احببت عمياء

part 2

استيقظت لينا وشعرت بأنها فى غرفتها لمست على خشب سريرها حتى تتأكد من انها فى غرفتها
لينا وقد بدأت تتذكر احداث البارحة
وحزنت على طردها من الشركة فمن سوف يصرف عليها ومن سوف يقبل لكى تعمل عنده وهى بهذه الحالة فمعتز هو الشخص الوحيد الذى وافق على تعيينها فى الشركة
اعتقدت لينا انه شخص ذو قلب طيب ولكن تأكدت من انه كان يريد ان يتزوجها ولكن ما السر لكى يتزوج فتاة عمياء؟!
قامت لينا لكى تفتح الباب
لينا:اا اهلا يا اسلام
اسلام:ازيك يا آنسة لينا حضرتك بخير دلؤتى؟
لينا:الحمدلله تمام وشكرا ليك جدا
اسلام:لا شكر على واجب يا آنسة لينا حضرتك متعرفيش معزتك عندى اد ايه اااقصد عند بابا اد ايه
لينا:بجد شكرا جدا وبمناسبة المعزة وكدة بلاش آنسة لينا دى وقول لينا على طول ثم ابتسمت لينا وقالت: اتفقنا
تاه اسلام فى ابتسامة لينا
وقال: اتفقنا
لينا:شكرا انك جيت انا هدخل اكمل نوم مع السلامة
اسلام:تصبحي على خير
لينا وهى فى طريقها الى غرفتها تعثرت فى طاولة الطعام
اسرع اسلام اليها
اسلام:لينا انتى بخير
لينا:انا تمام انا تمام ممكن تساعدنى ادخل غرفتى
ساعدها اسلام للدخول الى غرفتها
وضع الغطاء عليها ثم ذهبت لينا فى سبات عميق لم يستطع اسلام ترك جنيته الصغيرة وهى نائمة كالملاك دون ان يحفر ملامحها فى ذاكرته
قبّل لينا على جبهتها وتمنى من الله ان يفتح قلبها له وان تحبه مثلما يفعل
__________________________
استيقظ اسلام على ضجة بالعمارة فهرول الى شقة جنيته سريعا خوفًا من ان يحدث لها شئ
رأى جميع سكان العمارة واقفين على باب شقة لينا
اسلام:هو فيه ايه؟
رد عليه احد سكان العمارة ويدعى كمال
كمال:فيه ايه؟! في انى البت اللى اسمها لينا دى لازم تخرج برة العمارة دى جابتلنا العار
اسلام بغضب وصوت عال:انت بتقول انت اتجنيت؟
اسرع اسلام الى باب الشقة وطرق علي الباب بعنف
اسلام:لينا افتحى فى ايه ؟ لينا انتى بتصرخى فى ايه
اسلام وقد بدأ الغضب يتملكه
اسلام بصوت عال:ليناااااا بقولك افتحى
اسرع اسلام وظل يحاول لكى يفتح الباب بثقل جسده
واخيرا قد فتح الباب واسرع الى غرفتها
وفتح الباب بعنف
رأى لينا وهى تحاول جاهدة ان تبعد معتز عنها وحالتها لا يستطيع احد ان يوصفها من شدة سوء المنظر
اسرع اسلام اليها وجذب معتز من ملابسه واوقعه ارضا وظل يلكم فيه حاول معتز ان يضربه ولكن اسلام كان اسرع منه توقف اسلام عن الضرب عندما رأى الدماء تنزف من فمه وانفه
قام اسلام وتوجه الى لينا
اسلام:لينا انتى بخير ردى عليا لحق يعملك حاجة
لينا لا تتحدث فقط تبكى وشهقاتها تزيد اكثر واكثر
اسلام:خلاص اهدى اهدى
جذبها اسلام الى احضانه وظل يربت على ظهرها وشعرها ويقرأ بعض الآيات القرأنية لها
اسلام:اهدى خلاص هو ملحقش يعمل حاجة صح؟
هزت لينا رأسها بالإيجاب
قام معتز من على الارض بثقل فهذا الاسد قد حطم عظامه
عندما رأى معتز لينا وهى فى احضان اسلام تملكه الغضب فكيف ترفضه
معتز:وعملالى فيها محترمة يا بنت ال### ما انتى فى حضنه اهو ولا هو بيدفعلك اكتر من اللى عرضته عليكي علشان كدا رافضانى
نهض اسلام ولكم معتز مرة اخرى لكمة اسقططه ارضًا
اسلام:انا لو شفت خيالك قدامها انا هقتلك فاااااهم؟
اسرع معتز وخرج سريعا من المبنى
ذهب اسلام الى جميع السكان
اسلام:انتو فهمتو ايه بالظبط؟ قول يا استاذ كمال متتكسفش
كمال:لا مؤاخذة يابنى اعذرنى على اللى قولتو انا فهمت الموضوع غلط اصل هى اللى دخلته
اسلام:دخلته الشقة ازاى يعنى وانت مطلبتنيش ليه يا استاذ كمال
كمال:انا قولت ده قريبها والموضوع مش مستاهل انى اطلعك للدور العاشر يعنى
اسلام بنفاذ صبر:استاذ كمال ياريت لو شوفت حد غريب او حتى قريب دخل العمارة بعد اذن حضرتك بلغنى اديك شوفت اللى حصل وده مثال علشان نتعلم يكون قلبنا على بعض
كمال:طب هى بخير؟
اسلام:معتقدش عن اذنك هنزل اجبلها دكتور
__________________________
بعد ان تأكد اسلام من سلامة لينا ارتاح قلبه كثيرا ونزل الى غرفته
لا يعلم لماذا ارتاح قلبه عند معرفته بسلامتها
احقًا احبها؟
__________________________
"فى ڤيلا معتز"
معتز:انا يتعمل فيا كدا ويا سلام على ال### اللى معاها اكيد رفضانى علشانه انا هوريها
الخادمة:مستر معتز آنسة سالى وصلت
معتز:خليها تدخل
الخادمة:تحت امرك
دخلت سالى الى غرفة نوم معتز
سالى:اي يا بيبي مش هنخرج ولا ايه يلا قوم البس
معتز بقرف:مليش نفس وبعدين انتى مش واخدة بالك من اللى فى وشي اى واحدة فى مكانك كانت جريت عليا علشان تشوف مالى
سالى بغضب:ليه ان شاء الله
البيه مش راضي عنى ليه وبعدين ما انا وانت عارفين اللى فيها وايه السبب
معتز:انتى عاوزة ايه منى دلؤتى ابعدى عن وشي
سالى:انت متعليش صوتك عليا
انت حر فى داهية

