طلعت برا لقت جواد طبعا قدام الرجال قالت ليهو امشي لم مرتك دي عاملهه فيها مجنونه م تتجنن فينا نحن😠قال ليها خير مالك ي خاله؟قالت ليهو تطردني انا نهاية الزمن انا انطرد من مجنونه زيها كدا😠قال ليها مرتي م مجنونه☺واكيد ف سبب طردتك بيهو قالت ليهو مرتكك واحده منفسنهه اعرضها ع دكتور كان ترضى كان تاباا مرييضه عقليا ونفسيا😠قال ليها ي خالتو مع احتراميي ليكك يعني مرتي لا مريضهه ولا منفسنه المرض فيكك انتي وعقلك المريض☺وانا مرتي واثق من كونو انها طردتك عشان سبب م سااي☺ومعليش دا عزا و دا م وقت المشاكل والله ف بعتزر ليك بالنيابه عنها مع انها م حا تكون غلطانه ومشى خلاها☺المرة تتكلم قدرتها ااي اصلا داا عرس الشفعع نهايتو كداا اذا الابو والام الاتنين م عندهم احترام اولادم بعدين حا يطلعو كيف😒بناتها سكتوها وساقوها🙂طبعا انا هنا بكيت بكاا يعني بالجد بعد طلعتني منفسنهه ومجنونه واتكلمت في تربيتي لكن م عافيهه ليها جواد دخل لي جوه ساقني الغرفه وجاب لي مويهه قال لي روقي واحكي لي الحاصل شربته المويهه وحكيت ليو وانا بشهق😭قال لي لكن دا غلط منك ي لارين كان تطنشيهم وم تشتغلي بيهم قلته ليهو يعني بالجد غاظوني يعني حبوبه م تمت يوم من ماتت وهم كدا وقلته ليهو انا عايزة حبوبه ي جواد عايزاها م بعرف😭😭ضماني عليهو وقال لي حبوبه ف مكان احسن من دا ب كتيييير بس ادعي ليها💜(سجل عندك دا الحضن التاني🐸)بكيييت لمن نمته وهو ضاميني(عاد كيف م تنومي يهنايهه🐸🐸)رقدني ف السرير وشغال المكيف وقعد شويهه كدا *يلا نشوف التخو جواد قعد مسافهه لي؟كان بعاين ل لارين🙂نظرة حنية كدا(نحن البعاين لينا منو🐸)عاينن ليهاا مسافهه ل ملامح وشهاا الجميلهه وللدمعه النازله ع خدها(دمعه ولا شوربه هاها🐸)مسح دمعتها بي يدو ومرر يدو ع شعرها الناعم الطويل بالرقم من اللون الغامق التحت عيونهاا والهالات الفي وشها نتيجه للسهر والبكا الكتير الا وانها برضو جميلهه💜يمكن اول مرة يعاين ليها ويتامل فيها كدا💜طلع من الغرفهه مشى اتوضا وصلى ركعتين دعى فيها ل لاريين كتيير ودعا انو تتجاوز المرحلهه الصعبةة دي💜وهو بدعي قال ربي لا تؤذيني في من احب💜بعد خلص صلاتو مسك المصحف قرا جزء كامل💜وبعدها قام وقف مع الناس ف العزا💜*طبعا صحيت بالليل كدا لقيت نفسي برايي طلعته برا لقيتهم كلهم نايمين جيت داخله جوة فتحته فوني لقيت مكالمات من جواد قبل نص ساعه كدا رجعته ليهو قال لي كيفك؟قلته ليهو الحمد لله قال لي م احسن شويهه؟قلته ليهو لاا...جواد انا متضايقهه شديد حاسه ب خنقهه💔بالجد م قادرة ياخ تعبته انا ف الدنيا دي والله💔قال لي استغفري كتيييير ي لارين وين انتي حاليا؟