ကိုယ်နဲ့ မရင်းနှီးတဲ့ နေရာတစ်ခုမှာ ပုံမှန်မဟုတ်တဲ့ အခြေအနေတစ်ခုနဲ့ နိုးထလာရမယ်ဆိုရင် ဘယ်လိုလုပ်ကြမလဲ?
ငါကတော့ လုံးဝကို တွေးကြည့်လို့တောင် မရဘူး။
ဒါပေမယ့် ငါလေး တကယ်ပဲ ဓားတွေလှံတွေနဲ့ သွေးသံရဲရဲတွေကြား စစ်ပွဲတစ်ခုအတွင်းမှာ နိုးထလာခဲ့တယ်။ ပြီးတော့လည်း အားလုံးရဲ့ ခေါင်းဆောင်ဖြစ်တဲ့ ခန္ဓာကိုယ်ထဲမှာ!
ကိုယ့်ကိုယ်ကိုယ် အံ့အားသင့်ဖို့တောင် အချိန်မရလိုက်ဘူး။ အနားကနေ ဝှီးခနဲဖြတ်ပျံသွားတဲ့ လှံရှည်တစ်ချောင်းကို ရိပ်ခနဲ မြင်လိုက်ရတာတာနဲ့ အတူ အနောက်က တစ်ယောက် လှမ်းအော်လိုက်တာကို ကြားလိုက်ရတယ်။
" စစ်သူကြီး သတိထား" တဲ့။
ခန္ဓာကိုယ်က အလိုအလျောက် တုံ့ပြန်ပြီး လှံတံကို လှလှပပ ရှောင်ရှားလိုက်တယ်။ ကိုယ့်ကိုယ်ကိုယ် ထိတ်လန့်သွားမိတယ်။ တစ်ခါမှ ကိုယ်ခံပညာမသင်ဖူးတဲ့ ငါက အတိုက်အခိုက်ကို ကျွမ်းကျင်နေလိမ့်မယ်လို့ မထင်ထားဘူး။ ဒါဟာ မူလခန္ဓာကိုယ် ပိုင်ရှင်ကြောင့် ဖြစ်လိမ့်မယ်။ ဘယ်လိုတွေ ဖြစ်ကုန်တာလဲ?. စိတ်ရှုပ်ထွေးစွာနဲ့ စဉ်းစားကြည့်လိုက်တယ်။ ကိုယ့်ကိုယ်ကိုယ် ငုံ့ကြည့်တော့ ဒါ ယောက်ျားတစ်ယောက်ရဲ့ ခန္ဓာကိုယ်ကြီးလား?
ဘုရား .. ဘုရား .! မာမားရေ ... မာမားသမီးလေးတော့ ရေတိမ်နစ်ပြီ ထင်ပါရဲ့။
တကယ်လို့ စစ်ပွဲအတွင်းမှာ စစ်သူကြီးတစ်ယောက်က စစ်မတိုက်ဘဲ သူ့လက်နက်ဖြစ်တဲ့ ဓားရှည်ကို လွှတ်ချလို့ ကိုယ့်ခန္ဓာကိုယ်အောက်ပိုင်းက ပစ္စည်းကို လှမ်းကိုင်ကြည့်လိုက်မယ်ဆိုရင် ဘာဖြစ်မယ်ထင်လဲ?
ရန်သူတွေရော ကိုယ့်ဘက်တော်သားတွေပါ ကြောင်အသွားကာ သူ့ကို ပြူးပြူးပြဲပြဲ လှမ်းကြည့်ကုန်ကြတယ်။ ဒါပေမယ့် စစ်ပွဲက စစ်ပွဲမို့ ခဏလောက် ကြောင်အစွာ ပြုမူလိုက်မိတယ်ဆိုရင်ပဲ အဲဒီလူတွေဟာ ဒဏ်ရာအသီးသီး ရရှိကုန်ကြလေတယ်။
စစ်ပွဲမှာ နာမည်ကျော်ကြားလှတဲ့ စစ်သူကြီးဟာ ဘယ်လို အပြုအမူတစ်ခုကိုမှ အကြောင်းရင်းမရှိဘဲ မလုပ်တတ်တာမို့ စစ်သူကြီးယန့်တစ်ယောက် လက်နက်ပုန်းတွေကို အဲဒီနေရာမှာ ထည့်ထားတယ်လို့ ရန်သူတွေက ထင်မှတ်သွားပြီး သူ့ကို ဝိုင်းတိုက်ဖို့ ကြံနေတဲ့ သူတွေတောင် ရွံ့တွန့်တွန့် ဖြစ်ကုန်ကြတယ်။ လက်နက်ပုန်းနဲ့ ပစ်သတ်လိုက်မှာစိုးလို့။
ВИ ЧИТАЄТЕ
စစ္သူႀကီးရဲ႕ အရႈပ္ထုပ္ေလး [ဘာသာျပန္မဟုတ္ပါ]//[[ရပ္နား]]
Історичні романиဟမ့္ !. အခ်ိန္ခရီးသြားတာလား?. သူမ်ားေတြဆို လွလွပပ ခႏၶာကိုယ္ေလးေတြထဲ ဝင္စားၾကတယ္ေလ !.. ဘာလို႔ ငါ့က်မွ စစ္သူႀကီး ခႏၶာကိုယ္ထဲ ေရာက္သြားရတာလဲလို႔ ? စစ္တိုက္ရမွာလား ?.. ဟင့္အင္း .. ငါ မတိုက္ဘူး ... ငါ လူမသတ္ရဲဘူး ... အား .. မသြားပါဘူးဆ...