انيي اول للمعرس زين المحطم اللي انغصب على الزواج من بنت عمه عشان العايله واسم العايله ومصالح العايلة اضطر انه يدوس على احلامه وحياته واهم شي قٌلبه عشان هاذا الزواج يتم .. بصاله الرياييل الكل كان فرحان وكان مبتهج والدنيا مو شايلته الا زين اللي كان يطالع الناس والابتسامه البارده على شفايفه اللي ترتعش من الغيض والقهر والالم العميق يتذكر حبه العنيف لمايلي ويتذكر ايامه وياها بلندن والجامعة اربع سنوات قضاها من احلى سنوات عمره عاشها وكانها اخر اربع سنوات بيعيشها بحياته يطالع الناس بعيون حيرانه يناشد ابوه عمه الصديق هاري إخوانه اهله اصدقائه اللي انعزموا من كل بقعه وين ما كانوا بس محد يسمعه يقبض على مسند الكرسي بكل قوته واهو يكظم غضب عميق يحس نفسه مثل الكاسر المحبوس داخل قفص عظيم ما يقدر حتى انه يتنفس فيه حس ان البشت اللي عليه مثل سترات الميانين يحبسه عشان ما يتحرك الوحيد اللي كان حاس فيه اهو عمه هاري لانه يعرف كل شي عن زين وعن مايلي وعن علاقه الحب القويه لان زين كان يخبره بكل شي من الالف الى الياء ... هاري عمره 20 سنه كبر زين انولدوا بنفس الفترة وعاشوا وتربوا ويا بعض حتى انهم استغنوا عن اصدقاء غير بعضهم بس يوم قرر جواد ابو زين انه يدرسه برع البلاد اضطروا الصديقين انهم يتفارقون بالجسد بس ظلوا مع بعض بالروح وماشاء الله وسائل الاتصال اتوسعت وصاروا يخصصون يوم بالاسبوع يتقابلون فيه بالنت والكاميرا ويسولفون بالمايك ...
هاري تقرب من زين: يا زين حاول انك تهدي روحك شوي احس ان مسد الكرسي بينكسر اللحين خفف شوي من عصبيتك
زين يهمس: مااقدر يا هاري احس اني بموت ماابي هالزواج شلون يزوجوني من بنت انه مااعرف عنها الا ان اسمها بيري وانا قلبي ينشد لمايلي
قاطعه هاري: زين علامك طالع ابوك وعمك شلون فرحانين بالمناسبة انت تناسى حزنك شوي مو عشان شي عشانهم .
زين واهو يهز راسه بقوة وصوت الطيران يدق براسه: مااقدر يا هاري لا تطلب مني المستحيل تدري شنو افكر افكر اشرد اشرد واحطهم كلهم جدام الامر الواقع
هاري هز راسه من كلام زين وراح عنه اخذ زاويه بعيده عن الفوضى واتصل بوليها اخت زين
وليها تتكلم بصوت عالي: هلا هاري شصاير...؟
هاري: ما صاير شي شنو هالهيله اللي عندكم والله وناسه
وليها: هههههههههه أي والله الديجي لاعب بحسبتنا والاغاني على حدها وناسه
هاري: يا حظكم مو انه يالس هني ويا هالمزاهيق يرقصون على الطيران والطبول يا خوفي احد منهم يصيبه زار هههههههههههههههه
وليها : هههههههههههههه يالله خلصني ليش داق
هاري: عطيني ارفيجتج ميغن والله انها غوتني
وليها : جب تدري عاد اهي قالت نفس الكلام
هاري : ههههههههههه ذبحتها هاا بالبدلة اهي متعوده علي بانطلون وقمصان .
وليها: بس عاد خلصني ليش متصل اللحين؟
هاري: وليها ابيج توقفين يم زين لين يدخل ولا تفارجينه قاعد يخربط ويقول كلام يخرع
وليها: خير شصاير.؟
هاري: لا ولا شي بس اهو متضايق ليش ان الاهل قرروا عنه وعن مستقبله من دون ما يستشيرونه وقاعد يقول كلام اهو مايحس فيه كل اللي ابيج تسوينه انج توقفين يمه وتحاولين تهدينه وعطيه عبارات تشجيعيه
وليها: ان شالله عمي ما طلبت ها خلصت اوامرك
هاري: لا والله وينها ميغن
وليها : هههههههههههه كاهي واقفه يمي تبيها؟
هاري : ايه والله
وليها التفتت عن التلفون تكلم ميغن
ميغن تصفق : هااا
وليها :عمي هاري يبي يكلمج
ميغن تطالع وليها باستهبال: شنو عمج شيبي فيني
وليها : بس جذي يسولف حباب عمي كلميه
ميغن: روحي زين امي يالسه يمي تبيني اكلم عمج؟
وليها ردت على هاري:تقول لك امها يالسه يمها شلون تكلمك؟
هاري يضحك من قلب: ههههه مافيها شي خليني اكلم خالتي بعد ههههههههه
وليها: ههههههههههههه
ميغن : علامج
وليها : ايقول لج بيكلم امج بعد ...
ميغن: شكله عمج شارب له شي ...
ولها:الو مستر بنانا فارج اللحين بيدخلون بيري
هاري: انا اقول اشفيهم الرياييل قاموا مرة وحده يالله نتلاقى عند الباب ...ييبي وياج ميغن
وليها: ههههههههههههههههههه يصير خير.
أنت تقرأ
I Would
Random.. : لا تبجي يا زين... تبي تزعلني اكثر ... دموعك غاليه حبيبي زين: مااقدر اشوفج وانتي جذي ... احس نفسي نذل وخسيس .. : لا حبيبي ... انت لا نذل ولا خسيس انت اشهم رجل عرفته بحياتي ... انت حبيبي ومستحيل حبيبي يطلع نذل او خسيس... بس هذي الدنيا لعبت علينا...
