ابو ناصر عنده انعال ابو الأصبع قديم ومعتز بي
ذاك اليوم انگطع يگول شديته وخليته بعلاگة نايلون سودة وحطيته تحت ابطي ومريت بسوگ الصيرفة
وچان يجي ابن حرام ويخمط العلاگة ويشرد وأركض وراه وأسب بيه .. ولك أوگف ولك أوگف .. مالحكت بي .. شرد ،
وهاي الناس التمت عليَّ وانا فحطان وذبوا علی وجهي ماي ..
وكساع واحد يگلي العوض على الله .. وانا مستغرب !!
ولهناك وگام واحد من أهل التصريف وسألني عمي العلاگة كم شدة بيها ؟ انا گتله بعد عمك شدتين !؟
وهاي الناس صاحت والله حرامات ..
وصاح واحد يهل المروّة والغيرة لمو للحجي وكلمن على قدرته
وظلت الوادم تلملي دولارات
ولنهن صايرات عشرين ورقة
انا كيفت بيهن واتشكرت من الوادم اللي لمتلي
ولن الحرامي الباگ العلاكة يلحكني يگلي
ها تطيني نصهن لو افضحك وأگللهم شبيهة العلاكة السودة
انا خفت وانطيته عشر أوراق وردلي العلاكة السودة ..
ورديت لأهلي واسولف السالفة لأم ناصر وهاي أم ناصر بحياتها ماشايفة الدولار لأن ((ماعدها گرايب بالخارج ايام الحصار والجوع يوديلها ورق دولار )) ..
ولا حصلت من واردات النفط ورق !!!
هيَّ صبتلي ماي وغسلت وجهي واشوية ارتاحيت..
ولنها تگلي
هاي خوش شغلة بيها رزق دوم حطلك علاگة سودة وافتر بسوگ الصيرفة واتفق وي نفس الحرامي ..
حتى كلما يبوك النعال المشگوگ اتلملك الوادم ..
بس انت جثر الشدات !!
حته اتحصل اكثر !!
عفية ام ناصر عفية
😂😂😂😂
يگولون اكو واحد عنده خنجر
ووين مايروح الخنجر بحزامه ( أذبح ... وأصلخ ) ويتگلب عالوادم
بيوم من الايام زوجته گالتله يابا وديني لبيت أهلي أريد أشوفهم
گلهه أمشي خل أوديج بس خل البس الخنجر بحزام
گالتله يابه عوف الخنجر ماداعي
گالهه بووووووية اشلون ؟؟!!!! ( أذبح ... وأصلخ )
گالتله خايب استر علينا
گلهه ( أذبح ... وأصلخ ) ... گالتله براحتك
هو هم حط الخنجر بحزامه ومشوا
وصدفه بالطريق اكو عصابة وگفوهم
صاحبنا ظل يرجف من الجدم للرآس
گالوله جيب الخنجر ... أنطاهم
ورئيس العصابة رسم عالارض دائرة وگاله تعال اوگف بيها
واذا طلعت رجلك من الدائرة أرميك
زادت الرجفة عند صاحبنا
والعصابة اخذو الذهب مالت زوجته ... واخذو متاعهم ... واخذو جنطهم ... وفلوسهم.
وگالوله يله أخذ مرتك وأمشي
مشوا شويه ، زوجته گالتله .. ها افلان !!
جا وينك !؟؟؟؟ .. ( أذبح ... وأصلخ ) !!!!! وين صار الخنجر !؟؟؟؟
گلهه وداعتج .. همه ينزعون منج ذهب
وآنا كلساع أطلع رجلي من الدائرة وارجعها !!!
جا شعبالج
( أذبح ... وأصلخ )
😁😃😄☺😊
😂😂😂😂😂
عجوز صعدت ويه ابو تكسي وكل شويه تناوشه فستق كلهه حجيه شبعت بس كليلي هذا الفستق منين حلو وكلش عجبني
كلتله لايمه جابولي سنيكر بس ماعدي ضروس جاي امص الككو منهن واطيك الفستق ههههههههههههه
يكلك السايق شهر يتمضمض بكاز
😂😂😂😂
ابو بريص كل لابوه بابا من انجح شتجيبلي هديه كله ابوه اجيبلك حايط زغيروني تلعب عليه
😁😂😃😀
مجموعة أغبياء راحوا على صاحبهم في المستشفى يسألوه خير شنو اشصاير فكاللهم لا ولاشي بس الوالد شويه متوفي 😄😃😂😁😊
رجال كبير بالسن بخيل الى ابعد الحدود جاي يحتظر يريد يموت اولاده داير مدايره متالمين على ابوهم البخيل واحد من اولاده كالة بابا هسة مدكلي المن ضام هالفلوس مو باجر انت جوه التراب ميفيدك غير اعمالك ولا انت منطي منهن صدقات رد عليه الاب كاله اوليدي ذكرتني بالصدقات اخاف اموت لاتغسلوني بالمغيسل وتنطون اكرامية اوصدقه لان البارحة اسبحت بالحمام 😂😂😂😂
شاب مر من يم مستشفى الامراض العقلية سمع المجانين يصيحون 13.13.13 فصار عنده حب الفظول وراد يعرف شنو موضوع ال13 راد يدخل للمستشفى الحرس ماسمحله بالدخول شاف ثقب بالحائط مال المستشفى باوع منه واحد من المجانين فكس عين الشاب بشيش من خلال الثقب كل المجانين صاحوا 14.14.14😂😂😂😂
أتمنى عجبتكم هههه 😂😂😂
