حبيبتى يامرات اخويا

الحلقه3

♤الحلقه3♤بقلمى هايدى محمد
●صلى على رسول الله
•حبيبتى يامرات اخويا

ندى بحزن طلعت
نورهان بانتصار يلا على الصاله وخلصيها وخلصى المطبخ والحمام
ندى:: هو انتى ليه كده انا بعاملك كويس وانتى ليه بتتعملى معايا وحش
نورهان::انا حره اتعاامل زاى مانا عايزه واه الحبتين بتوعك دول مايكلوش معايا فاهمه ولا وياريت تخلصى إللى وراكى علشان اختى جيالى يلا
ندى:: بدموع حسبى الله ونعم الوكيل فيكى وبدأت فى توضيب الشقه
♡♡♡♡♡♡♡
على:: يااهل البيت ياعالم ياللى هنا
خديجه::تعالا ياضنايا مالك عامل دوشه ليه
على:: بفرحه بركيلى ياما حدت الفرح خلاص
خديجه:: اخص عليك ياعلى من غير ابوك واخوك الكبير مايحضر
على:: ودى تفوتنى بإذن الله هاخدهم النهارده ونروح بس انا جسيت النبض بس
خديجه::وهى تحضنه الف مبروك ياقلب امك اخيرا هافرح بيك
على::ياما حرام عليكى انتى تفرحى تعيطى تزعلى تعيطى
خديجه:: دى دموع الفرحه ياحبيبى
على::هو كريم فوق علشان اقوله يعمل حسابه
خديجه::بزعل والله يابنى كريم ربنا يهديله حاله
على::خير ياما فى ايه
خديجه::مراته اتخنقت مع اختك ومش عارفه هو عرف ازاى ومشى مراته
على::ازاى ده يحصل بس وبعدين ماينفعش كده يعنى ايه يمشيها ده بتها هى وعيالها
خديجه::والله يابنى انا تعبت معاه
على::انا هاكلمه وربنا يصلح الحال
خديجه: : امين يارب

نرمين::الو ايوه يانورا
نورا::صوتك فرحان يبقى حصل حاجه
نرمين::اصل العقربه شيماء كريم مشاها
نورا::بفرحه بجد والله تستاهل بس ازاى
نرمين::هى قليله الأدب وكريم سمعها وهى بتشتمنى انا وامى وراح ممشيها
نورا:: تستاهل دى واحده لسانها زباله زايها
نرمين:: بخبث فعلا بس اسماء دى حبيبتى
نورا:: مين دى اسماء
نرمين:: ايوه دول خلاص حددوا معاد الفرح واخيرا هاتيجى انا من زمان بقول البت دى تستاهل كل خير
نورا::اه انتى هاتقوليلى بقولك ايه صح
نرمين::ها قولى
نورا:: انتى هاتلبسى ايه فى الفرح
نرمين:: والله ياحبيبتى مش عارفه بس انتى عارفه ماما مش هاترضى تدينى فلوس
نورا:: خلاص ننزل انا وانتى نحجز فساتين وكوافير
نرمين::بس بقولك مش معايا فلوس
نورا:: انتى مالك انا هاعرف اتصرف وهادفعلك من معايا
نرمين::حبيبتى يانونه بجد
نورا::احنا اخوات يابت
نرمين::طبعا خلاص هاعرف امتى  المعاد واعرفك
نورا::ماشى يلا سلام بقى
نرمين::سلام ولنفسها انتى مش سهله بس مش عليا انا يانورا استنى بس عليا

