سمراء

الفصل الأول

"1"

.

كوب كهوة ..وسماعات...وسريرك..وشاشة الابتوب..منا تبدي كل قصصنه..قصصنه..احنه جيل المستقبل..الجيل إلي منفتحنه عيونه..واحنه نسمع..الحب والعشق والخيانه..وفلانه وفلان..بس عمرنه مخلينا نفسنا بمكان غيرنا..عمرنه ماخلينا نفسنا بمكان وحده حبت ووثقت..وراها انخانت وضاعت كل حياتها..للأسف كلنه صرنه نلعب دور الملائكة..بس ياترى صدك احنه ملائكة..وماعدنه أسرار نخاف تطلع بيوم حتى منصير مثل فلانه وفلان؟؟

صعبة جدا مشاعرك لمن ينحكم عليها بالفشل..صعبة جداً..

.

.

.

سناء : هاي شنو ماما لساج كاعده..يله حبيبتي وراج كلية باجر

سمر : ان شاء الله ماما بس أكمل كتابه..

سناء : عوفي كتاباتج..وطفي ضوه ونامي....يله سمور

سمر : سديت..يله

سناء: مو اسد الباب ترجعين تفتحين مثل كل مرة

سمر : هههه لاماما وعد. .تصبحين على خير

سناء :وانتي بخير سومه..

........................................................................

"2"

الكتابة..صارت هل الأيام أفضل وسيلة للتعرف على الناس بكل العالم..وصارت أيضا افضل وسيله للكذب والغش..وياما اكثر هل القصص..بس تبقه اكو قصه تبقى عايشه رغم كل الضروف..مثل قصتي..اني وبسام..تعرفت عليه بوقت كنت محتاجه لأحد يمدلي ايده..ويشيل عني همومي..ويعوضني عن حياتي القديمة..

اعرفكم على نفسي..اني سمر..وعمري 24 طالبة بكلية الطب..مرحلة اخيرة..اهلي متوفين من10سنوات...وسناء خالتي بس هي الي مربيتي وره وفاة ابوي..امي الثانية ...عشت وياها اجمل سنين حياتي..بوكت كل الناس تخلت عني..

.

.

قبل 10 سنوات...

كان عمري 14سنه..محلتنه القديمة..ايام الشقاوة والمراهقة..وحب الطفوله وبرائتها...بسام ابن المحلة المهندس وشاب البعيد عن الحظ...وسمر جميلة الجميلات. .سمر يوسف بنية حلوة جدا ملامحه شرقية حتى بسمارها..كانت إسم على مسمى..وبيوم من ايام شتا العراق الرهيب..ويه المطر..صارت أجمل صدفه ويه بسام..

.

.

سمر :خاله وين احمد تأخرت

ام احمد: مراح يجي عليج..طلع من فجر

سمر : لا اهووو منو يوصلني هسة

ام احمد: بلا دلع مدرستج قريبة

سمر : هئ هئ خاله..والمطر

ام احمد : سمر سالفة تغيبين بطليها...هل الايام كمتي تزوديها..كله من الفون والفيس