سكر هاري من عند وليها وراح عند ولد اخوه اللي كان يدور عليه بعيونه هاري كان وسيم بنيته قويه و حتى عيونه من كثر ما اهي حلوة انكتبت فيها القصايد بس زين كان اوسم من هاري بالف مرة زين كان غير فتي قوي الساعد محد يقدر ينافسه لا بالطول ولا بالعرض ولا بالغرور والكبرياء لين يشوفه احد يحس انه شموخ كله فيه خصوصا مع خشمه الطويل السليل عيونه كانت عسلية ورموشه كثيفه وحواجبه مرسومه على طول العين امه وخواته وبنات العايله كلهن مغرمات فيه وفي هاري بس زين كان عاشق وحده بس مايلي.
جواد – ابو زين – كان مريض بالقلب لذا ما سار ويا الناس بالزفه طلب من هاري اصغر اخوانه انه يوقف على يمين زين عشاان يحسسه بالراحه واخوه الكبير ليام على يساره والفرقه توقف جدام عشان تزف المعاريس
مصيبه ثانيه بغرفه العروس................
ام بيري: بسج عاد يمه والله ذبحتيني وانتي تبجين ذبحتي هالبنيه واهي تعدل فيج وانتي تخربين كل شي
بيري واهي تشهق من الصياح: يمه شسويت فيكم ؟؟ انا بنتج يمه تسوقيني لشي ما ابيه ولا افكر فيه يمه كانت في بالي أحلام وايد تقومون تهدمون حياتي وتزوجوني من ولد عمي اللي ما شفته الا مرة وحده بحياتي
ام بيري : بس يا بيري بس بتفضحينا جدام الناس اذا مو عشاننا عشان عمج التعبان واعليه حاول المستحيل عشان هالعرس
بيري: ما ابي يمه ابوس ايدج يمه يمه تكفين
ام بيري وخلاص عصبت من اصغر بناتها: بسج بيري بتسكتين وبتمشين الحين ابوج ينطرج على الباب الناس ليل خلينا نخلص ونفتك
بيري سكتت ما باليد حيله راح تنساق يعني تنساق تمشي على ريلها لموتها وحياتها
انفتح الباب و دخلت و دخلت صديقة بيري#اريانا#
اريانا: بسم الله ماشاء الله بيري ... الف الف مبروك
اريانا هذي كانت وايد غاليه على بيري... وزاد غلاها باخر سنه عشان اخوها لوك ...
بيري بصوت يقطع القلب: اريانا ... اريانا الغاليه ... انقذيني اريانا ... مااستحمل والله بموت ... احس اني مثل العنزة يقودونها للذبح ... شسوي بعمري يا اريانا ... ساعديني تراني بموت
اريانا : جبي زين وايد تمثلين انتي ... شنو ذبح وعنزة ... انه ما توقعت اني اسمع منج هالكلام والله انج بايخه بي ... قومي شوفي ريلج شحليله والله اني وقفت يم الرياييل وانا اطالعه ... حتى حجابي طاح من كثر ما كنت مفهيه ههههههههههههههههه(مصطلح بحريني يعني سرحت).
بيري: والله انج متفرغه بحياتج
اريانا : انه مو متفرغه بالعكس ... انه وايد حزينه يا بيري . .بس هذي قسمه الله ونصيبه انج تتزوجين ولد عمج بالغصب ...بس لازم تتصبرين ...
أنت تقرأ
I Would
Random.. : لا تبجي يا زين... تبي تزعلني اكثر ... دموعك غاليه حبيبي زين: مااقدر اشوفج وانتي جذي ... احس نفسي نذل وخسيس .. : لا حبيبي ... انت لا نذل ولا خسيس انت اشهم رجل عرفته بحياتي ... انت حبيبي ومستحيل حبيبي يطلع نذل او خسيس... بس هذي الدنيا لعبت علينا...
