بعد مرور يوم كامل
همام. طلعتني من المستشفى ريام ورجعت للبيت وشفت امي عرفتني عليها ريام
ريام.رحت ثاني يوم طلعت همام وعرفته عل امه ورها هوه راح نام
بعد مرور شهر
همام. بعد مرور شهر رجعت لحياتي وتعودت عل امي ورجعت لشغلي ايام عاديه بس بيوم من الايام شفت وحده كلش عجبتني وكلت بس هيه وبس ورجعت للبيت فرحان حتى ريام شافتني كلتلي خيرك كتلها واخيرا لكيت شريكه حياتي بس حسيتها ضاجت رحت عل امي احجيلها عل الصار
ريام. بعد مرور شهر جانت علاقتنه اني وهمام كلللللش عادي بس سلام ومرات ماشوفه 😢 بيوم من الايام رجع فرحان وطاير من الفرح كتله خيرك كال لكيت شريكه حياتي حسيت لوني نخطف وكلبي نعصر ضجت وهو راح لامه رحت وراه وكام يحجيلها شلون شافها وضحكت وخله ناس تراقبها امه جانت تباوع عليه بجيت ونزلت دمعتي حبيبي وراح من ايدي 😢😢 مع الاسف بس راح ابقه يمه لان راح اشتاقله واني دخلت بشهر الرابع حامل بابنه 👪
همام. رحت عل امي كتله يمه
منيره . ها يمه
همام. لج يمه لكيت شريكه حياتي
منيره. شفت ريام واكفه يم الباب وتبجي كلبي نقبض . كتله منيه هاي
همام. وحده بنيه تخبل تشتغل يم الشركه اليمنه الشعر والجسم والطول والجمال افييييش تخبل كامل مواصفات لو هيه لو مازوج
منيره. باوع عل ريام راحت واني حيل انقهرت عليها لان بس هيه الوحيده الي اهتمت بي من نفقدت الذاكره مالته وجان تدعي وتصلي بس علمود يكعد ومرات اسمعها بليل تبجي وتدعي لخاطر ابنها الي بطنها ردت اكله الحقيقه بس سكتت . كتله اي وهسه شراح تسوي
همام. هسه خليت ناس تعرفلي منيه حتى امشي عليها
منيره. الله كريم
همام. صعدت فوك فرحان بس ماعرفت ليش ريام ضاجت حتى امي هم حسيتها هيج بس كلت يجوز انصدمو نمت. وكعدت حلمان حلم غريب انو اني دابوس بريام وهيه دتدلع عليها كلت شسالفه شنو قصه هالبنيه خبلتني
بعد مرور اسبوع كامل
همام. مر اسبوع وجابولي معلومات اخوها ضابط كلت اليوم افاتح امي بالموضوع حتى باجر نروح نخطبها لان صدك رايدها اووف اريدها يمي
ريام. ضليت هالاسبوع افكر شسوي من راح يتزوج وتوصلت لحل انو اتواصل ويه صديقتي هيفاء
هيفاء . اني اسمي هيفاء صديقه ريام الروح بالروح بالاعداديه خابرتني وحجتلي قصتها وكتلها اني عندي روضه ومحتاجه وحده ويايه كالت انشا الله افكر واردلج جواب
ريام. حجيت قصتي لهيفاء وكالت محتاجه يمي مربيه بالروضه وكتاها افكر
همام .رجعت لامي حجيتلها وكتلها الا نروح نخطبها
منيره. شفته فرحان نفس فرحته لمن جاب ريام جان كلش يحبها راح واجتي ريام كتلها وكالت اني لكيت حل
ريام. كلتلي عليه راح يخطب بنيه وكتلها اني راح اروح يم صديقتي اشتغل يمها بالروضه
وتنطيني فلوس لان ماريد اخرب حياته
منيره. كلتلها وكالت اريد اشتغل بالروضه يم صديقتي اني حاولت اكله الحقيقه بس هيه مقبلت وكالت باجر اروح
ريام. كتلها باجر اروح من همه يرحون يخطبون لبنبه لهمام
همام. كلت لامي وراح نروح اني وياها نخطب البنيه
ثاني يوم
ريام . حضرت هدومي وخابرت هيفاء وتفقنه اعيش بالروضه لان ماريد ارجع لاهلي وكالتلي لان راح تنامين بالروضه بعتبار ايجار راح انطيج بس 50الف واني قبلت وحضرت هدومي باليل وطلعت الكلاده الي انطنيها بيها اسمه وعندي قميص اله من خطفني ورجعت لبيت اهلي اخذته ويايه حتى بي عطري صفطتهن وخليت بعلاكه
همام. كعدت الصبح لكيت الريوك جاهز تريكت وصعدت اشوف شلبس
منيره. اني كاعده وشوف ابني فرحان وحبيبته كدامه دموعها بعينها اجتني انطتني علاكه وكالت هاي العلاكه من ترجعله ذاكرته انطيهيا واذا مرجعت لا تنطيهيا وتخربين حياته وحلفتني مانطيهيا الا ترجعله الذاكره وهيه اليوم تروح
ريام. رحت انطيت العلاكه لعمتي وحلفتها متنطيها اله الا ترجعله الذاكره جنت انتضرهم يرحون حتى اني هم اروح
همام. صارت الساعه ب5 رحنه اني وامي وصلنه لبيتهم دخلنه شفت اخوها كام يضحك
يا ترى منو اخوها ؟ قصي لو غيث؟
