شبلاهه عيوني تعشكَ دون متشوف
وشجاني تعلقت بلـ،ماأعرفه
غريب أحساسي بيك تولعت ليش
شعور بداخلي مابيه اوصفه
الكَلب يهواك عاشكَ حدألخبال
بس عقلي عنيد يكَلي أصرفه
ودخت مابين عقلي وكَلبي محتار
شيقنع الكَلب والعقل مايصفه
أحلامي بريئه وجنهن اطفال
على ذراع الخيال شلون تغفه
يااول حبيب اختارته الروح
ويااجمل غرام واحلى صدفه
مو مئلوف حبي ادري اني وياك
بس عندي قناعه وياك أصفه
ولاشغلت صداقه وعرف بلكوكل
بس شغلت احساس وروح ترفه
المهم اني عشكَتك وانتهى الموضوع
بيك احساسي بارد رايد أدفه
شمعه انته وحياتي ليل يسبكَ ليل
نورني بحنانك قبل لا أطفه..
.
... حيدر الرســـامــ ...ـ✍ ͜℘ﮩ₰ﮩ₰ﮩ₰ــ..
