أبن الخالة😻❤"مكتمله"

الحلقه 11

#أبن_الخاله❤
#الحلقه_11🙌👆
.
.
.
.
.
.
.
.
.
.
.
.
.
.
.
.
.
قدمت القيته معتصم
كان عاطيتي بظهره
انا>>"قربت منا وحطيت يدي علي كتفه"معتصم
معتصم>>"التفت عليا وكانن عيونه حمر ودموع"
انا>>"دموعي ينزلن"عظم الله اجرك معتصم>>"برم وجها ومسح عيونه وكان يبين في روحه قوي"اجرنا واجرك علي الله
انا>>كويس انت
معتصم>>"صوته تغير"لوز
انا>>"بحتت فيه ومابتش نزر عليه برمت نبي نمشي"
معتصم>>ندى
انا>>"التفتت وماحسيتش الا حاجه طاحت علي كتفي لين نفضتني"
معتصم>>ماتحكيش ولا كلمه نبي نقعد هك بس
انا>>"ساكته"
فجاءه قعد يبكي بالصوت
كان يبكي كيف البيبي
من كثر بكاه قعدت نبكي معاه طلعن البنات علي صوت معتصم
وكانت معاهن خويله
خ.فخريه>>"تبكي"معتصم
معتصم>>"حط وجها في كتفي مش ماتشوفش* انا>>"بحتت في ماما وشيرتلها متاع خشن مايبي يشوف حد" خشن كلهن
رفع معتصم راسه
معتصم>>"مسح وجها"اسف
انا>>لاعادي
معتصم>>"يبحت فيا زيين"
انا>>"بحتت فيه ونزلت عيوني"تبي تطلع
معتصم>>"ساكت ويبحت فيا"
انا>>"نزلت وجي وكان ساخن"نبي نخش"وبرمت"
معتصم>>استني
انا>>"التفتت"نعم
معتصم>>"عزقلي مفتاح داره"جيبيلي دبش
انا>>به
خشيت
ركبت لداره طلعت دبش ونزلت
مديته له
مر اليوم
وكانت الدنيا شايله بكا
خويله عطوها مهدئ مش رقدت
.
.
.
.
.
جا ثاني يوم
نضت في الصبح
غيرت دبشي ولفيت شعري
وطلعت
ركبت لسيارة عمر
ومشيت شور المستشفي
خشيت لدار أسعيده القيت جنبها عمر وماسك يدها وكان واعي
انا>>صباح الخير
عمر>>صباح النور
انا>>مزالت نفس حالتها
عمر>>لالا احسن بس طول الليل مارقدتش
انا>>اليوم الدفينه
عمر>>توا تنهار اخره
دق باب الدار
وخش الدكتور
الدكتور>>السلام عليكم
نحنا>>عليكم ااسلام
فحصها وبعدها
الدكتور>>تقدرو اطلعوها بس حنعطيها حبوب مهدء مش تمشي عليهن "وطلع"
طلع وراه عمر
قمعزت جنبها
انا>>أسعيده
أسعيده>>"فتحت عيونها"جيتي
انا>>كويسه اايوم
أسعيده>>احسن نبي نطلع
انا>>طالعين
صبيتها لبست
جا عمر
عمر>>هيا واتيات
انا>>اهاا هيا
طلعنا عطيته مفتاحه
ومشينا
نحنا وصلنا وسمعنا صوت بكا عرفته انهم جابوه
نزلنا وكان عمر ماسك أسعيده من يد وانا ماسكتها من يد
خشينا
فلتتنا أسعيده وخشت تجري وتبكي جنب راسه
اما انا كان قلبي يدق بسرعه
ودموعي ينزلن
كنت كل مانقدم ونحقه انحس في روحي نبي ندوخ
حقيت معتصم اللي كاين مش صابر بكل
هو وعماد
قدمت وحطيت يديا علي كتف خويله
شالوه وأسعيده تبكي وخلاص
.
.
.
.
.
.
.
.
مرن ال40 يوم متاع العزاء
وخالتو فكت الرباط
وطبعا كلنا بايتين
روحو عمامهم
وروحن خالاتي
قعدنا نحنا الشباب بس
طبعا لان رد خويله قبل مايموت قعدت في حوشها
كنا مقمعزين كلنا
وأسعيده راقده علي كتفي
ومعتصم من هذك اليوم ماحقيتش
.
.
.
.
.
عمر>>بنات هيا نطلعو
أسعيده>>عنديش جو
عماد>>تبي تقعدي حابسه روحك
سالم>>ولا بكاك مايردش راه
ساجد>>وحدي ربي راه اللي اديري فيه غلط
تقوى>>وحق ربي غلط اطلعي وكملي عادي
أسعيده>>واعره مازال قلبي يوجع فيا
عمر>>تي لك فوق من 4شهور وانتي في الخاله هذ
أسعيده>>عارفه بس انتم مش فاهمين
انا>>لا فاهمين انتي اللي مش متقبله القصه ساد معتصم اللي مانشوفش فيه بكل
عمر>>لاحول الله
انفتح باب الحوش
وخش.....
.
.
.
.
#يتبع😔
#فافي😘