# قصة أوكــــســجــيـن ..ج2
بقلم ( فجر المساري)
البارت 26
مشت حياتنا ورحت لدكتورة وعرفت بيه تؤام
ولد وبنت كلش فرحت وعدنان هم فرح
حسيت رب العالمين عوضني… بيهم
مرت الاشهررر بتعب بس الحمد لله خلصت
اول سنه كليه ونجحت وصارت ولادتي وخطيه
خالتي اخت ماما من سمعت اجتي من الاردن
وحظرت ولادتي لان عمليه قيصريه جنت كلش
خايفه دخلوني للعمليه ومن فك البنج وكعدت
متت من الوجع بس لخاطر اطفالي اتحملت
فتحت عيوني…
عمتي الحمدلله على سلامتج بنيتي ..وبوستني
عدنان الحمدلله على السلامه باس راسي
بسس انصدمت من عدنان صدمه العمر 😬😬😦
من ردنا نسميهم…
جان عمتي تكول شراح تسموهم كتلها غير عدنان
يسميهم عدنان باوع عليه واشر عله بنوته كال
سميتها رحمه حتى الله يرحم بحالنا ..ونشوف
على وجهه الخيررر…
انطاني الولد واخذها من عمتي باسها وحضنها
كال يايابه صاروا ثلاثه ..
هي وامها واخوها خوش عصابه شيخلصني منكم ويضحك
..باوعتله هيج 😒
وبداخلي اريد اضحك بس ماكدر من الوجع .ههه
عدنان ..خطيه والنونو يبقه بلا اسم شراح تسمي
جان يصفن ويفرك وجهه بايده وكال ..يوسف
اني انصدمت 😲😰😨
خالتي اخت ماما كامت وكالت شنووو يوسف
قحط اسماء… سمي على اسم اخو احمد…
زعج عينه وكال… لا هاهيه سميته على اسم
اخويه وضلعي وصديقي يوسف ميتغيير
سكتتت خالتي،…
اني هنااا متحملت نزلت دموعي هو شافني
ابجي طلع بعد مااجه لثاني يوووم…
باتت ويايه خالتي وعمتي ،..
جان مبين عليه ضايج ومخنوك ..كال يالله نطلع
طلعوني للبيت…
وخلولي السرير بالصاله جنت كلش تعبانه بس
جنت كلش فرحانه بالاطفال بس ضجت من الاسم
أنت تقرأ
اوكـــســـجـــيــن
Romantizmعفت بية وجع شمعة اعله صينية عرس بالليل اوج بروحي بس الناس متونسة... قصة حب والم وفراق حقيقية... .
