حكآية مراهقة 💜
خليكم متفآعلين زي كل ديما 😍
ديرو لايك وكومنت متنسووش 👌
_________________
الحلقة الاولى ( ١ ) 💛
اني : يامااااماااااا هيااا وقتتتت رغد من بكري تتصل بيا تحسابنا حتى طلعنا
ماما : يا بنتي والله ما خاطري ف المشي منبيش نضايق خالتك بوجودنا افهميني
اني : يا ماما العطله سبوع وتكمل واني نبي نتلاقا مع رغد ليا هلباااااااا عليها يا ماما والله ستاحشتها 😢
ماما : باهي باهي هي بدلي و وتي شنطتك خلي نخش نغسل و نوتي حاجاتي
اني : امووواااه يا احلا ماما في الدنيا 💋
~ ~ ~ ~ ~ ~ ~ ~ ~ ~ ~ ~ ~
اني اسمي سمر 💕 عمري 15 نسكن في ضواحي طرابلس ✋ بابا متوفي هوا وراجل خالتي مع بعضهم في التورة 💔
ماما اسمها ( اسمهان ) دكتورة في جامعه طرابلس عندها تلاتة ايام بس ف السبوع تمشي فيهم حالتنا المادية مرتاحة مرتب بابا الله يرحمه قاعد ينزل ومعاشه كويس هلبا ...✨
عندي خالة وحدة ( سعاد )وعمامي وعماتي عايشين في غريان مع ان حني مش غريانيين لكن هما غادي ارتاحو 👌 معنديش صاحبات 😑 اصلا منحبش الصاحبات كلهم مصلحة 😏 عندي بنت خالتي ( رغد ) بالدنيا كلهاآ 💝 هيا نديدتي لكن عايشة في قلب طرابلس هيا وامها خالتي سعاد الي توا بنمشولهم .. ✨
خالتي كانو عندها ولد وبنت الي هما رغد ومحمد تؤام ✨
محمد لما توفى كان عمره 7 سنين لكن كيف توفى ؟!؟
.
.
.
.
.
.
محمد : رغد سمر هي تعالو نلعبو وابيس
اني : اي هيي
رغد : لا لا فوق حاجة عالية احسسن
محمد : لالا هيا وابيس خير
رغد : اووف باه
سلكنا وطلعت فيا وبدينا نلعبو ...✨
عديت وبديت ...
اني : رغددد وييينك محمد ويينكم
( طبعا نلعبو في ارضنا كانت عندنا ارض وتوا بعناها )
رغد : بسسس
اني : رغددد وينكك .....
طبعآ محمد زعميتك باش متجيش فيه مشي فتح التلاجة الي برا فاسدة وخش لبد فيها ..
بدينا ندورو عليه ملقيناشي قلنا اكيدا خش الداخل خشينا وملقيناشي ....
اني : بااباا مشفتوش محمد
عمو و بابا وخويلة وماما : لالا
طلعنا مرة تانية وقعدنا ندورو جي الليل وقعدنا ندورو عليه ملقيناشي وبدينا نبكو اني ورغد و ماما وخويلة 😭
بابا : هدا وين مشي يا سااتر
عمو : تعالو نشوفو ف التلاجة
خويلة : صح حاسه ان هوا هني 😢😭
فتح عمي التلاجة وجي محمد طايح عليه ...
كلنا عيطنا وبدينا انوضو فيه و وجها ازرق وهوا شي ماباش ينوض رفعناه للمستشفى وقالونا عضم الله اجركم 💔 ...
اني : كلاااا منيييي اني قللت نلعبووو وابييس 😭😭 اصلا هوا ما ماتش ولا اصلا حمودي ميموتش ( استغفر الله ربي يسامحني لكن وقتها كنت صغيرة )
ماما : اهدي يا بنتي خلاص الله يهديك 😢
اني : يا مامااا هدا حمودي 😢😭 يعني حمودي بحاا خلاص مشي ؟😭 ارفعووني ليه بالله عليكم 😢 هوا خاايف هوا يخاف من الضلام 😭
رغد : خيركم تبكو حمودي توا كلمني قالي اني منروح للحوش وبنجيكم
خويلة : ووووووه علياااااا وليييددييي 😭 كبدددي اااااه يا رببببي هدااا كبدددي ولد بططنني مشي بالسهووله هاددي 😭😭
.............
.
.
.
.
.
.
.
.
.
.
نولو للواقع ..✨
......
ماما : هي سمر وتيتي روحك ؟!
اني : ايه واااتيه
ماما : هي اولعي السيارة هييي
اني : به
طلعت ولعت السيارة وخليتها تسخن ...
كلمتني رغد .....✨
رغد : ايوا سمر وينكمم
اني : هي كيف طالعين
رغد : اوك باي
اني : تشاو ... وسكرت
نزلت ماما وركبنا وانطلقنا .....
عطلنا ف الطريق هلبا قعدنا ساعة ونص ..
