للكاتبه : هديل فراس
#hdeel-fras
الكل مجتمع .... عبدالله سرى نور سامر هديل حسام اسو شمس وشهد ....
نسولف ونظحك وصوتنه لوين واصل ....
عبير .... هسه اروح وظل متحسر على وجودي 😏😏
سامر ....اشمر وراج سبع حجارات
عبير .... احلف ??
سامر .... يجي يومها نشوف
نور .... ذكرتيني بجماعه كالو مانبجي بيوم تركينا وترحين 😂😂
كلنا وجهنا نظرنا لعبدالله .... يبسم بس بأبتسامه حزينه ....
الكل يدري بعبدالله شلون يعز نور ويحبها .... لهاذ نكدر نكول هو اكثر واحد حزن بزواجها ....
شوي وحطينا العشا وهل المره كل موجود ولد بنات
عبير ....اكول بنان تذكرون شنو جانو يحجون اهلنا
نور .... شنو
هديل .... جانو يكولون انتو يهو يريدكم بيت واحد 😂
نور .... هسة احنه شراح نصير
عبير .... راح نصير بيت واحد 😂
سامر .... كلو للجماعه لابعدين خطيتهم صير بركبتنه
ام سامر .... لا يمه شنكللهم احنه ماصدكنه نمشي سوكهم
هديل .... ليش عمه شايفتنه عنسنه
نور .... اشو الف واحد يتمنانه
عبير .... كم واحد اجنه ورفضنا من جنا صغار
عبدالله .... على الاساس هسة انتو كبرتو
نور .... ليش عيني شايفنه بعدنه نلعب بيت بيوت
عبدالله .... لا والله شايفكم دككون بجرس الناس واشردون
يمه من سعنا جمدنه والانظار توجهت علينا ....
ام سرى .... شهل الحجي
ام عبدالله .... يمتا صار هل الشي
هديل .... اكللكم الاكل والله طيب
عبير .... اي ولج هاج هاي الحلاوه شلون حلوه
نور .... لا ولج هي ماتحب الحلاوه لاتكومينا من العشا
هديل .... لا ولج خلينه اكوم احتى انتو تجون وراي واتراضوني
طبعآ كل هاذ بصوت عالي وكل هاذ بوكت واحد مع اسئله اهلنه بس احنه مطنشيهم وماندري شنو يحجون 😂
اسو .... شوفوهم شلون يشردون من السؤال
عبير .... شردنه من سؤال مو من سجن حتى تصيحين هيج
نور .... بعدين تعال كلي شلون عرفت
ام فراس .... هسة عوفو شلون عرف وكلو يمته ماتستحون تسون هيج بالله شافكم احد
