8:09 am
Narrator: Wala nagdugay kay naabot dayun si Neriel sa training center ug nangita dayun ni sa iyang amiga. May na lang kay nakit-an ni niya dayun, mao to nagdali-dali siya'g baklay ug miduol sa pwesto ni Ellithia.
Neriel: /gihapak ang amiga/ Asa ang attendance dzae?
Ellithia: Dili lang pud daw ta manghapak no? Lain ka'g kinaiya ay.
Neriel: Asa ang attendance ba?
Ellithia: Wala'y attendance uy, first day baya run. Giilad lang tika arun madali ka.
Neriel: Kurimaw ka! /misulirap ang mata sa kalagot/ Nagdali-dali pa naman ko. Niya asa ang mga gwapo?
Ellithia: Pangita lang; naa may ubay-ubay pud pero wala ko'y type.
Neriel: Hoke /nilingkod kilid sa iyang amiga ug gisabak ang kaugalingong sling-bag/.
Narrator: Grabe ang paniid ni Neriel sa palibot sa pagpangita sa estudyanteng iyang matipuhan---gwapo. Grabe ang mata niini ug wala nay pilok-pilok samtang gapangita; mura'g kini'g naniid kung kinsa to'ng mga utangan niya nga gatago-tago kay iya nang tinglun. Utro pud si Ellithia, pasikreto lang nga nangita pud ug lalake nga idungag niya sa iyang listahan, gahilom-hilom lang pero nakipag-kompetensya na diay kay Neriel.
Neriel: /mihung-hong/ Dzae, naay udong nga lami nga naglingkod sa monobloc chair. Pula ug polo shirt niya gasige'g gamit sa smartphone.Ellithia: /gipangita/ hala ka oh. Gwapo dzong, Nindot isako pauli ug boarding house.
Neriel: /nasuko/ Hoy, akoa na.
Ellithia: Iluganay na ni.
Neriel: Piniskut ka, ako'y naghago ug pangita ana.
Ellithia: Idungag ko na sa akong listahan.
Emcee: Maayong buntag sa tanan! Palihug ko ug tindog para sa Invocation, nga sundan ug Pambansang Awit, ug Panunumpa sa Watawat ng Pilipinas.
Narrator: Nahilom silang duha sa takna nga nagsugod na jud ang ilang ginahulat nga program. Nanindog sila ug nangduko. Sa laing bahin, nagsugod na'g sulod ang mga estudyante sa gym; nam'westo na pud sila ug mabatiyagan dayun nga niaksyon na'g guot ang pwestuhan sa bleachers. Ug wala nagdugay, nialisngaw dayun ang sari-sari na mga baho; baho sa ilok nga nabuot sa kainit, ug mga lawas nga gapalabi ug singot.
Narrator: Nagpanlingo na lang si Ellithia sa nasimhutan,sa iyang huna-huna ba kay lami kaayo siyagitan ang mga estudyante nga unta maligo pud uy, pero dili pwede kay nag-prayer pa. Nagmahay gyud siya nganong didtoa siya nipwesto nga daghan pa man ug bakante kagaina.
Neriel: Kabaho ba, nimal! /nagkusmod ang nawung/ Asa mang ginikanan ana uy.
/ ▪ ▪ ▪ /
BINABASA MO ANG
Char-Char Lang [BISAYA VERSION | PART 1 & 2]
HumorODONG HUNTERS #1 PART 1 & 2 • Bisaya Short Story • Epistolary "Para sa mga gipangchar-char lang." FIRST WATTPAD'S BISAYA STORY. Date Started: December 18, 2018 Date Ended: November 4, 2020 /FOR ENTERTAINMENT PURPOSES ONLY/ Ps. Ang second book sa Od...