على الكافتيريا
كريم:: ياعلى ماينفعش دى غلطت فى اختك وامك وعايزنى اصالحها ازاى لازم تتربى الاول
على::الراجل الصح يربى مراته بينه وبنها مش قدام الناس وفضايح ودى تشمت فيها ودى تجرحها
كريم::عايزنى اعمل ايه يعنى
على::شوف ياكريم انت  الكبير بس امورك مش عجبانى مراتك غلطت كنت عقبتها بينك وبينها مش قدام اختك مهما كان كرامتها من كرمتك انت انت كده فرحان انك كسرتها قدام اختك
كريم::مش غلطت تستاهل
على::طيب قوم نروح نطيب خاطرها بكلمتين خلينا نجبها علشان الفرحه تبقى اتنين وربنا يصلح حالكوا
كريم::بس       على::من غير بس يلا قوم
قاموا وبعد نص ساعه وصلوا عند بيت اهل شيماء خبط على على الباب وبعد دقائق فتح الحج سامى والد شيماء الباب
الحج سامى::اهلا ياعلى يابنى اتفضل البيت بيتك
على::باحراج ياحج انا مش لوحدى معايا كريم
الحج سامى::البيت بيتكوا يابنى اتفضلوا
دخلوا كلهم فى حجره الضيافه
الحج سامى::اهلا وسهلا نورتونا والله
على::نورك يا حج والله حضرتك ابو الكرم
الحج سامى::وانت يابنى والله راجل وسيد الرجاله
على::ربنا يكرم اصلك ياحج من بعد اذنك من غير لف ودوران وبصريح العباره كده انت عارف حضرتك انى مش بحب اجى على حد ولا أظلم حد بنت حضرتك غلطت
الحج سامى::واخ
قطعه على::عارف ان اخويا غلط كمان بس يا حج الراجل مننا لما بيسمع شتيمه على امه بيتعصب واللى مالوش خير فى اهله مالوش خير فى حد صح ولا لا
الحج سامى::عين العقل بس يابنى انه يخرجها من بتها افرض احنا فى بلد تانيه بنتى كانت تعمل ايه
على::انا عارف ان دى نقطه غلط لكريم طيب نوضح الأمور واحده واحده ممكن تنادى لام يوسف علشان نتكلم وكل واحد يقول إللى جواه
الحج سامى::حاضر يابنى ثوانى
قام الحج سامى ودخل لبنته فى الاوضه
الحج سامى::شيماء يابنتى على وكريم جوزك بره وعلى عايز يكلمك
شيماء::ببكاء عايزين ايه تانى منى مش كفايه مشانى من غير عيالى وطردنى من بيته
الحج سامى::يابنتى هاقولك كلمتين اخرجى اسمعيهم ولو ماعجبكيش الكلام وقتها انا هتصرف خلاص وعلشان خاطر ولادك
شيماء:: حاضر يابابا
قامت شيماء وخرجت مع والدها
شيماء::السلام عليكم وجلست
الجميع عليكم السلام
على::ازيك ياام يوسف
شيماء::بخير والله ياعلى وانت واسماء عاملين ايه
على::بخير والله وحددنا الفرح كمان اسبوعين
شيماء::الف الف مبروك انت تستاهل كل خير واسماء كمان بنت حلال
على::ربنا يكرم اصلك المهم دلوقتى فيكى انتى
شيماء::مالى انا ياعلى انا اهو مطروده من بيتكوا والحمد لله
على::شوفى ياشيماء ممكن نسمع كريم وبعد كده نسمعك
شيماء::ماشى
على::قول كل إللى عندك ياكريم
كريم::ياعمى والله انا بحبها بس هى إللى غلطت
شيماء::انا
الحج سامى::يابنتى استنى يخلص كلامه
كريم::اولا قبل اى حاجه كل ماتتكلم تقولى هاسبلك البيت وولادك وامشى معنى كده انها مش باقيه على حاجه ومره تقولى اختك البروطه وعدتها بمزاجى واتفاجئ بعد ماصليت روحت قعدت مع اصحابى قولت اتصل اطمن عليهم لاقيت الخط اتفتح عليا الله اعلم ممكن تكون ماخدتش بالها وسمعت وهى بتشتم على امى واختى وبتطرد اختى من شقه اخوها مش من حقى ازعل طيب هى صغيره ومعتبراكى اخت   ليها ليه انتى بتعملى كده معاها طيب ياحج الصغير بنعلمه بناخده تحت جنحنا صح ولا لا بصراحه جيت وبسال تقولى هى سخنتك عليا طيب ليه ليه الكره ده عاملى اللى قدامك بمعملتك انتى مش بطرقته هو وامى ياحج انت عارفها قولى عملت ايه ليها وحش علشان تغلط فيها لما رفضت تنزل وخلتنى كدبت على امى وقولتلها انها تعبانه قالتلى اطلعلها يعنى هى مش غبيه معاها ولا زى الحموات الصعبه مش من حقى اعمل إللى عملته
الحج سامى::يابنى معاك حق واكتر من كده بس انت قولت الصغير بنخده تحت جناحنا علشان نعلمه انت ماعملتش كده انت عقبتها بتطردها من بتها