جذب معتز سالى من شعرها
معتز:انا فى داهية ده انتى ليلتك سودة لطم معتز سالى على وجهها
سالى:انت بتمد ايدك عليا
انا هعرفك مقامك
ذهبت سالى سريعا من بيت معتز الى بيت اباها لكى يتعامل مع معتز
زفر معتز وهرول ورائها لكى يعتذر منها لأنه فى غنى عن غضب اباه منه وحرمانه من الاموال
معتز:سالى سالى استنى سالى اسمعينى
سالى ببكاء:ابعد عنى انا هعرفك ازاى تمد ايدك عليا
امسك معتز سالى من ذراعها
نعتز:انا آسف ممكن تسمعينى
سالى:لا مش هسمع وابعد عنى قولتلك
جذب معتز سالى فى احضانه وهى يشعر بالضيق الشديد:انا آسف انا متعصب جدا بس طلعت عصبيتى عليكي انا آسف سامحينى
سالى:هتمد ايدك عليا تانى ؟
معتز:اول وآخر مرة وعمرها ما هتحصل
يلا نخرج؟
سالى:لا انت ضيعت مودى مش هخرج
معتز:طب عاوزة ايه؟
سالى بخبث:يلا بينا على فوق
انتاب معتز الضيق:لا مش هينفع انتى عارفة الشغالات هيقولو علينا ايه وبالذات عليكي
سالى:يقولو اللى يقولوه انت عارف هما فين وانا فين يلا بقا بقالنا كتير مسهرناش مع بعض
معتز:لا يا سالى يعنى لا
سالى بغضب:اااااه انا كدة فهمت السنيورة مطينة عليك عيشتك علشان رفضتك متروحلها واتحايل عليها علشان توافق عليك من تانى
معتز:انتى عرفتى منين؟
سالى:ملكش دعوة عرفت منين المهم انك روحتلها واخدت علقة محترمة من عيل ميسواش
معتز:سالى اخرسي انتى ليه دايما بتحاولى تعصبيني
ذهب معتز من امام سالى الى غرفته لكى يفرغ غضبه فى اي شئ
سالى:ماشي يا معتز الصبر جميل
__________________________
صعد اسلام صباحا الى لينا ليطمئن عليها
طرق على الباب
و بالطبع حالتها كنت يُشفق عليها فعيناها منتفختان من كثرة البكاء وجسدها هزيل وضعيف
اسلام:ااا انتى بخير؟
لينا:لا
وبدأت بالبكاء وشهقاتها تعلو
دخل اسلام وربت على شعرها وظل يقرأ آيات قرأنية لكى تهدأ
اسلام:اهدى خلاص هو مس هييجي تانى انا ضربته اهدى
لينا: ااانت متعرفش ممكن يعمل ايه انا خايفة اوى عليك هو مش هيسيبك فحالك
اسلام وقد فرح كثيرا
اسلام:انتى خايفة عليا؟
قامت لينا من احضانه وخدودها حمراء من الخجل
لينا:اااا اه اه لازم اخاف مش انتى دافعت عنى
اسلام بخبث:بس؟
لينا بحدة:بس ايه؟ مش فاهمة عاوز توصل لإيه
اسلام:بس خلاص انتى هتتحولى لدراكولا مش قصدى حاجة يا ستى
عموما سيبيها على الله وتوكلى عليه
وبعدين انا جعان ايه رأيك اجهز انا الفطار النهاردة؟
لينا بحماس :اده بجد هتعرف؟
اسلام:طبعا اعرف ده ابويا كينج الاوملت
لينا بضحك :عم محمود كينج الاوملت ههههههههههههههه مش قادرة
اسلام ببلاهة: ضحكتك حلوة اوى وغمازاتك احلى
توقفت لينا عن الضحك فجأة وقد بدأت الظنون تتجمع فى نفسها من ناحيته ولكن قلبها يرفض ذلك