حبيبتى يامرات اخويا

الحلقه6،7

اولا اسفه لان النت كان فاصل
♡الحلقه6♡بقلمى هايدى محمد
●صلى على سيد الخلق
▪حبيبتى يامرات اخويا

على::ماشى يلا    ونزل هو وشيماء
نرمين::ههههههه ودخلت اوضه النوم وفضلت وقفه بجانب اسماء شويه وبعد كده هزتها
نرمين::اسماء انتى ياختى
اسماء::بخضه وهى تقعد بسرعه وتشد الملايه على جسمها ايه ده انتى ازاى تدخلى كده من غير ماتخبطى على الباب
نرمين::خبط وانتى ماسمعتيش وبعدين فيها ايه يعنى لما ادخل إللى فيكى فيا ياختى
اسماء::ازاى يعنى لا خالص إللى فيا مش فيكى واللى فيكى مش فيا
نرمين::بقولك ايه يعنى انتى مش عايزانى ادخل شقه اخويا
اسماء::ياحبيبتى ده بيتك قبل مايكون بيتى بس ينفع اخليكى بتستحمى وادخل عليكى 
نرمين::لا طبعا انتى هبله
اسماء::طيب انتى عملتى كده
نرمين::لا طبعا انا دخلت اوضه نوم مش حمام
اسماء::بابتسامه بسيطه ياقلبى الست المتجوزه اوضه نومها زاى الحمام لانها بتبقى اوقات نايمه من غير هدوم واوقات بتبقى بلانجيرى يعنى ماينفعش تدخلى وهى او اخوكى فيها غير لما تخبطى
نرمين::ماعرفتش ترد طيب ياختى قومى علشان نفطر
اسماء::هو على فين
نرمين::بمكر نزل تحت علشان نفطر مع بعض اصل امى ماتعرفش تفطر من غيره حظك بقى
اسماء::واحلى حظ انى اشوف ماما وانتى على الصبح انا ماعنديش اخوات بنات وبعتبرك اخت ليا
نرمين::وهى تلوى شفاتيها اهو بدءنا الكهن
اسماء::لا يانرمين مش كهن انا فعلا بحبك
نرمين:بعصبيه ماتحاوليش تاخدينى فى صفك علشان انا مش من النوع ده
اسماء::صفى! هو احنا فى حرب يانرمين حاولى تعاملى مراتتا اخواتك على انهم اخواتك علشان ترتاحى
نرمين::بت انتى خليكى فى حالك صحيح فى الوش مرايا وفى الافا سلايه لا ياختى لاتحبينى ولا احبك
على::دخل ايه الطريقه دى يانرمين
نرمين::بارتباك طريقه ايه
على::مش هاتتغيرى وهاتفضلى كده لحد ماتبقى لوحدك ووقتها هاتندمى
وانتى يااسماء::نرمين مالكيش كلام معاها تانى فاهمه
اسماء::اسفه ياعلى ماينفعش نبقى فى بيت واحد وماكلمهاش ماينفعش نبقى مع بعض وماحبهاش
نرمين::وهى خرجه من الاوضه ايوه اضحكى علينا  ياختى
على::أسماء انا اسف
اسماء::اسف على ايه ياحبيبى
على::على طريقه نرمين
اسماء::نرمين غصب عنها اخوتها كلهم كانوا معاها ومره واحده كل واحد بقى لى بيته ومراته فادى غيره  ياعلى
على::حبيبتى ربنا يكملك بعقلك وماتحرمش منك يارب
اسماء::ولا اتحرم منك ياعلوه
على::ماتيجى احكيلك موضوع مهم
اسماء::ههههه بطل قله ادب خلينا ننزل نفطر علشان ماما
على::ماشى بس لما نطلع مافيش ماما وبابا فاهمه
اسماء::ههههه امال فى ايه
على::فى سفاله بس
اسماء::ياقليل الادب يلا بقى

نزلوا وبداو فى الفطار

نرمين::الحمد لله هاقوم اذاكر
خديجه::يابنتى استنى علشان تشيلى معايا
نرمين::هو انا اكلت لوحدى وبعدين مش انا جهزت معاكى مش خدامه عندكوا انا
الحج الفيومى::بت يانرمين اتعدلى احسنلك
نرمين::يابابا انت شوفت طريقتهم هو انا خدامه حرام عليكوا والله وفضلت تمثل انها بتبكى
الحج الفيومى::خلاص ياحبيبتى روحى شوفى وراكى ايه
مشيت نرمين ودخلت اوضتها
على::يابا كده غلط انت مدلعها اووى
الحج الفيومى:: المهم فى واحد متقدم لاختك وعايزك تسال عليه
على::مين يابويا ده
الحج الفيومى::مصطفى ابن الحج عبد المنعم بتاع ورشه الخشب
على::اه ده شاب محترم اووى يابوى بس هايتجوز فين وظروفه اي
الحج الفيومى شوف يابنى لو على الجواز هاخلى يجى فى الشقه إللى قدمنا دى وتبقى اختك قصاد عنينا ومعانا لو على ظروفه هانعرف منه لما نرد عليهم 
على::بس يابا ليه تيجى هنا
الحج الفيومى::يابنى دى بتاعتها واحنا هانعرض عليه
على::على بركت الله يابا بل اذن احنا بقى
الحج الفيومى:: ربنا يريح قلبك ويرزقك الخلف الصالح يابنى
على::يارب وبصوت عالى شويه اسماء ياااسمااااء
اسماء::نعم
على::يلا تعالى علشان نطلع
اسماء::حاضر بعد اذنك ياماما
خديجه::اتفضلى ياحبيبتى