القهوه المخمره ..Brewed coffee
مستمعيني الأعزاء نهاركم سعيد ..
عارفين إنهارده إستوقفني موقف صباحي لطيف ، قولت كـ بدايه لحلقتنا لازم أشاركوا بيه ، فإيه رأيكوا قبل ما نبتدي فقراتنا ، نحكي مقتطف من حدودته واضح إنها جميلة ، فـ يلا بينا ..
إنهارده و أنا في طريقي لعربيتي المركونه جنب الحديقة العامه ، كان وقع على مسامعي في ركوبي العربيه كام كلمه في حديث بيدور ...
" يعني إيه مكنش موجود ليكي وقت وجعك !! "
كام كلمه في جُملة خلتني أدور بعيني بلهفه على صاحب نبرة الصوت المُنفعله ، صاحب نبرة الصوت إللي طلعت لـ شاب وسيم واقف معاه بنت جميلة ، عرفت أسمائهم في عتابه الدافي ليها ، آيوه زي ما سمعتم عتابه الدافي ، عتاب من نوع مُختلف معتقدش إن في مننا كتير بيعيشه ، عتاب لفت نظري ، لدرجة مش هقدر أنكر إن فضولي خلى خطواتي تروح لأقرب كرسي ليهم ، فضولي إلـ بقيت بسببه المُتطفل ما بينهم فيما لا يعنيني ، المُتطفل إلـ بيحضر باقي حديثهم بشغف ..
و بنبره عاليه بشكل ما .. كان بإنفعالية ضيقه .. كرر سُؤاله من تاني ليها ..
فهميني قصدك إيه ! من إن مكنش موجود ليكي وقت وجعك ؟!
ملامحها الحزينه بتهرب من نظراته : أقصد إن مش عايزه أحملك وجعي ، مبقدرش أشوفك حزين لأي سبب ، تخيل هحس بإيه لما تكون حزين بسببي يا "آدم"، برهبه خفيفه ، لا مش هقدر أعمل كده ...
ضحك بحزن إستنكارًا :
تقصدي إن قادر بس أشاركك فرحتك ، و إن معنديش القُدره أشيل معاكي حُزنك ! ..
بحزن بصتله برهبه مهزوزه في صوتها :
لللا يا آدم مقصـ....
بس قبل ما تكمل كان قطعها بنبره حزينه : عارفه كام مره فكرت إن قلبي مش كافي إنه يحميكي ! ، كام مره فكرت ليه هي دايمًا موجوده ليا و أنا ليه عمري ما كان في فرصه إن أكون موجود ليها ؟ ، كام مره قلبي إتقتل مع كل كدبت " أنا بخير " منك مع ضحكه مليانه حزن و وجع؟! ، كام مره فكرت إن مش كافي إن أسرق حُزنك؟ ، الحُب عُمره ما كان كام كلمه و ضحكه في وقت فرح ، عمره ما كان وقت الفرح و بس ، لو الحُب بس فرحه ، كان كل الناس مع أول حُزن إتكسر الحُب ما بينهم ، الحُب إن أكون معاكي في فرحك و حزنك و وجعك ، أشاركك فرحتك .. أسرق حزنك ... و أطبطب عليكي في وجعك ، الحُب إن أكون موجود ليكي و معاكي دايمًا مهما كانت الظروف...
هو ده الحُب يا« مريم» .. يمكن إنتي فاكره إن كده هكون سعيد و إنك بتحميني من الحزن زي ما بتقولي ، بس إنتي عمرك ما إدتيني فرصه أحميكي ، عمرك ما إدتيني فرصه أكون أمانك ، لأنك طول الوقت بتحمي نفسك بوجع ، طول الوقت أمان نفسك بخُوف ، مع إن وقت وجعي بقولك في عز ضعفي إن محتاجك معايا ، الحُب إحتياج إننا نكمل بعض بالأمان وقت خوفنا ، إن أخبيكي من الوجع في وسط قسوة...
أنت تقرأ
نُقطةقَهوه (oneshot)...🌻
Romanceحُلماً أخذ من سُبات نومي خمسُ ثوانًا فقط ، خمسُ ثوانًا لما أرى فيها سوى إستياءًا منهُ ؛ و حضنًا دافئ منها ، لم يقع على مسامعي ما يدور ؛ أنا فقط أطلقتُ العنان لقلبي ❤✨ ..
