القصه بعنوان _يابعد كل معاناتي
البارت الاول
كنت اجهل معنى القوه كنت اعتقدها مرادف لكلمة لا مبالاة وعدم الاهتمام للٲمور لكن ادركت في ما بعد ان القوة تكمن في القلب مهمها تهشم لا يزال يعطي…
سوف اقص لكم حكاية فتاة عانت ما لم يعانيه احد كتمت كل ذلك في قلبها وفي يوم قررت ان تنهزم من واقعها لتلتقي ما لم تتوقع ان تلتقيه ..
من رخصت الكاتبه زيہزؤُ اعرفكم عن نفسي اني شهد عمري 20 سنه اول سنه كلية علوم حاسبات مواصفاتي حنطيه شعري اسود عيوني نرجسيه جسمي متناسق طولي 154سم ووزني 50ك
جنت عايشه اجمل حياة ويه ماما وبابا جانو يخافون عليه من الهوا امي اداريني مثل المي بالصينيه لدرجة اني ما اعرف اطبخ ولا انضف ولا كولشي متعلمه من شغل البيت من كد ما هيه شايله مسؤليتي وممخليتني اتعب وياها
بابا كل حياتي اني بنته الوحيده على 3 اخوان سلام وهمام وحسام اخوتي احبهم كولش همه روحي من الدنيا بس مشكلتهم وحده ويا رب يبطلوها وينصلحون
وهي المخدرات💊 اخوتي يتعاطون ويتعاملون بالمخدرات يعني يبيعون مخدرات على الشباب والبنات الي همه ضحية المجتمع
بابا من عرف بٲخوتي حيل اتٲذه ونهرهم واتعارك وياهم بس همه جانو مدمنين ميكدرون الا يتعاطون ماده اسمها (كرستال)
من دونها ينجنون ويصيرون مجرد انسان محطم ويبقون يصرخون من الوجع الا ياخذوها يله يهدون بس لما ياخذوها يتحولون غير بشر ما يحملون اي صفه من صفات الانسانيهتفقدهم كل قيمهم واخلاقهم يصيرون تحت تٲثير اقوى بكثيييير من تٲثير المشروب لكن تحسه انو مو شارب بس بغير عالم وتصرفاته ابد متوحي انو انسان عادي
هذي هي المخدرات تحول الانسان الى شيطان بدون وعي
ابويه من اتعارك وياهم بقى ايام حالته تدهور واني وامي محتارين بيه
شهد.. ماما يعني شلون نبقى نباوع لبابا وهوه هيج حالته لازم نسويله شي
الام.. يا يمه شسوي شبيدي رحنا للدكتور ويكول عنده سوفان بركبته ودننطيه العلاج بس مديصير زين
شهد.. ماما خل نعوف الدكتور الاختصاص خل ناخذه باجر للمستشفى يسووله تحليلات عامه خنشوف شنو موضوعه بلكت نوكع عله علته
الام.. انشالله يوم هوه هم هيج باجر من الصبح ناخذه اني وياج شهد.. بعد ما اهتميت ابابا وردت اساعد ماما كالت روحي ارتاحي بنتي اني اكمل الباقي
رحت اقره اتذكرت خطيبي السابق اللي فسخنا الخطوبه بعد ما اتٲكدت انو مو كفو يصيرلي زوج جنت خلال فترة الخطوبه احبه حيييل وهوه هم جان يحبني بس عصبي بشكل شسوي ميعجبه
وامه اتمشي بسهوله يعني شتكوله امه يكولها حاظر جانت متحبني لان هيه جانت رايدتله بنت اختها وهوه اخذني لان يحبني واتقدم لخطوبتي
رغم عدم موافقت امه هذا الشي الوحيد اللي عصا امه عليه وهيه بقت حاقده عليه اذا سمعته فد يوم يحجي وياي لازم تسويله مشكله علمود ينهي اتصاله وياي
جنت اضوج كولش لما يسمع كلامها صح امه بس لازم يعرف يتصرف ويايه مو امه تمشي اتكله لتخابرها بقه ميخابرني خاف امه تحجي
اتكوله لتطلع وياها ميطلع يخاف تزعل فنهيت الخطبه لان تعبت هاي دتتصرف هيج واني بعدني ابيت اهلي شلون لو صرت عدهم واني اكره ال جال اللي اشوفه مسير مو مخير ويتصرف من راسه
بس رغم هذا جنت هوايه احبه ومتعلقه بيه جبرت نفسي عله تركه كل يوم جنت ابجي عليه بدون علم اي احد علمود لا ابين ان اني اريده
بس اتمنى انساه نمت كلعاده دموعي بعيني كعدت الصبح دخلت للحمام سبحت سويت شعري ضفيره صفح
حطيت كريم bb ورسمت حاجبي تاتو خفيف وحطيت حمره وردي مات بناتي وكحل ومسكاره مكثفه تبرز عيوني
ولبست جينز كوبوي وقميص ابيض وجنطه كوبوي برسمة باربي و نزلت كتلها ها ماما جاهزه
الام.. اي يوم يله اخذي هذي الجنطه مالت للسياره وساعديني نمشي ابوج نصعده بلسياره اخذنه بابا وكعدته بالصدر مال السياره وماما تسوق
وكعدت وره فتحت نت بالسياره اخذتلي فره سريعه بالانستكرام وسديته هيج فقط اخلص الوقت اللي بالسياره احسن ما اكعد اصفن علشارع
وصلنا للمستشفى صفينا السياره ورحنا اني وماما نمّشي ابويه وصلنا فحصوه كالو لازم نسويله اشعه رنين ومفراس
اهووووو هاي شيفضها سويناها وانطينه فلوس علمود تطلع الاشعه بنفس اليوم اخذناها من بعد وقت 5 ساعات مرن كوه
رحنه للدكتور شوفناه النتيجه بس شفت الدكتور دايخ ويباوع كال من شوكت صار عنده هلحاله كلناله صارله شهر
كال متٲخرين كولش الوالد عنده ورم بالدماغ ولازم بٲقرب وقت نسوي العمليه ونستٲصله
اتخبلنا اني وامي وكمنا نبجي باوعت للدكتور وكتله نكدر نسفره نسويله العمليه برا خارج العراق
كال لا ما عنده وقت لازم نستٲصل الورم بٲسرع وقت وحدد موعد العمليه بعد يومين رجعنا اني وامي هلكانين من التعب والبجي
المن نشتكي احنه ما عدنه علاقه قويه بعمامي وخوالي ما عدنا غير بس خال واحد وطلع تهريب لالمانيا
واخوتي حالتهم تلعب النفس ولا تحسيهم همه حته ولا تكدر تعتمد عليهم بحمل مسؤلية ابويه
امي كامت تتعارك وياهم وتكلهم المن خلفتكم غير تعينون ابوكم عوفو. هلسم والله خبلكم
كامت تاخذ منهم الحبوب يتهسترون و يتخبلون علينه حته يهدون علينه اني وامي بالسجينه لحد متنطيهم الحبوب
بقيت اني وامي حايرين عله فلوس العمليه 3 ملايين منين نجيبهن جان ابويه يشتغل موضف بالبنك وراتبه الحمدلله عايشين منه بي
بعد ما كعد وتمرض انقطع ما بقى كدامنه غير انبيع السياره بعناها ب19 مليون و سوينا العمليه… يتبع
🌺🌺🌺
