للكاتبة #شمسة_الجبوري
متناسب بعض الاعمار
محسن..اش ماريد اسمع هيج حجي اهلج انسيهم انتي مرت الشيخ هنا
منال..قررت اشرد وشفتة نام ورحت اشوف الوضع طلع اكو حراس بالباب وطلعتي مستحيلة رجعت ونمت بالكاع ضليت ادعي ربي يخلصني من هاي المشكلة ونمت والدمعة بخدي
محسن...كومي منال
منال...شتريد مني
محسن...احنة عرسان جدد وهسة اهلي والعالم يطبون ويشوفوج هنا تصير فضيحة
منال..خلي تصير اني شدخلني
محسن...لتضلين تعاندين ع كلشي افتهمتي لج ترة اكسر راسج
منال...عفتة ورحت
ام محسن...زهية روحي اخذي الريوك للعرسان بس ديربالج اذا نايمين عوفيهم
زهية ...الشيخ نزل قبل شوية وشفتة طلع
ام.محسن ...صعدي الريوك للبنية لعد
زهية...اخذت صينية الريوك وصعدتها فتت لكيت العروس تبجي شبيج يمة حبيبتي شمالج تبجين
منال...ماكو شي انتي منو ؟
زهية ...اني عمة الشيخ محسن واخت رضا يعني
وهذا ريوك الصبحية حتى تتريكين انتي والشيخ يا نسيت الشيخ طلع
منال ..واني منال
زهية ..شلون ما اعرفج انتي جنتنة الجديدة
منال..اشكرج خالة تعبتج
تريكت وفكرت ماكو حل اطلع من هل بيت الة من خلال زهية لان اكيد الحراس من يشوفوها يقبلون
زهية..ها بنيتي ليش انتي نزلتيها جان صحتيني
منال...لا خالة عادي اني اريد اطلب منج طلب
زهية ..يا تدللين
منال...اني مخنوكة واريد اطلع
زهية...والله يابعد روحي اني بعد محد يخليني اطلع من الحراس بأمر الشيخ محسن والشيخ رضا
منال...حاولت وياها هواي بس امالي كولها فشلت ومكدرت اقنعها رجعت لغرفتي واني مكسورة وحاسة نفسي راح ابقة هنا مسجونة وية هيج ناس شلون راح اكمل حياتي
زهية..ليش مماكلة بنيتي مو انتي عروس ومايصير هيج
منال ...لتكولين عروس فدوة اريد اسبح حبابة واريد شامبو لان هنا هواي توصخت
زهية...شتقصدين؟
منال..ما اقصد شي
ام محسن..ها زهية بشري شصار وية العرسان.
زهية...هلا يمة والله شكلج البارحة العروس تعاركت وية الشيخ وكالتلة عوفني ماريدك وهو عاف البيت وشوية ورجع للبيت
ام محسن...يا جا شلون ..
زهية ...اي خلي اكملج جان دخلها للغرفة غصب عنها وبعدين شمر العلامة
ام محسن..اي هسة طمنتيني وشلونها البنية
زهية..اخذت الها الريوك لان الشيخ هيج كال واخذتة بس البنية جنها ماراضية وعروستنا شلونها
ام محسن..والله مادري ننتظر للسبعة ونشوفها
زهية...اوف كلبي طاك عليها البيت وحشة
مازن..شبيك شيخ اشو ضايج
محسن..اي والله كلش ضايج واريد بس افضفض
منال..كاعدة بغرفتي وفجأة طبت ام محسن
ام محسن..هاج ذني الملابس وهاي ملابسج بعد متنلبس عدنة عيب بارزة جسمج
منال...ما البس هاي الملابس بكلشي تدخلتو بحياتي اني مو لعبة عدكم
ام محسن...تلبسيهن غصبا ما عليج
منال...واني ما البس هاي الملابس وعاداتكم وتقاليدكم متشملني اني انتو تريدون تموتوني
ام محسن...اسمعيني لج هسة انتي مرت الشيخ وهذا الحجي ممقبول عدنة
محسن..لك مازن البنية مجبورة واصلا متدري راح تجي هنا تزوجني
مازن..شنو ؟
محسن..مثل مجاي تسمع وهسو تريد ترد لبغداد وانت تعرف ابوية مستحيل يقبل وينزل من سمعة العشيرة
مازن..اهو محسن لتحجيلي بالعادات والتقاليد هاي الاشياء ياما قتلت بنات ابرياء وانت رجال مثقف وواعي مو جاهل
محسن...مو بأيدي شسوي
زهية..حبيبتي منال تجين ويانة رايحين لأهلج
منال..اي اي اريد اجي
ام محسن..البسي عباية وتعاي مو هيج مفرعة
منال..استغفر الله شلون راح تفض المشكلة لبست ع امل اشرد مناك وارجع لبغداد يم خوالي
ابو حمزة..يا هلا زارتنة البركة بيكم
فرحة..هلة يمة شلونج
ام محسن..بخير بنيتي بخير
ابو حمزة..هلا بنيتي منولة شلونج
منال..ضليت ساكتة وهو قدم ايدة حتى ابوسها
انت شنو تريد ابوس ايدك بعد ما قشمرتني انتو ناس ماعدكم ضمير بعتوني خربتو حياتي ومستقبلي
حمزة..اسكتي لج
منال..اني مو لعبة عدكم كلشي تردو انفذة حرام عليكم يا ضلام
حمزة..لج انتي ششايفة نفسج ها وكمت ضربتها
منال...ضربني حمزة واني بعمري محد ضاربني بحيث ضليت مصدومة
حمزة..لج تحترمين نفسج لا اطيح حظج
ام حمزة..وخر عنها زينب تعاي اخذي اختج جوة
منال...شفت الباب الورة مفتوح ركضت اريد اشرد منة وجان يصيحني حمزة
حمزة..تعاي يلة راح ترحون
ام حمزة..ديربالج ع نفسج بنيتي
ام محسن..كلشي راح تتعلم عليه بنيتج
حمزة..خيتي مو تزعلين مني اني ردتج تحترمينة
محسن..شبيج منال
منال..معليك
محسن ..كتلج شبيج
ام محسن..اهو اخوها ضربها
محسن..من سمعت الكلام متحملت ورحت اريد اضرب حمزة
ام محسن...يمة ولدي الحكو الشيخ
منال..شفت الكل طلع والحراس ورة محسن ركضت طلعت من البيت
ابو حمزة..خير شيخ شصاير
محسن..وين حمزة بسرعة
ابو حمزة..جوة شيخ
فرحة ..خير شصاير خوية
محسن..اطلعي برة تعال لك انت شلون تمد ايدك ع مرتي
حمزة..تجاوزت ع اهلها وضربتها حتى تتأدب
محسن..لزمتة وضربتة وهسة اني راح اعلمك اسمعني لك هاي مرت الشيخ محد يكدر يمد ايدة عليها افتهمت ومرتي وشرفي
فرحة...خوية فدوة عوفة لخاطري
حمزة..انة اسف شيخ والله ماتنعاد
محسن..عفتهم وطلعت
منال..ضليت اركض بالشارع اهم شي ابتعد عن البيت
زهية...الحكو مرت الشيخ ماكو
الشيخ رضا...هذا الي جنت خايف منة
ام محسن ..شراح نسوي يشيخ
احمد تعال طلع الواد بسرعة العروس شردت بس مو الناس تدري لا يوصل خبر للعشيرة وننفضح
احمد ..مفهوم شيخ
شيخ مروان ..(عم محسن) اذا مانلكت العروس معناها راح تجني ع اخوها وبتكم
