بيوم من الايام جاي نتغدة وجان ايدك جهاز محمد ام ليان محمد كال شهد هاذي امج شهد بقيت صافنه اول تالي امي تتصل عليه اله اني اتصل اخذت التلفون من محمد الو اسمع امي تبجي كتلهة يوم يوم شبيج فدوة اروحلج اهدي شوي شوي احجي شصاير جان تكلي اياد وماجد تعاركو وماجد يريد افلوسه من اياد وبقه يعير باياد والفلوس امي خلصتهن عله الاجار مال البيت واياد كله ماعندي شسوي سوي وماجد ساحب سجين عله اياد ومضاربين واياد فاقد وماخذ السجين من ماجد ومدججه وحده بيهن بكلب ماجد وميت بمكانه ولد المنطقه كامشين اياد ومسلمينه للمركز وامي خايفه عله مصطفى وين توديه لا اهل ماجد يكتلونه شهد بقيت ارجف شسوي وين انطي وجهي بس امي وخوي الي مستحيل اخسر مصطفى من ورة ماجد رحت للشيخ دنكت عله رجليه ابوسهن جانو كلهم كاعدين شهد شيخ دخيلك ودخيل الله من بعد الله ماعدة احد غيرك ابوس رجليك ساعد اخوي راح يروح من ايدي الشيخ شبيج بويه شصاير سولفتله كلشي وكتله امي واخوي بخطر وعايفين البيت وكلشي ومهزومة باخوي داخله عد جوارينه الشيخ سهلة بويه بس اهدئي خلي اتصل عله ربعي بغداد ونشوف شنسوي طبعا محمد جان كاعد ويباوع عليه يريد يحجي بس مااعرف شيريد يكول
الشيخ شهد بويه راح تروحين انتي ومحمد لبغداد ترحون هناك شيخ من عشيرة صديقي وهوة يئمن المنطقه الكم وطلعين امج واخوج شهد عمو تقبل اجيبهم الشيخ اي بنيتي جيبيهم وياكم خطيه وين يعيشون الشيخ وليدي ادري بيك كدهة كوم جهز نفسك لئن لدقيقه بسنه عدهم وخايفين تلكاهم وخاف يغدرونهم ويسوون شي بل ولد لو بل حرمة محمد شهد حضري نفسج بين ما البس شهد صعدت للغرفه كتلهة نور شلبس نور انطتني عبايه وحجاب وبوشيه كلتلي البسيهة حته محد يعرفج وطلعنه اني ومحمد صار دنيه ليل بل طريق جنت ابجي
محمد من طلعنة من البيت ابد مسكتت واني احسهة ماردة كلبي مرد مااعرف شفقه عليهة اوحب او شنو حاير بس بدي اشوفهةما تبجي او تتئذه بدي عله طول اشوفهة تضحك بدي اول ماادخل البيت اشوفهة كبالي كمت احب سوالفهة شقاهة وياي اهتمامهة بيه من اريد البس الكاهة محضرة ملابسي ومعطرتهن وكاويتهن
من اكل هية الي تجيبلي الاكل فا كمت احس غير احساس اتجاهة بس هية جانت دائمن تصدني بكلمه خويه اني اضوج بداخلي. صار الليل وادري بشهد اكلت قليل بل غدة. من اتصلت امهة فاكلت اكيد جوعانه طبكت عله مطعم شهد يله خلي ننزل نتعشه
