و من انت

١٤

#عرفته..

اللحظه دي مراد اتجمد وميار بقت تصرخ وتبكي والناس بقو يجو ويعزو فيهم ...
ميار كانت بتبكي بطريقه بتحننك وبتنده ع امها طلعو امها وكانو مغطنها وهي جرت عليها وبقت ماسكاها وبتبكي 💔💔.. اما مراد كان شبه الما مصدق كان مصدوم تمااااماً وبعاين للناس وسرحان وائل كان بحاول يوفوقو ويضرب فيهو بس هو نهائي م اتكلم ولا عمل حركه زحا يد وائل الكانت بتهزز فيهو وبقا متجه ع امو عيونو كان فيها لمعه زي الكان حيبكي مشا ع جهة امو وفتح الغطا وشافها وهي ميــ💔ــته كانت بالنسبه ليهو لحظه مستحيل ينساها ابداً اول م شافها غمض عيونو وجرا ع جهة الباب وفتح عربية وائل ودورها وبقا ماشي بيها بسرعه فظيييعه وبتخطى في العربات القدامو واتخطى الاشاره وكان حيعمل حادث بس بفضل ربنا نجا منو ... كان سايق زي الما شايف قدامو دموعو كانت مغرقه وشو بس م بصدر ولا صوت وساااكت وصل لمكان كدا بعيييد كان الجو بارد شويه كدا وكان الوقت قريب للعصر كدا .. مشا قعد تحت شجره ورقد في الارض وبدا يبكي ويصدر اصوات غريبه وكلام م مفهوم ... وائل كان لاحقو واول م شافو قاعد هناك مشا عليهو ..
وائل : مراد ..مراد قوم
مراد : وائل امي مشت وائل امي م حترجع تاني انا عايش ليه ليه انا عايش كان امي ماتت 💔💔
وائل : مراد قوم عليك الله
مراد : ( وبقا بعاين ليدينو)   لا م حاقوم امي ماتت يا وائل امي ماتت خلاص مشت .. تاني البمسكني من يدي وبقويني منو الببوس لي يدي منو والحـيدعي لي منو انا انا م مصدق م مصدق يا وائل
وائل : طيب قوم عشان تحضر جنازة امك
مراد : جنازة منو امي هههههه لالا امي ما ماتت
وائل : ( بقا يبكي معاهو وع حالتو البتبكي الحجر💔 ) مراد الله يخليك قوم 💔

وائل بتعب قدر يقوم مراد ومشو بيتهم لقو الناس كتار في بيت العزا ... بعد وقت الجنازه طلعت وطبعا عارفين عمايل الناس لما الجنازه تطلع 💔💔 .. الرجال طلعو ودفنوها ومراد كانت حالتو صعبه صعبه شديد ... بعد انتهو رجعو البيت ومراد مشا مكان اختو كانت قاعده ... كانت قاعده في سرير امها البتقعد فيهو طوالي وحاضنه مخدتها وبتبكي ومعاها بنات اهلها وصحباتها .. جا وصحباتها قامو عزوهو وهو قعد جمبها وقامت حضنو بعض لمسااافه وهي بقت تبكي ذياده
ميار : مراد امنا مشت خلاص تاني البحن علينا منو البصحيني من بدري عشان اقرا منو البتاكل معاي منو حاشوف منو تاني في البيت حاشوف منو يا مراد 😭😭😭😭💔
مراد : ماف زول ماف زول يا ميار احنا خلاص م عندنا زول في الدنيا دي امنا والله يرحمها 💔💔 تاني ماف زول حيعمل كدا خلاص مشت
ميار : لااااا اميييييي😭😭😭💔

اليوم دا كان بالنسبه لميار ومراد الهلاك امهم كانت اخر زول ليهم في الدنيا دي وماتت 💔 نور الدين كان حالتو م اقل من حالة اولادو خصوصاً وانو كانت زعلانه منو وهو ندماااااان شديد ووعد نفسو انو تاني م حيخليهم يعيشو بعيد منو وحيحاول يعوضهم الفات من عمرهم وهم محرومين من حنية الاب وحاجات كتييره .. وائل بقلبو الحنين كان زعلان شديد ع اخوانو والحصل معاهم وكان متمني انو ابوهو يرجعهم ويعيشو معاهم لأنو م عندهم زول تاني .. وليد طبعا جا وكان زعلان عليهم بس م زي الباقين لأنو زي امو .. اما امهم هدى كانت بتبكي او ممكن نقول بتتظاهر بالبكا وكانت من جوا حتطير من الفرحه (استغفر الله 💔) لأنو اكبر عقبه في حياتها خلاص طارت من حياتها وما كان عارفه انو الببتمناهو والخططت ليهو حيقلب عكس تماماً عليها وع حياتها 🚫 .. اخوان هدى واخواتها جو طبعا وكان نادمين ع العملو معاها زمان ... ويم وامها وخالها كمان جو وكان ببكو زيهم زي الباقين .. ومياده وامها كمان كانو في ..