اوكـــســـجـــيــن

البارت 5

# قــصــة أوكـــســجــيــن
بقلم ( فـجـر الـمسـاري)
البارت 5

مساء السعاده 🌹🌹🌹🌹🌹🌹عليكم حبايبي

ومرت الايام بين شغل البيت والتنظيف...

ماما كله ذابته عليه...

جنت مرات اشوفه ومرات لا...

واليوم جان اخر يوم امتحانات اخويه علي

الحمد لله خلصنه...

وبيوم جنه كاعدين وماما وبابا كالواا حضروا نفسكم

الفجر نطلع لبغداد...

شنوووو... ماما

كالت مثل مسمعتي... علي خلص امتحانات

واني وابوكم اخذنه اجازه لمده شهر

راح نررروح لبيتنه بغداد... نغيير جووو ..

صعدت حضرت جنطتي ونمت يعني مده شهر ماشوفه...

وهو هم ماكوووو مسافر صار كم يوم مشايفته ..

من الفجر طلعنه... لبغداد...

لبست بنطرون جينز وقميص وردي فاتح وجنطه

وحذاء وحجاب ابيض...

وطلعنه اني وبابا وماما واخواني علي وياسين لبغداد بسياره بابا...

طلعت وجانت عيني على بيتهم ردت اشوفه

قبل لا اسافر بس مشفته...

طلعنه بالسيارة ومشينه ...

وصلنه للبيت فتحت لباب ام لا ن ماما جانت

مخليه نسخه من مافتح للبيت يم خاله حنان

على اساس يتاجر وتالي ماما مبطله ..متاجره

ومطيه خبر لخاله تجي هي وام

حتى ينظفون البيت قبل يومين...

احنه من سافرنه مااخذنه كل الاغراض بس ضروريه

والبقيه ماما كالت مناك نشتري ..

وخلينه باقي الاثاث بغرفه جبيره وقفلت عليهم

مطلعيهم ومرتيبن للبيت...

بقينه فتره شهر بغداد او اكثر...

جان كل يوم يمر عليه بسنه...

جنه نطلع لمطاعم واماكن حلوووه متنزهات

بس مجنت فرحانه احس بنفسي فاقده شي غالي عليه...

اشتاقين ليوسف وردت اعرررف اخباره...

بس ماما منعتني حتى عن صديقاتي...

نور الهدئ وعذراء ...

ماما جانت متخليني اتصل بيهم... واحجي وياهم

ومااعرف ايي شي عنهم ..

جنت قبل من ماما بالدوام اتصل بيهم بالبوكه