رحمة :ريتي اليوم أم أربع عيون
منال :اي ريتها وشبحتيها كيف تمشي زي العزوز ولا وجهها يلي ماينشبح فيه
رحمة:طالبة معاي طويلة وحلوة وعيونها واسعات
منال :صاحبتها وهي حلوة وقصيرة وعيونها عسليات.
دخلت عليهن بنص كلامهم وسلمت عليهم ومشيت وهما كيف يلي أن انصب الزيت ع النار😂
رحمة:ريتيها الحيوانة الكلبة ماردت علينا ولادارت أي ردت فعل
منال:اي ريتها لاكن تو إنوريها الحيوانة والكلبة.
((كنت عايشة الحياة الحلوة عشت طفولتي بين أمي وبوي عشت حياتي ونا نلعب مع خوتي واليوم بنت عمرها ١٦سنة شافت الكره شافت الحبس شافت النبد 💔))
أني :معاليش ياأبلة نبي انروح إنحس في روحي تاعبة وبطني توجع فيا
أبلة :باهي خليني انكلم باتك يابنتي تعرفي الدنيا آخر وقت
أني:(في خاطري باتي مايندري عن الشمس مين زارقة)لالا يابلة نقدر أنروح بروحي وبعدين مانيش حافظة رقم بوي.
بس نطلب منك طلب
أبلة :أطلبي
أني : شدي وخيتي وبعد ماتطلع لمياء عطيها ليها
أبلة :ردي بالك ع روحك
قليت شنطي عل كتفي ودموع في عيوني طلعت من باب وانهمرت بدموع عيوني ولن حمر بكيت وبكيت لين يد شدتني وكرتني داخل السيارةمظلمة
أني :أمي منو أنت وشن تبي فيا خلوني إطلقوني
..... :صكري فمك ولا نقتلك
أني :أقتلني ياكلب لكلاب أخير أنفتك حتى من ه الدنيا
وقعدت انعيط وهو ايعط عليا ....
شوية وسكتت كان صوت في داخلي إيقولي إقري القرآن سكتت وغمضت عيوني وبعدين بديت إنرتل في القرآن قريت أية الكرسي والمعوذات بصوت عالي وصوتي كان فيه الثقة
وشوية وقفت السيارة إرتحت وفتحت عيوني وإبتسمت شبحت فيه وقلت
خوي إني بنت من بنات بلادك حطني ياخوي في مكان أختك أو أمك أو مرتك شنو شعورك وهي تنخطف خوي نصيحة إمشي توب لربي وأذكر ربي وصلي ياخوي ومابينفعك إلا دينك خليك ع الطريق الصحيحة ياخوي فتحت شنطي وكان فيها مصحف قلتلا ياخويا هذا مصحف هذية مني وبداية طريق ليك شد وأحفظ ياخوي.
((تذكر دائما عندما تكون في محنة فلن تجد أمامك إلا قرآتك للقرآن لاتنسى القرآن أبدا ولا حفيظ إلا الله 💖))
وقبل ماننزل 👇
٠٠٠٠ :ليش قريتي القرآن
أني :بإتسامة أقراء أيات منا وبعد ماتصلي ركعتين تلقى الجواب بنفسك.
نزلت من سيارة وشوفو شن صار
أسماء :مع من كنتي ياكلبة يالي ماتحشمي يا عارك ياعمر يافضيحتك وكرتني مع شالي وهي تضرب فيا
وأني :أصبري أسمعيني شن بنقولك
أسماء :قوليه لبوك ياحقيرة يامسخة يا فضيحة
وخشت بيا للحوش ورمتني تحت كرعين باتي في صالة
أسماء :أسأل بنتك وين كانت ياعمر
عمر:شن تقولي إنتي في المدرسة
أسماء :ووك عليك ياعمر عارك عار يا عمر بنتك دراته كانت في المدرسة قالك ياعمر بنتك كانت مع واحد في سيارة مظلمةوووك عار عارك ياعمر