وصلنا لحوش خالتي واستقبلتنا خالتي وقعدنا نهدرزو وجونا جمييييل ....✨
اني : رغد هيا نركبو لدااارك وخلي العزايز بروحهم ^^
رغد : يس لست قو ^^
ماما : بالشفي نشاء الله 😊)
ركبنا لدارها وكانت تهببببببل مدايرتلها صيانة 💜
اني : حي تهبببل داارك 😍
رغد : انتي الي تهببلي ،،،، اي قوليلي شن شعورك ان العطله بتم وبنخشو اولى تانوي 😐
اني : احححم احححم شعور سئ سئ جدااا جدااا جدااااا
رغد : منحكيلكش صايرلي احباط تقول عليا مراة طاق فيها الوجع 😑
اني : واني تقول مراة نافس الفجججي'' 😕
رغد : فاتحين مستشفى ولادة حني 😕
اني : ههههههههههه الباين هكي
هدرزنا وقعدنا نضحكو ونبكو ونبصرو وندكرو ف يامات حمودي ويامات بابا وعمي الله يرحمهم 💔
نزلنا لوطه لقيناهم يطيبو في الغدي وكان ( رششتته كسكااااس ) اخخخخخ محلااا صنتها 😍😍😍
اني : مااامااااا رشتتة كسكاااااس !!
ماما : ودني انطرشت اي اي كسكاس
اني : ووووو هيييييييي العب ع الشطط اايييي غزااال يننننط و هيييي هيي
رغد : وشكراارااراا وشكرااارااريي والغدي فوق النااار ورغوودة ترااجي فيييه ^^
اني : و غدااانااا رشتتتتة كسكاااس بنتهاا زي الالمااس ^^ ( اختراعاتي )
استمر الوقت واني ورغد نخرفوو وجونا ميه ميه ...✨
وتي الغدي واخييييرا 😊
خدت عمتك سمر هديكا الصونية وخدت هديكا الشوكة ودارت الكودة متع العوانس وتربعتلها 💜~
اني : اممممممممممم اخخخخ محلاها يا كبددي يسلموو يديكمم 😍
خويلة : سلمكك صحة بنيتي
رغد : ماما راك غالطة ف العنوان اني بنتك 😕
خويلة : وحتى سمووورة بنننتي 💛
ماما : 😊😊
قعدنا نهدرزو ع سفرة الغدي وخشينا اني ورغد للمطبخ وضمينه بعدين بدينا نسيقو فيه ،،،، ورقصني يا جددع 💃 صوت الاغاني يخبط لعند الجيرراان وحني نسيقو ونغنو ..
اني : ااااايييي تقررري ماتتقررريش و تقررري ماتقررييش
رغد : تقرري ماتقريش بعد عرسسك خدمة ماافيش
اني : حي حي 👌
رغد : و اشطح اششطح 💃
خشت ماما فقعت علينا الباب ...
ماما : نقصصصوووو الصوووت
اني : شنييييييي منسمعش فيييك يا مااادر
رغد : يا سلملي الخاالة الصغيييرة هيا الراااي وهيا الشيييرة 👏👏 هاهاهاها وو هيي هيي
( طبعآ ماما اصغر من خويلة سعاد بعامين )
ماما جت سكرت المسجل وقعدت تشوفلنا ..
اني : خيرك يا الوالدة سكرتيه ؟!
ماما : بنقوللكم حاجة اني وخالتك بنطلعو نشرو حاجات للحوش وبنعزو خالتكم مباركة يناري ولد سلفها مات
اني : تي مني خالتي مباركة انتو حتى اشبح مني تواصلو فيهه -.-
ماما : صاحبت امي زمان الله يرحمها
اني : ااااييح صاحبت ميمه وتواصلي فيها باهي باهي
رغد : وووو هيييي امي مساافرة وهاعمل حفلة بس ياااريت متجيش على غفلة
اني : قتلك ماشية لمباركة مش ماشية لكندا
رغد : قعااادك عاد كيف حالك سلمك شن خبارك سلمك سلمك سلمك سلمك ....الخ وسلمك هادي تقعد ل الليل
اني : هي هي جيبي النشافه خلي نتفكو منه هالمطبخ ...~.~
سيقنا المطبخ وكملناه وطلعو ماما وخويلة ركبنا حني فوق وقعدنا نهدرزو .....
رغد : اسمعي تعرفي في موضوع راكب ف دماغي من اول ماتوفى بابا وعمي الله يرحمهم ....😞
اني : شن هوا
رغد : .........
اني : كيف لا مستحيييييل ✋
________________
زعمآ شن قالت رغد لسمر ؟!
وعلاش سمر قتلها مستحيييل طول من غير ماتفكر ؟!
وهل هادي الفكرة يقدرو يقتنعو بيها سعاد و اسمهان ؟!
نشآء الله تكون عجبتكم اول حلقهة من رواية 《 حكاية مرآهقة 》
انتضروني في الموعد انشاء الله 💝
الكاتبة : غفرآن 💟