قلته ليهو ف الغرفهه قال لي طيب تعالي طالعه الشارع انا قاعد براا قلته ليهو طيب نزلتهه بي جلباب البيت لابسهه لي واحد طويل كدا حتى التوب جمبي م شلتو اصلا انا بقيت م واعيه بعمل شنو ف نفسي مشيت الشارعع قال لي امشي البسي زفت عبايه ولا توب وتعالي🙂دخلتهه لبست التوب وجيت مسكني من يدي وودانيي العربيهه قال لي اها مالك احكي المضايقك قلته ليهو وربي انا زهجته زهجته من الدنيا دي يااخ كل م اتعلق بي زول افقدو💔قال لي دي كلها اختبارات من ربنا عايز يختبر صبرك م تضعفي انتي اقوى من كدا اصلا الدنيا كدا عادي بتاخد منك زل عزيز عليك ف كسر من الثانيهه💔يعني عندك انا ابوي اتوفى وانا كنته بتونس معاه ولا عيان ولا عندو ايي حاجهه فطر معانا واتونستهه معاهو اثناء الونسهه شهق والله انا كنته حا اجن عديييل لكن زيي م انتي شايفهه حاليا هو الميت مهما كان م بتنسي لكن حا تستسلمي ل الامر الواقع بحكي وبحاول يخبي دموعو يعني بالجد حارة وشديد كمانن💔بعد م حكى لي انا دموعي تلقائيا نزلت براها لفينا بالعربيه احساس نغير جو وكدا قال لي انتي الليله م اكلتي حاجه صاح؟قلته ليهو ايوهه قال لي طيب ان شاء الله نلقى مكان فاتح قلته ليهو م عايزهه قال لي انا زاتي م عايز طيب نرجع قلته ليهو انت برضو م اكلته حاجه؟قال لي ايوه قلته ليو م تربط نفسك بي ي جواد امشي اكل حاجهه قال لي حا تاكلي؟قلته ليو وربي م عندي نفس💔قال لي انا كمان يلا ارح ارجعك قلته ليهو جواد بليييز اكل😢قال لي م عايزز انتي م حا تاكلي قلته ليهو م عايزة قال لي تمام نرجع البيتت رجعنا البيتت انوم شويه واصحى ابكي تاني انومم 😴 تاني يوم ف العزاا الشخص اللي اسمو ابوي جا💔يعزي وكدا طبعا سلمته عليهو ب كلل البرود ال ف الدنيا دا كلو وجواد واقف المهم دخل لي ناس محمد وكدا طبعا علاقة اخواني ب ابوي م بطالهه يعني كويسهه المهم جواد قال لي دقيقتين عايز اتكلم معاك قلته ليو طيب قال لي لي بتعملي مع ابوك كدا؟قلته ليهو يستاهل اكتر من كدا☺قال لي لي عمل شنو قلتهه ليهو موضوع شخصي شويهه م بحكيهو ليك🙂قال لي شخصي؟م تنسي انا راجلكك و ماف امور شخصيهه بينا🙂قلته ليهو دامك مصر حا احكي ليك طيب💔كنا صغاار انا كنته ف تالته اساس ولمى كانت في سادس المهم م علينا كنا عايشين في امان الله وحياتنا حلوهه شديد💜يوم بالمساء كدا اول مره اسمع اصوات امي وابوي تعلى ف البيت💔السبب كان لقت رسايل مرسله من تلفونو ل واحده و م يدل ع انها مرتو امي واجهتو بالكلام دا ف بالاول كان ناكر تماما وبعدها قال ليهاا ااي دي مررتي وانا معرس عليك واعملي العايزة تعمليو امي كان عندها ضغط ونسبه ل حبها لي ابوي وكدا وكانو متفاهمين شديد جاتها صدمه ورقدوها المستشفى كم يوم وماتت ب سبب اهمال ف المستشفى وحقنه غلط اخدتها عرفت عرفت لي بكرهو؟
