اها صحيت الصباح ب صوت المنبه قمته مخلوعه دخلته الحمام اخدته لي دوش وطلعته سرحته شعري و لبسته لي اسكيرت اسود وقميص ابيض واسبورت رمادي وطرحه بدرة رماديه ها وشلته الشنطه السودا🙂ابيض واسود شطرنج بس😂ولبسته الخاتم الادتني ليهو نهى هدية عيد ميلادي وقلعتو قلع منها🐸😂وساعه سودا ومشيت ع حاجات الميكب الجابتم لي هند شلته روج كبدي عملتو خفيف وعملته ماسكرا وجيت طالعه لمى صحت من النوم قالت لي انتي منو؟🐸قلته ليها انا نكير وجايه اشيل روحك اريح الجماعه ديل منك😒قالت لي لارين مالك بقيتي مزة كدا☹قلته ليها من يومي مزة بس انتي ال م بتشوفي😀قالت لي ف فرق طبعا بين العولاق الكنتي بتلبسي وبين القشرة دي💁🏼♀قلته ليها شكرا ليك يلا م فاضيه ليك حا اتأخر طلعته لقيت ديل بشربو ف الشاي محمد قال لي م شااء الله بسحرووك الليله😍قلته ليهو هههه الله م ضراك😀💜هند قالت لي طالعه حلوة اليوم قلته ليهو تسلمي من يومي حلوه💁🏼♀قالت لي اي اصلك حلوة اقعدي اشربي الشاي واطلعي اخوك بوصلك قلته ليها طيب🙂💜شربته الشاي ومشيت محمد وداني بالعربيهه لمن وصلته ودخلته الجامعه يداب خفته💔بجد عالم جديد وغير الانا كنته عايشاه وبراي م بعرف أي زول💔مشيت لقيت لي ولد واقف براهو وشله قلته ي لارين اخير تسألي الولد البراهو دا من تحرجي نفسك مع الشله💁🏼♀🐸 مشيت ليهو قلته ليو لوو سمحته؟ قال لي نعم قلته ليهو وين قاعة برالمة صيدله؟ابتسم ابتسامه خبيثه م ختيت فيها شي ووصف لي اها وانا ماشه ع المكان الوصفو لي قبل م اصل ف ولد م شاء الله عليهو سماحه تلبش وهادئ كدا تحس بيهو😍اسمراني لكن ملامحو جمييله شديد قلته ليهو لو سمحته صاح قاعة برالمه صيدله بي جاي؟ ضحك ب هداوة والغمازات تسو كدي👋🏼كدا حلاة الضحكه عندو😭🖤قال لي لا لا والله😂شكلو عايزين يبرلموك بي جاي حمامات الرجال🙂شت ياخ من الاحراج🙂💔وصفها لي وين قلته ليهو وانا الضمني شنو اني م اتبرلم تاني😀قال لي طيب تعالي بوصلك انا زاتي برلوم صيدله لكن جيت كم مرة الجامعه ارح قلته ليهو طيب بس ممكن امشي لي الولد الوصف لي داك عندي حاجه واقفه لي ف حلقي الا اقولها ليهو🙂قال لي طيب تمام😂مشى معاي مشيت للولد قلته ليهو توصف لي الحمامات🙂يحموك بي موية نار شاحده ربي😀حمة تايفويد شهرين ي بعيد الولد بقى واقف ومخلوع والجا معاي ميت من الضحك🐸قلته ليهو ارح🙂قال لي جيتي تردحي ليو يعني؟😂قلته ليهو لا بس لازم اقول ليهو الكلمتين ديل م بقدر اسكت🙂قال لي صحي م عرفته اسمك منو؟ قلته ليهو لارين قال لي اسمك حلو زيك كدا😍قلته ليهو تسلم وانت اسمك منو؟قال لي اسمي فهد قلته ليهو تشرفناا،،قال لي شرف الله قدركك☺اها وصلنا القاعه كانت المحاضرة حا تبدأ مشينا قعدته جمب بت كدا حلاتها قالت لي هاي😍قلته ليها اهليين قالت لي ممكن نتعرف!(زكرتني ب اولاد الفيس ناس هاااي ممكن نتعرف🐸)قلته ليها اوك لارين يوسف وانتي قالت لي ريل محمد🙂ساكنه وين انتي؟قلته ليها المنشيه قالت لي كويس والله قلته ليها وانتي ساكنه وين؟قالت لي قاعده ف داخليه هنا ف بري قلته ليهت تمام والله احسن ليك💜قالت لي عندك صحبات هنا قلته ليها لا والله☺قالت لي طيب انا كمان م عندي ممكن نبقى صحبات؟قلته ليها طيب☺قعدت تونس فيني لغاية م الدكتور جا🐸 جاب اللابتوب وبدا يشغل ف البروجكتر لابس ليهو نظارة ظاهر عليهو صغير كدا وحلبي وسمممح شدييييد السكسوكه ولا اللون معضل كدا مزززة استغفر الله انبرشته☺طبعا القاعه كلها سكتت قبل م يشغل البروجكتر طلع النظارة وقال لينا وااااااه برااالمه وقعد يضحك والغمازات تللبش والشعععر دااا اسود من ظلام الليل😭معليش انفلته😂😂جو شلتو قعدو يضحكو طلع خريج وجا برلم القاعه كلها🐸مسكته لساني طبعا لانو لو اتكلمت م حيحصل خير🐸قمته ع حيلي قلته ليهو ظرريف طبعا☺قال لي شكرا م طلبته رايك😒وطلع ي الاهي اين جبهتي💔🐸المهم مسكته نفسي وقعدته🌚بعد شويه جا الدكتور وادا المحاضرة وانا مزاجي اتعكر بحب احرج بس بكرهه زول يحرجني😒خلصته محاضرة وطلعته مع ريل قالت لي ارح الكافتيريا نفطر قلته ليها اوكي نفطر ونطلع قالت لي تمام مشت طلبت الاكل وقعدته براي منتظراها جا فهد قعد معاي قال لي اها لقيتي المحاضرة كيف وجو الجامعه وكدا قلته ليهو م بطال لكن المحاضرة م فهمته ليها اي حاجه قال لي لي؟قلته ليهو الاهبل الجا دا عكر لي مزاجي☺ قعد يضحك قال لي م تشتغلي بيه😂
