و من انت

٢٠

صباح اليوم التالي 🌥 ... الجو كان مغيم وحلو شديد ... قامت من نومها وهي بتفكر في اختها .. فتحت درجها طلعت صوره ليها وقعدت تبكي ووتذكر فيها .. جاتها يم داخله وبتبكي قعدو الاتنين وبتذكرو فيها .. كانو فاقدنها شديد خاصة لميس الما اتعودت ع غياب اختها .. قامت اخدت دوش دافي وطلعو هي ويم يتمشو ..

............
بهناك عند لارا ووائل .. صحا هو قبلها عاين ليها مسااافه وزحا خصلات شعرها من وشها ومسكا بيدو في خدودها وبقا يمسح عليهم .. بعدها باسها في راسها وقام استحمه وطلع من الشقه قفل الباب نزل ومشا النادي ...
هي قامت وهي بتتثأب واتفاجأت لما لقتو مافي قامت من السرير فتشت الغرفه وباقي الشقه مشا وين بدري كدا.. اتصلت عليهو ولقت تلفونو في الكومودينه .. افتكرت انو عشان زعلان منها طلع من امس وخلاها براها 😢💔 ... مشت استحمت وصلت قرت كم ايه كدا وقامت عملت الشاي وعملت ليها كيكة كاكاو صغيره كدا وقعدت انتظرت وائل .. جا بعد ربع ساعه لما سمعت صوت الباب بفتح قامت بسرعه واتجهت عليهو وهو بدخل كان لابس ملابس الريااضه الخلت عضلاتو تكون بارزه ... بادرت بالكلام بعد عاين ليها مسافه ..
لارا : صباح الخير
وائل : صباح النور
لارا : كنته في النادي؟
وائل : ايوه في النادي في حاجه؟
لارا : ابداً بدل وتعال نشرب الشاي
وائل : طيب
قعدت في السفره وانتظرتو لحدي م جا طالع من الغرفه وبزرر قميصو .. قعد في السفره وهي كبت ليهو الشاي ومدت ليهو قطعه كيك كبيره جمبو .. بدو يشربو الاتنين وهم ساكتين وبعد كم دقيقه☕️
وائل : ( وهو بحرك المعلقه في كبايتو )لارا انتي في زول عارف بالكلام القلتي لي امس
لارا : اممم لا
وائل : وانتي عرفتي كيف
لارا : كنته حاسه لأنو بتجيني دوخه كدا وبرجع مرات
وائل : ومشيتي الدكتور؟
لارا : ايوه
وائل : امممم
لارا : حتطلقني صح؟
وائل : ( قرّب كرسيهو من حقها ومسك يدها ) انا وعدتك بشنو
لارا : ( نزلت راسها) ما حتسيبني
وائل : وانا راجل ولا م راجل
لارا : راجل
وائل : معناها خليك عارفه انو مستحيل اخلف وعدي😊
وائل بعدها قام وبسرعه لارا قامت وراهو وحضنتو بقوه وهي مبسوطه شديد
وائل : بسم الله مالك
لارا : ( زحت منو وهي بتضحك)  وائل
وائل : نعم
لارا : صرااااحه انا م حامل😬
وائل : نعم؟؟ كيف يعني م حامل
لارا : عديل كدا م حامل كنته بكذب عليك😅
وائل : لارا انتي انتي مجنونه كيف يعني تكذبي علي انتي عارفه نفسك عملتي فيني شنو؟ لارا انتي انتي بالجد م نصيحه
لارا : اهدا اهدا روق بسم الله
وائل : كيف يعني عايزاني اهدا بعد الكذبه الحلوووه دي انتي فاكراني حجر ولا حيطه عشان تكذبي فيني كذبه زي دي
لارا : وائل تعال معاي ثواني انا عايزه احكي ليك حاجه مهمه ولازم تعرفها تعال معاي
وائل : تحكي شنو بعد دا كلو
لارا : ( وهي بتجرو وبتقعدو في الكنبه وتقعد جمبو) واااائل تعال عليك الله حتفهم اي شي هسي
وائل : اهاا في شنو
لارا : اول شي انا م حامل
وائل : طيب كذبتي علي ليه
لارا : بس كنته عايزه اختبرك بتحبني لياتو درجه
وائل : تختبريني؟ يعني م بثقي فيني
لارا : اوووف م كدا ياخ اكيد بثق فيك
وائل : طيب ليه واصلا لو ما بحبك م كنته اتزوجتك
لارا : ( وهي بتغمز لي)  بس الشلابات قاااعدات
وائل : لارا يااخ انتي لي م قادره تفهمي انو حبي ليك ما ليهو حدود ولا درجه معينه لارا والله وقسم بالله انا بحبك وديني .. اها صدقتي
لارا : انا اصلاً عارفه انك بتحبني ماف داعي تحلف .. بس كمان في حاجه تانيه عايزه اقولها
وائل : احكي
لارا : تتذكر الليله الاتخطفت فيها لميس وانا..مشيت لـوليد
وائل : ( رد بعد مسافه) اهم
لارا : الليله ديك م حصل اي شي بيني وبينو
وائل : نعم نعم نعم؟؟؟؟؟ 😳😳
لارا : زي م سمعته
وائل : كيف م حصل شي انتي قلتي انو...
لارا : انا م قلته ليك حصل شي ولا قلته ليك م حصل شي
وائل : اهااا حصل شنو وليه كذبتي علي لخبطي لي راسي ي لارا
لارا : طيب احكي ليك... اليوم داك بعد وصلته وقابلته وليد وقال العايزو مني اترجيتو شديد انو م يعمل لي حاجه .. هو قال لي انو حيتزوجني وما اخاف بس انا كنته عارفاهو بكذب .. اليوم داك اترجيتو شديد فجأه قال لي انتي عشان بتحبي وائل م عايزه تتزوجيني .. سكته مسافه وقلته ليهو اي وهو حيتزوجني .. ضحك بأعلى صوت وقال لي انتي بتكذبي ع نفسك وائل م بحبك ولا حيتزوجك .. وانا اصريت وقلته ليهو انك بتحبني ... في النهايه قال لي انا حأديك مُهله 6 شهور كان وائل اتزوجك كان بها م اتزوجك حيحصل الفي بالي وزي م انتي عارفه عندي الف طريقه عشان اعمل العايزو .. قلته ليهو طيب موافقه م عندي مشكله دا كلو عشان م يعمل الهو عايزو.. قال بس في شرط واحد .. انو تقولي لي وائل الكان مفروض يحصل وبعدها نشوف كان اتزوجك ولا لا.. قلته ليهو بس كدا ما.. قاطعني وقال لي دا شرطي وافقتي وافقتي م وافقتي يبقى ارجع .. قلته ليهو لاا موافقه .. بعدها سمعنا صوت زول بدق الباب وتاني بحاول يكسرو .. وليد بسرعه قال لي