سناء
.
.
_ماما
_خير سمر..انتي متكولين ماما اذا ماوراج شي..
_بسام يريد يتقدملي
_مو بعدج صغيرة
_ماما...اني نجحت للسادس يعني مابيها شي اذا بس اخطب.
_وابوج راح يوافق
_تدرين بابا شكد يحب بسام خصوصا وره شغله المشروع
_سمر..صح اني مو امج بس ربيتج وانتي بعدج بالقماط..اختي الله يرحمها امنتني عليج.. واني حتى لو اقسي عليج فاريد مصلحتج
_واني صح مااعرف امي..بس اعرفج انتي واحبها بكد مااحبج..بس بسام يحبني..وادري بابا يمكن ميوافق بس اريد مساعدتج..انتي ماما واكيد تفهمني.
_تحبي؟؟
_اموت بي
_واثقه بي
_اكثر من روحي
_واني واثقه بيج وبعقلج..وادري ماراح تختارين الا صح..والله وكبرنه وراح تنخطب بتنه
_مشكوره يااحلى ام بالدنيا
.
.
لليل رجع بابا للبيت طبعا درة من نظراتي اكو شي..ظليت كاعده وياه ويه احمد...وخالتي..غمزت لخالتي حتى اذكرها...فابتسمت خالتي وكالت لابوي
_ابو سمر
_نعم..ام احمد تفضلي
_تسلم...قاصدتك بحجايه بيناتنه
_اي وشكو بيها..خلي نروح للمكتب
.
.
_وهاي صرنه وحدنه
_ابوسمر..والله مستحيه منك..بس الحجايه على سمر
_خير ان شاء الله مسويه شي
_لا ماشالله عيني عليها بارده...بس اجوها خطابه..
_خطابة؟؟
_اي خطابه ماشالله..البنيه كبرت وحلوت..والبنيه مالها الا الزواج والستر...
_اعرفه؟؟
_اي
_منو..قرايب غريب
_المهندس بسام...جيرانه بيت الحجي منعم
_اها....
.
.
........................................................................
سمر
.
.
اف قلبي راح يوكف...شون بيه...دك تلفون
_الووو
_هاا حبي
_اشو خايفه شبيج
YOU ARE READING
سمراء
Romansالسمراء وآه من السمراء وفتنتها .. وأين يهرب الرجال من فتنة النساء السمراوات ؟ . فاستهنت بسمراءٍ فاتنة ولم تعرف بأن الموت هو سمارها. رحيل الاسدي