سمراء

الفصل الثاني

من قريت الرسالة لسة اني مااعرف شنو احساسي..مااعرف افرح لأن سمر قبلت او ازعل لان راح اعشمها بيه او اخاف لان ابوها ميوافق..اف..حطيت ايديه على وجهي..وظليت افكر..

_مساء الخير (سمر)

سمر؟؟ رجليه بعد متشيلني حاولت اوكف..هي لا اني كمت اتخيل..رجعت عادت...مساء الخير..

_يعني انتي صدك؟؟ (كمت فانضرب الكرسي وطاح)

_هههههههه..شنو تشوف..على كيفك

_غوشت الصورة..حتى رجليه متشيلني..نورتي

_هله بيك..

ضليت صافن معرفت شسوي..شوي وردت اموت..

_بسام..

_امري

_أحبك..♥♥♥♥♥♥♥

_هاا

_اااحبك ♥♥♥♥

حاولت اكعد كل ظني الكرسي بمكانه...نسيت هو طاح..واني هم طحت وراه..يافشلتي..

_سلامتك...ههه...كوم انطيني ايدك

_لا..لا..هسة اتخبل..ياأيد...أصبريلي خلي استوعب

_شبيك بابا قابل راح اكلك

_هههههههههههه لاتقلدين

.

.

_والله العظيم احبج وأول مرة بحياتي احب احد مثلج..الله عوضني عن اهلي وفقري بيج... ادري ماراح اصيرلج فارس الاحلام الي تتمني..بس والله وعد ادفعلج عمري كله بس اعيشج وانتي سعيدة

_وإني لوما عرفت اني أحبك..وأنك صدك فارس احلامي..وانك صدك تحبني..جان ماوثقت بيك

_يابعد روحي والله...يله حبي رجعي للبيت اكيد راجعه تعبانه..وبس تفرغين من دراستج خابريني..اوك

_ان شاء الله...متريد رقمي

_اعترفلج بشغله.. رقمج عندي...هم أخذته من موبایل زهراء

_ههههههه يومه منك...كمت أخاف

_ههههه فدوة..يله..للبيت بسرعه..

_تأمر أمر حبيبي

_يلة امشي لان شوي افقد عقلي.

-هههههههههههههه...باي

_الله وياج

.

.

يالله ربي يخليج إلي...السعادة إلي اني بيها تسوة الكون والي بي..لليل اجتي زهراء للغرفه..

_اكدر ادخل

_تعالي

_اشو تضحك...سمعني

_امممم..ماا

_بسام...بسومي..عفيه...شبيها عينك تغرد

_مخلص من لسانج تعاي..