همام. جنت احجي ويه ريام دك التلفون منو
غيث. عرفت من مصادري ريام يم همام ردت ادور عل شي يخصه ملكيت هوه ولد مكطوع من شجره بس اني اعرف ولدته وين وهو صارله فتره يدور عليها لكيتها وخابرته الو همام
همام. خليت ريام بحضني دفنت راسها بركبتي كتله الو هلا غيث
غيث. شلونك
همام. بخير دامك بخير
غيث. جايبلك خبر
همام. ابشر
غيث. امك يمي
همام. كمت مفزوع شنو
غيث. امك يمي لكيتها تريدها لو لا
همام. شلون ماريدها . كمت عل السريع وكتبه وين انتو
غيث. هههههههههههه بهل السهوله جيب وياك ريام واخذ امك
همام. ريام منو
غيث . لا تصير غشيم جيب ريام بمكان.... وتعال اخذ امك ماكو ريام مانطيك امك وسديت التلفون
همام. كام يحجي اذا ماجيب ريام ماخذ امي وسده بوجهي بس اني اعرف اخذهن اثنينهن
ريام. جنت دابجي بحضن همام دك عليه غيث جرني بحضنه جليت راسي بركبته ورها كام مفزوع وشفته كال منو ريام بسهوله باعني كتله همام عادي رجعني لاهلي
همام. اي يلا كومي بسرعه
ريام. كمت بدون ماحجي كلمه دخلت للحمام بجيت لان حبيته واول مره احس بهل الشعور رجعت عليه لكيته يروح ويرجع متوتر كال خلصتي
همام. بدلت وطلعت متوتر اروح وارجع طلعت ريام كتلها خلصتي
ريام. اي خلصت
همام. يلا صعدنه بالسياره وصلنه للمكان شفت امي بستها من راسها طلعت تعرفني وجانت خاليها بدار مسنين بس متعرف شلون توصلي واخذو ريام احس روحي راحت وياها
ريام. صعدنه بالسياره ورها وصلنه شفت لهفه همام لامه حيل مشتاقلها خطيه واخذني غيث جرني للسياره حتى همام مسئل عليه ولا كله خلي احجي وياها ولا ودعني اساسا مشفته التهى بامه
همام.راحت حتى مشفتها ولا ودعتها ضلت حسره بكلبي اكلها احبج بس وين راحت بالسياره كدامي صعدت بالسياره اني وامي
غيث . اي ست ريام لازم عجبتج الكعده يم همام الكو.... مو
ريام. مالي خلكك وصلني للبيت واسكت
غيث. عليمن لج عليمن اني خطيبج احترمي نفسج
ريام . يا خطيب عندك عقد سيد
غيث. لا بعدنه
ريام. عقد محكمه
غيث. لا هم بعدنه
ريام. لعد اسكت حالك حال اي ولد بالشارع بس انت تعرفني معرفه شخصيه لا اكثر ولا اقل
غيث. معرف همام يغيرج علينه
ريام. مو يغيرني عليكم بس لان عرفت حقيقتكم ضجتو مو واني وامي مخدوعين بابويه وبيك طلعتو ناس حرام
غيث. انجبي لج وضربتها راشدي
ريام. هههاي تالي عمري اني انضرب راشدي منك يا ادبسز تفو عليك وعل تربيتك
غيث. عفتها لان مخبله شمرتها بيت اهلها ورحت لبيتنه
ريام. ورها سكت وشمرني بيت اهلي وراح رحت عل امي كمت ابوس بيها مشتاقتلها وشفت ابويه ملتهف عليه عفته وصعدت فوك
صدف. شبيها ريام ليش مسلمت عليك
قصي. يمكن لان مدافعتلها ودزيت غيث
صدف. حتى لو ممعقوله
قصي. مادري لعد
ريام. صعدت نمت ورها كعدت العصر كلولي عل غيث كلت لابوبه ماريده ولو يبقه هوه اخر واحد ماتزوجه واذا زوجتوني غصب انتحر لو اهرب من البيت بعد ما حجو ورفضوا
بعد مرور سنه
ريام. فاتت سنه واني جنت بالجامعه حلوه بس صرت حيل هادئه ماضحك هواي ماتشاقه ماعندي صديقات هواي مثل قبل جان تفكيري كله بهمام مع الاسف راح وبعد ماسمعت عنه شي
همام. ورا سنه اجتي امي نورت حياتي وجبتلها خدامه صح رجعلي حنان الام بس مانكر مرات من اصعد لغرفتي اتذكر ريام حبيتها بكل تفاصيلها ومرات من اشتاقلها اكعد بغرفتها عل فراشها واتذكرها وضليت هاي الفتره كلها ارقب بيها من بعيد لبعيد كبرانه وحلاينه صايره حلوه بس بيوم من الايام صارت عندي شغله بجامعتها مادري هي جانت موجوده جنت امشي وشفتها كتلها ريام
ريام. همام
وووووو وللحكايه بقيه
