مرحبا طبعا البارت عشرين حيكون البارت الاخير وحيكون اكو جزء ثاني بالقصه ان شاء الله اكمله بعد امتحانات الفاينل بالعطله
المفاجأه الي جان آريان مسويهه اللمار عرض عليهه الزواج حتكولون شبسرعه مالحكو واحد يحب الثاني بس آريان من زمان من اول ماشاف لمار حبهه
اما بخصوص لجين وامير بعدهم واحد يعشق الثاني بس همه مو ثنائي رئيس بالقصه يعني مو مثل طيف وسيف وآريان ولمار وان شاء الله بالبارتات الجايه رح تتوضح الكم علاقتهم
( تسريع الاحداث )
آريان تقدم لخطبه لمار والاهل وافقو وصارو عائله وحده وطبات وطلعات ومر شهرين ع خطوبتهم
اليكم الاحداث
طيف: جنت بالكليه مثل كل يوم خلصت الكليه واخذت غراضي وطلعت للكراج صعدت بالسياره اشغل بيهه متشتغل عطلت خررررب مو وكتج ابد
حابرت ع آريان ماكو صار يمكن عشرين مره مخابرته وماكو
بعدين شفت لمار وسيف ولجين طلعو
لمار: ها حب
طيف: عطلت السياره وآريان مدا يجاوبني ماعرف شبي
لمار: دقيقه هسه اخابره
سيف: خير خو ماكو شي
طيف: ماعرف والله بس السياره عطلت وبالي يم اريان مدا يجاوبني صرت شي عشرين مره مخابره عليه
لجين: اوووف مو وكتهه هم ع كيفج وي الولد يمكن عنده شغل
سيف: ها لمار
لمار: ماكو صار تلث مرات مخابره عليه
سيف: اوكفي اني هسه اخابره
طووووط طووووط طووووط طووووط طووووط طووووط
المشترك لا يرد يرجى اعاده المحاوله مره اخرى
طيف: اوووف
سيف: امشي شو عوفي سيارتج وكومو اني اوصلكم
طيف: اوك حبيبي دقيقه
وصلني سيف للبيت
سيف: باي يروحي وانتبهي ع نفسج
طيف: باي حياتي نزلت دكيت الباب ماكو دكيته ماكو كلت اكيد طالعين شوف وين اخذت المفتاح جوه السندانه مال الورد ودخلت للبيت فارغ
طيف: ماما ماما ماما وينج ياماما
ربي سترك شنو القصه
طلعت بره دكيت الباب ع جارتنه ام علي كولش حبابه
ام علي: يمه طيف هله بيج يروحي تعاي دخلي حياتي مبين توج جايه وتعبانه
طيف: اي والله خاله ميته تعب بس اجيت اسئلج وين الاهل شو ناكو اخابر محد يرد
ام علي: والله ييمه ماعرف شكلج تعاي دخلي جوه
طيف: دخلت جوه جابتلي مي تسلمين خاله شربت شويه
احمد: سلام عليكم عاش من شافج شلونج طيوفه
طيف: هلا والله بحمودي شلونك غلا
ام علي: يمه اهلج راحو للمستشفى
طيف: وكع الكلاص مني ونكسر شنوووو خير خاله احجي بابا بي شي آريان آريان صار هواي اخابره ميجاوب كليلي خاله بي شي لو ماما اي اي ماما خاله احجي
ام علي : والله ييمه ماعرف شكلج
احمد: طيف ابوج صار بي جلطه وراحو هسه خابرت آريان وكلي اني رايح تجين وياي
طيف: يلا امشي
امعلي: اوكفو يمه خلي اجيب عباتي واجي وياكم
طيف: اخذنه احمد للمستشفى وسأل ع مكانهم واني دموعي مافاركت خدي
احس عيوني راحت من البجي ياربي كولشي ولا بابا اهم شي بالدنيه بجاهك ربي لاتفجعني بي وصلنه وشفت ماما وآريان
آريان: طيف
طيف: آريان ورحت شبكته حيل ووكعنه ثنيناتنه وبس نبجي
طيف: آريان بابا ح يكوم مو مراح يعوفنه بابا ح يعيش
آريان: طيف حالنه بخطر طيف داخل غيبوبه
طيف: بابااااااااا لااااااااا صحت بعلو صوتي آريان كولي جذب دا تجذب مو آريان
ماما كولي جذب كوليلي اريان دا يجذب
كوليلي حجيه جذب مو صدك
الام: ياريت يماما ياريت
طيف: شبكت امي حيل وطمنه نبجي
ورا شويه اجو اهل سيف آريان كايل السيف لان مخابره
لمار: طيف
طيف: لمااار وشبكتهه حيل وكمت ابجي
لمار: كافي حبيبتي ان شاء الله يصحه ميصير الي دا تسوي ادعي ربج وصليله
طيف: مر يومين واهل سيف مافاركونه لاهمه ولا خاله ام علي هيه واحمد خطيه تعبناهم ابد مراح انسه وكفتهم ويانه
سيف: كومي حبيبتي روحي غسلي وتوضي وصلي يلا يعمري
طيف: باوعتله بنظرات كولهن ترجي وقلق وحزن وكمت توضيت وصليت ودعيت ربي
آريان: دكتور بشر شنو
الدكتور: ماكو شي المريض بعده بغيبوبه واحتمال يبقى اكثر من 4 اشهر منكدر نحدد الوقت الي ح يكعد بي
.............
توقعاتكم للبارت الجاي وشنو تكولون ح يكعد ابو طيف او لا وشنو ح يصير اذا كعد
احبكم
سيو تمورو
😍
