واخذ وياه صديقه.كتلوا مهند وصوبوا برجله وحركوا المحل مالته ورجع هم كتلني
رياض :-يابه شوف بنتك شدتسوي وحجيتله كل الموضوع

:- هي طفله وغلطت وممنوع تمد.ايدك عليها مادامني عايش واحنه مو انبياء حتى منخطأ. . . .

حوراء:- اخوي ما مقتنع بحجي والدي وكانو ذئب واني الفريسه ويريد يخلص عليه

رياض*- مشت الايام وخليت حوراء تبطل من الدراسه .وكلت الابوي خل حوراء تترك المدرسه ماكفاها الي سوته وبعدني حاقد عليها . صرت كل ما اشوفها اضربها اذا تمر كبالي اضربها بخاصرتها او بضهرها وعلى راسها  لانو تذكرني بالرسائل الي شفتها واتمنى اموتها على ايدي 

:-جنت اتوجع واسكت ومن ابوي يطلع برا البيت اشكال الكلام يسمعني من غير الكتل المستمر .جنت اتوجع و ابجي وحدي واتندم ع الي  سويته ولان كسرت ثقة اهلي ..بس جنت بفترة مراهقه ومااميز الصح من الغلط ومشيت ورا كلبي بس هو جان كلش قاسي وياي ...وبيوم من الايام اجه رياض وكال الابوي صديقي يريد. حوراء  بابا سألني توسلت بي حتى يرفض  لان اصدقاءه مو خوش ناس وشرانيين مثل رياض والحمد.لله بابا رفض وكال الرياض ما موافقين ورجعني بابا للمدرسه بقيت مده.بيها وتركتها  .وبنفس الفتره اجوا علي هواي خطابه بس ولا واحد قبلت بي ..تمت سنه كامله واني مااحجي ويا رياض بعدها هو اجه صالحني من كيفه .  ...----يتبع-----!

اسيرة القدر .بقلمي لحن الحياة