اول نبضات العشك
🌷بقلمي يارا ...الياسري
#البارت الرابع
. بسم الله الرحمن الرحيم
((يؤجل الله امنياتنا ولا ينساها))
....................
مهما طال الطريق اصبر
فلكل طريق نهايه 🌷
....................
سجى:سديت الفون وكال باجر العصر اهلي يجون كلت لامي تردلهم الجواب عدم الموافقه كالت وذولاك الناس كتلها رفضي هي خطيه امي ماكالت شي كالت يصير خير .
ايوب:جنت كاعد واج اتصال فتحت كانت بنيه الو منو وياي.
البنيه:ايوب مبروك سمعت الك نيه تخطب سجى انت واثق بيها مامسويه علاقه وي المدير راح ادزلك تسجيل صوتها وي وانطيك ادله عن علاقتها بالمدير .
ايوب:الو منو انتي وشنو قصدج والج سجى اشرف من الشرف .
البنيه:اوك ماراح اكول شي راح ادزلك تسجيلات وانت فكر هي شلون تعينت بهالبساطه عند وشعبالك وحده مثل سجى شلون صابرة بدون زواج ترة هي مسويه علاقه وي .
ايوب :دزتلي فديوهات صوت سجى ضحك وسوالف وحجت كلام خبلني مااتحملت بقيت افكر معقوله سجى هيج .
سجى: ثاني يوم صادف يوم الاربعاء الليله الي بكل حياتي جنت فرحانه حصلت حبيبي وكلت الله التفتلي بس الي صار ماانساها هاليله اتصل ايوب وهنا النكبه والصدمه ..
ايوب : الج شكد كذابه انتي والج شكالولج زوج اني وتضحكين عليه مااشرف بوحده مثلج مالج وجود بحياتي انسي بحياتج عرفتي شخص اسم ايوب ولاتبيعين شرف براسي وانتي شابعه من مديرج الله لايوفقج خاينه حقيره ...
سجى : كتله براحتك كال شو عادي عندج كتله الله يوفقك وسديت التلفون ماشعرت بشي عبالك سجين ودخلت كلبي وكطعت نفسي مابقيت احس بشي غير الدنيا سوده بعيني شعور حقير ومولم حسيت خنجر خجنر بضهري وطعن بشرفي ضليت مصفنه مادافعت عن نفسي ولا نكرت ولاحجيت مثل المخلوسه شنو وليش واني بكل حياتي ماغلطانه بقيت ابجي بحركه كلب وشهكات حزن اووف ااااوووووووووف بحركه كلب اكولها واردد ياربي رحمتك وصبرك وابجي وره ساعتين بجي وندب للحظ عرفت واكيد اكو احد موصل حجي قوي بس،الي قهرني كله هالفتره وي انطيت عيوني وبكلمه وحجايه يصدكها ويتخلى عني زين الثقه وين بحركه ولوعه كلب كمت مسحت عيوني وعدلت وجهي غسلت ورحت لامي كتلها هسه تردين خبر لاهل ذاك الولد اني قابله بي امي من فرحتها مامصدكه كبل اتصلت والولد مستعجل اجت ام العصر واتفقوا على المشيه الاحد وجانوا فرحانين طايرين من الفرح بس محد حس بالنار البيه باليل مافكرت مثل الي بغيبوبه ماتحس بشي نمت والدمعه بعيني بس جرح كبير اني ولا مرة اذيت او جرحت او سمعت كلمه موزينه. الخميس والجمعه بقيت وي الدموع مافكرت ان الي اسوي غلط وراح ادمر حياتي بختياري وتسرعي اج يوم السبت اووف يالسبت جانت بيومها الشبكه مكطوعه مو زينه اجت الصبح ام العريس ...
أنت تقرأ
اول نبضات العشك
Romanceيصفن بعيني العشك من اشتهيك وارسم بشفتك الف بوسه خجل ينحبس شوكي ويواسيني الخيال وتشتهي عيوني تغنيلك غزل 💕💕 قصه اول نبضات العشك للكاتبه يارا (غرور الصبا) حقيقيه 100\100 لااحلل اخذها ونشرها من دون ذكر اسمي عليها.