كريم::ياعمى انا قولت قرصه ودن منها تعرف غلاوه ولادها إللى بتلوى دراعى بيهم وكمان ان اهلى هما اساسى انا
الحج سامى::مش عارف اقولك اي بنتى غلطت لما شتمت والدتك 
على::هاياشيماء قولى اللى عندك
شيماء::اقول ان نرمين حطانى فى دمغها كل شويه طلع تغلط فيا وتشتمنى طلعت ودخلت اوضه نومى من غير ماتقول ياعلى ينفع معلش افرض فيها حاجه كده اوكده ليه هى تشوفها وهى بنت ينفع
على::فى دى معاكى حق طيب ليه مافهمتهاش
شيماء:: كلمتها كتير والله وربنا يشهد عليا بس هى بتعاند معايا وبتحب تدايقنى مش عارفه ليه
على:: على العموم ياشيماء حقك عليا انا وحصل خير وانتى اوعى تقولى اسيب بيتى واولادى تانى ولو عملت نرمين حاجه تانى تعالى قوليلى انا وانا هاتصرف معاها
شيماء::بس
على::مافيش بس ويلا علشان عيالك
كريم::ممكن اتكلم معاها لوحدينا
الحج سامى خدى جوزك فى اوضتك يابنتى يلا شوفى عايز ايه وربنا يصلح حالكوا
دخلوا فى اوضتها وقفت شيماء وعطت ظهرها لكريم وهو واقف مديها وشه
كريم::انتى غلطى ياشيماء وانا كمان بس خلاص بقى
شيماء::انا سبتك تطلع كل زهقك عليا واستحملت اسلوب اختك الزفت إللى عملتنى بيه ولفت ليه وشها لاقته بيدور وشه اتجاه تانى
شيماء::كريم انا بكلمك بُصلى
كريم::هااا
شيماء::مش انا ابدا إللى اتعامل بالاسلوب ده  اختك تشتمنى وانت تضربنى واختك كل ماتكلمنى تقولى انتى هنا خدامه  وتشرشحلى لا خالص انتوا فاكرين نفسكوا ايه انتوا ولا حاجه
كريم:: بعصبيه ضربها اسكتى بقى
شيماء:: وهى تمسك خدها ااااه ورفعت عيونها ليه طلقنى ياكريم طلقنى ياكريم دلوقتى حالا طبعا فاكرنى هاسكت وخلاص كل مااتكلم تضربنى لا طلقنى على العموم انا هاخرج اقول لبابا وعلى اوك
كريم::راحه فين ومسك معصمها
شيماء::سبنى ياكريم سبنى ارحمنى بقى ارحمنى سبنى
كريم::خدى بس
شيماء::والله اصوت والم عليك الناس سبنى
كريم::استغفر الله العظيم يارب
شيماء::وهى هاتخرج
كريم::خدى هنا راحه فين
شيماء::سبنى بقى
كريم::بتشتمى امى بتقولى ان احنا ولا حاجه ياشيماء
شيماء::ماقصدتش اشتم امك والله العظيم مافصدتش
كريم::تشتمى اختى وتطرديها
شيماء::هى والله دايما تشتمنى
كريم::لا يا شيماء انا بحبك اه بس لحد اهلى واستوب امال انا بعمل ايه عيل بيعمل حمام على نفسه ما تيجى وتقوليلى
شيماء::وانا هافضل مهزئه عندك اختك لحد امتى ياكريم كفايه بقى انتوا واخدنى علشان تمرمطونى معاكوا ومش هو المفروض تبقى ليا كرامه وجوزى إللى يعملهالى ولا كل حد يجى يشتم ويهزء فيا وجوزى يجى يكمل عليا وبدات تبقى بصوت عالى وصوت شهقاتها تعلى
شدها كريم لحضنه هشششش خلاص
كريم::خلاص روئى وربنا المعبود ماقدر استغنى عنك خلاص بقى خلاص بقى طيب انا زفت وجلانف وطروبش وقفل لالا ايه قفل دى الهى يارب يجيلى داء السول فى ايديا إللى ضربتك وشاور على ايده
شيماء::مش دى دى وهى بتشاور على ايده التانيه
كريم::مش دى هى دى
شيماء::بابتسامه
كريم::والله ياشيماء طول مانا عايش على وجه الأرض ماخلى نفسك فى حاجه ولا هضربك تانى بس اهم حاجه اشوف ابتسمتك دى وهو ماسك وجهها بين ايده
ابتسمت شيماء
كريم::كاتك داء فى بوزك
شيماء::وهى تضربه على كتفه اخص عليك ياكريم
كريم::يالهوى قشطه ماتجيبى حته
شيماء::بس بقى ياكريم
كريم::حته بس
ليقطع عليهم خبط عل  الباب
على::ايه انتوا ناوين تجيبوا العيل التالت ولا ايه يلا ياعم
شيماء::ههههه شوفت يفهم ايه دلوقتى
كريم::ايه واحد وبيصالح مراته إللى زعلان ياخد حته زاينا يلا ياقلبى هات ى حاجتك ويلا على بيتك
شيماء::حاضر وجابت شنطتها وسلموا على الحج سامى ونزلوا وبعد فتره وصلوا لبيت العيله 
فتح على الباب ودخلت شيماء
نرمين::.......
تخلص حلقتنا رايكوا يهمنى